?കരിനാഗം 17? [ചാണക്യൻ] 410

ആവേശം അതിരു കടക്കുമെന്ന് മനസിലായപ്പോൾ രുദ്ര തന്റെ മനസിന്റെ കടിഞ്ഞാൺ പിടിച്ചു വലിച്ചു കൊണ്ട് ബെഡിൽ നിന്നും ചാടിയെഴുന്നേറ്റു.

എന്നിട്ട് വേഗം തന്നെ ഡ്രസ്സ്‌ ഒക്കെ എടുത്തിട്ട് ബാഗുമെടുത്ത് ബസ്റ്റാൻഡിലേക്ക് ഓടി.

നടക്കുംതോറും മഹിയുടെ മുഖം മാത്രം മനസിൽ തെളിഞ്ഞു വന്നു.

ഇന്ന് തന്നെ ആളോട് തന്റെ ഇഷ്ടം അറിയിക്കണം……. ഏത് വിധേനയും.

പ്രണയ പരവേശത്താൽ രുദ്ര പിറു പിറുത്തു.

മഹിയുടെ മുന്നിൽ അവൻ തേടിയലയുന്ന ചന്ദനഗന്ധമുള്ള പെണ്ണ് മുഖദർശനം നൽകി അനുഗ്രഹിക്കുമോ എന്ന് കണ്ടറിയാം.

മഹിക്ക് ആ സൗഭാഗ്യമുണ്ടോയെന്നും.

——————————————————–

VIP റൂമിൽ തന്റെ മാതാപിതാക്കൾക്കൊപ്പം കളി ചിരികളിൽ മുഴുകിയിരിക്കുവാണ് ശരണ്യ.

ഏതു നേരവും അവർ ഇരുവരും തങ്ങളുടെ പൊന്നോമന മകൾക്കൊപ്പം തന്നെ സമയം ചിലവഴിച്ചുകൊണ്ടിരുന്നു.

മോളെ………

എന്തോ ഓർത്തുകൊണ്ട് ശരണ്യയുടെ അച്ഛൻ വിളിച്ചു.

എന്താ അച്ഛാ?

അത്…….. പിന്നെ……. എങ്ങനെ ചോദിക്കണമെന്ന് അറിഞ്ഞൂടാ

ആ പിതാവ് കിടന്ന് വിക്കി.

അതിനെന്താ അച്ഛൻ ചോദിച്ചോ

ശരണ്യ നിർബന്ധിച്ചതും അദ്ദേഹം പറഞ്ഞു തുടങ്ങി.

മോളെ അപകടപ്പെടുത്തിയത് ആരാണെന്ന് കണ്ടിരുന്നോ?

അച്ഛന്റെ ചോദ്യം കേട്ട് ശരണ്യ അല്പ നേരം ഒന്നു ആലോചിച്ചു.

അന്ന് ആക്‌സിഡന്റിന് ശേഷമുള്ള കാര്യങ്ങൾ.

അവൾ അതൊക്കെ ഒന്നു റീവൈൻഡ് ചെയ്തു നോക്കി.