?കരിനാഗം 16?[ചാണക്യൻ] 325

യക്ഷമി പറയുന്നത് കേട്ട് ബ്രഹസപതിക്ക് കോപം വന്നു.

വിഡ്ഢിത്തം വിളമ്പതിരിക്കൂ യക്ഷമി….. ഇരുമ്പിനെ ജ്വലിക്കുന്ന ചൂളയിലിട്ട് അടിച്ചടിച്ചു രാകി മിനുക്കി ഒരു ആയുധമാക്കുന്ന പോലെ ഒന്നും അറിയാത്ത നമ്മുടെ രാജകുമാരനെ ഞാനെന്ന ചൂളയിലിട്ട് ഞാൻ തന്നെ രാകി മിനുക്കി അതിവിശിഷ്ടമായ ഒരായുധമാക്കി മാറ്റും,…… അത് ഈ ബ്രഹസ്പതിയുടെ ശപഥമാണ്.

അദ്ദേഹത്തിന്റെ ദൃഢമായ വാക്കുകൾ കേട്ട് യക്ഷമി പിന്നൊന്നും മിണ്ടാൻ പോയില്ല.

രാജകുമാരന്റെ സ്ഥിതി അപകടത്തിലായതിനാൽ എത്രയും വേഗം കാര്യങ്ങൾ നടപ്പിലാക്കാൻ അവർ പദ്ധതി രൂപീകരിക്കുവാൻ തുടങ്ങി.

എന്നാൽ കരിനാഗജരുടെ വീക്ഷണത്തെക്കാൾ ആയിരം മടങ്ങ് മുന്നിലായിരുന്നു രുദ്രരൂപ.

കരിനാഗങ്ങളുടെ വാസ സ്ഥലത്ത് നിന്നും മടങ്ങിയ രുദ്ര അലോക് എന്ന നാമത്തിൽ വസിക്കുന്ന രാജകുമാരനെ ഗൂഗിളിലൂടെ കണ്ടെത്തി.

അതിനായി അവളെ സഹായിച്ചത് രേവതിയുടെ ഫോണും.

അലോക് ഒരു ബിസിനെസ് മാനും പ്രശസ്തനും ആയതിനാൽ മുന്നോട്ടുള്ള വഴി അവൾക്ക് എളുപ്പമായി.

അലോകിന്റെ ചിത്രം മനസിൽ പതിപ്പിച്ചുകൊണ്ട് രുദ്രരൂപ ചിറ്റൂർ ലക്ഷ്യമാക്കി യാത്രയായി.

അലോകിനെ തരം കിട്ടിയാൽ കടത്തി കൊണ്ടു പോകണമെന്നായിരുന്നു അവളുടെ മനസിൽ.

അതിനായി അലോകിനെ നിരീക്ഷിച്ചു അവന്റെ ദൈനംദിന കാര്യങ്ങൾ എന്തൊക്കെയാണെന്ന് അവൾ മനസിലാക്കി.

എന്നും രാത്രി 10 ന് ശേഷം ഷൊർണുരിലെ 5 സ്റ്റാർ ബാറിൽ അലോക് നിത്യസന്ദർശകൻ ആണെന്ന് രുദ്രരൂപ അന്വേഷണങ്ങളിലൂടെ കണ്ടെത്തി.

അന്ന് രാത്രി രേവതിയുടെ വീട്ടിൽ നിന്നുമിറങ്ങിയ രുദ്ര 10 മണിയോടെ ബാറിൽ എത്തിചേർന്നു.

അവിടെ ഗേറ്റിൽ നിക്കുന്ന പ്രായമായ സെക്യൂരിറ്റിയോട് രുദ്ര ചോദിച്ചു.

AK ഗ്രൂപ്പ്സിന്റെ എംഡി അലോക് ബാറിൽ ഉണ്ടോ?

രുദ്രയുടെ ചോദ്യം കേട്ട് സെക്യൂരിറ്റി മറുപടി നൽകി.

ഇല്ല മോളെ……. അദ്ദേഹം ഒരു സുഹൃത്തിന്റെ കൂടെ ഇപ്പൊ ഇവിടെ നിന്നും ഇറങ്ങിയതേയുള്ളൂ….

കാറിനാണോ?

രുദ്ര ഉത്സാഹത്തോടെ ചോദിച്ചു.

ഹ്മ്മ്……. അതേ

സെക്യൂരിറ്റി പറഞ്ഞു തീർന്നതും രുദ്രരൂപ കാർ പോയ ദിശ ലക്ഷ്യമാക്കി ഓടി.

ആദ്യം വേഗതയിൽ ഓടിക്കൊണ്ടിരുന്ന അവൾ പിന്നീട് പതിയെ അണയ്ക്കുവാൻ തുടങ്ങി.

രുദ്രയ്ക് ആദ്യമായിട്ടായിരുന്നു ഇത്തരമൊരു അനുഭവം.

1 km ഓടി കഴിഞ്ഞതും കൈ കാലുകളും കഴുത്തും വേദനയെടുക്കാൻ തുടങ്ങി.

ആദ്യം കിട്ടിയിരുന്ന വേഗത ഇപ്പൊ ക്രമേണ കുറഞ്ഞു വന്നു.

സർപ്പ ലോകത്ത് കാറ്റിന്റെ വേഗതയിൽ ഓടി മറഞ്ഞിരുന്ന രുദ്രയ്ക് തന്നിലുണ്ടായ മാറ്റം കണ്ടു അതിശയം തോന്നി.

അപ്പോഴാണ് രുദ്ര ഒരു കാര്യം ഓർത്തത്.

മനുഷ്യർക്ക് ഒരിക്കലും മൃഗങ്ങളെ പോലെ വേഗതയിൽ ഓടുവാൻ സാധിക്കില്ലെന്ന്…..

അതുകൊണ്ടാണ് തനിക്ക് ഇപ്പൊ പഴയ പോലെ ഓടുവാൻ സാധിക്കാത്തത്.

രുദ്ര തളർച്ചയോടെ റോഡിന്റെ ഓരത്ത് നിന്നു.

എന്ത് ചെയ്യണമെന്നറിയാതെ

ആ സമയം ഒരു പാണ്ടി ലോറി ലോഡിറക്കി തിരികെ വരുന്ന സമയമായിരുന്നു.

ലോറി കണ്ടതും രുദ്ര റോഡിനു നടുവിൽ കയറി കൈ കാണിച്ചു.

റോഡിൽ ഒരു പെൺകുട്ടി നിൽക്കുന്നത് കണ്ടു ഡ്രൈവർ ലോറി പതുക്കെ ചവിട്ടി നിർത്തി.

ലോറി നിന്നതും രുദ്ര മറ്റൊന്നും ആലോചിക്കാതെ ലോറിയുടെ ഡ്രൈവിംഗ് സീറ്റിലേക്ക് വലിഞ്ഞു കയറി.

അവിടെ ഡ്രൈവർ ഇരിപ്പുണ്ട്.

അപ്പോഴാണ് രുദ്ര ഒരു കാര്യം ഓർത്തത് തനിക്ക് ലോറി ഓടിക്കാൻ അറിയില്ലല്ലോ എന്ന്.

അപ്പൊ തന്നെ രുദ്ര ലോറി ഡ്രൈവറുടെ ചെറുവിരലിൽ പയ്യെ ഒന്ന് സ്പർശിച്ചു.

എന്നിട്ട് ആ ലോറി ഡ്രൈവറുടെ ലോറി ഓടിക്കാനുള്ള വിദ്യ പ്രാപ്തമാക്കിയ ശേഷം ഡ്രൈവറെ വണ്ടിയിൽ നിന്നും പുറത്തേക്ക് വലിച്ചെറിഞ്ഞു രുദ്രരൂപ ഡ്രൈവിംഗ് സീറ്റിൽ കയറിയിരുന്നു.

എന്നിട്ട് ഗിയർ ചേഞ്ച്‌ ചെയ്തു ലോറി മുന്നോട്ട് എടുത്തു.