?കരിനാഗം 16?[ചാണക്യൻ] 325

അതറിഞ്ഞ എല്ലാവരും ചാടിയെഴുന്നേറ് ആയുധപുരയിലേക്ക് ഓടി അവിടുന്ന് കയ്യിൽ കിട്ടിയ ആയുധങ്ങളുമായി ഗുഹയുടെ മുന്നിൽ നിലയുറപ്പിച്ചു.

എന്തിനും തയാറായിക്കൊണ്ട്.

തങ്ങളെ ആക്രമിക്കാൻ വരുന്ന ഏതോ ഒരു സർപ്പമാവും അതെന്ന് അവർ കണക്ക് കൂട്ടി..

എല്ലാരും നോക്കി നിൽക്കേ ചോലയുടെ താഴ്വരയിൽ നിന്നും നിരായുധധാരിയായ ഒരു പെൺകുട്ടി അവിടേക്ക് നടന്നെത്തി.

ഓജസും തേജസും ഉള്ള ഒരുവൾ.

അവളുടെ മുഖത്തെ വെട്ടി തിളങ്ങുന്ന ഐശ്വര്യം കണ്ടു യക്ഷമി പോലും ഒരുവേള അസൂയപ്പെട്ടു.

ആ പെൺകുട്ടി അടുത്തു വന്നതും എല്ലാവരിലെ ആറാം ഇന്ദ്രിയം കൂടുതൽ തീവ്രതയോടെ തുടിച്ചുകൊണ്ടിരുന്നു.

ആ പെൺകുട്ടി തന്നെയാണ് സർപ്പമെന്ന് അവർ ഉറപ്പിച്ചു.

നീ എന്തിന് ഈ നാഗങ്ങളുടെ വാസസ്ഥലത്തേക്ക് അതിക്രമിച്ചു കയറിയത് സർപ്പിനി?

ബ്രഹസ്പതി കുന്തം വീശിക്കൊണ്ട് അവളോടായി ചോദിച്ചു.

ആ പെൺകുട്ടി ഒരു വേള ആ ചോദ്യം കേട്ട് പൊടുന്നനെ തന്റെ നടത്തം നിർത്തി.

എന്നിട്ട് അവരോടായി പറഞ്ഞു.

കരിനാഗജരുടെ പുതിയ അവകാശിയെ കാണാൻ….. എന്നിട്ട് അവനെ വധിക്കാൻ?

ആ പെൺകുട്ടി വീറോടെ പറഞ്ഞതും ബ്രഹസ്പതി വർധിച്ച ക്രോധത്താൽ കുന്തം തറയിൽ ആഞ്ഞു കുത്തി.

ഇത്രയ്ക്കും ധിക്കാരമുള്ള നീയാരാണ്? കരിനാഗങ്ങളുടെ വാസസ്ഥലത്ത് അതിക്രമിച്ചു കയറിയ നീ ഞങ്ങളുടെ കോപത്തിനും ശിക്ഷയ്കും പാത്രമാകുന്നതാണ്…… പറയൂ ആരാണ് നീ?

ആ പെൺകുട്ടിയെ ചൂണ്ടി ബ്രഹസ്പതി അലറി.

എന്നാൽ ആ പെൺകുട്ടി ശാന്ത ഭാവത്തോടെ തന്റെ കൈകൾ പിണച്ചു വച്ചു അവരെ നോക്കി.

ശേഷം മൊഴിഞ്ഞു.

രുദ്രരൂപ

ആ നാമം ശ്രവിച്ചതും കരിനാഗങ്ങളെല്ലാം ഒരേ പോലെ നടുങ്ങി..

മാദ്രിയമ്മ ഭയത്താൽ മാതംഗിയുടെ കയ്യിൽ മുറുകെ പിടിച്ചു.

അവിടെ അണിനിനിരന്ന പല നാഗങ്ങളുടെ കയ്യിൽ നിന്നും ആയുധങ്ങൾ പോലും രുദ്രരൂപയെന്ന നാമം ശ്രവിച്ചതോടെ വർധിച്ച ഭയത്താൽ കൈകളിൽ നിന്നും പിടി വിട്ടു താഴേക്ക് വീണു.

കരിനാഗജരുടെ ആയുധങ്ങൾ പോലും കൊടിയ ഭയം മൂലം രുദ്രയെ സാഷ്ടാംഗം പ്രണമിച്ച പോലെ.

അതു കണ്ട രുദ്രയിലും ചുണ്ടിന്റെ ഒരു കോണിൽ പരിഹാസം വിടർന്നു.

ബ്രഹസപ്തി രുദ്രരൂപയെന്ന് കേട്ട് ഒരു വേള ഭയന്നെങ്കിലും കരിനാഗരാജ്യത്തിന്റെ സേനാധിപതിയായ ബ്രഹസ്പതി ധൈര്യത്തെ കൂട്ടു വിളിച്ചുകൊണ്ടു കുന്തത്തിൽ മുറുക്കെ പിടിച്ചു.

എല്ലാവരുടെയും കണ്ണുകളിൽ കേവലം തന്റെ നാമം മാത്രം സൃഷ്ടിച്ച ഭയാശങ്കകൾ രുദ്രരൂപ ആവേശത്തോടെ കണ്ടു നിൽക്കുകയായിരുന്നു

എന്നാൽ കേവലം രണ്ടു മിഴികളിൽ മാത്രം ഭയത്തിനു പകരം പ്രതികാരത്തിന്റെയും കൊലവെറിയുടെയും ലാഞ്ചനകൾ മാത്രമായിരുന്നു.

അത്‌ ചെറുതായി രുദ്രരൂപയെ ഞെട്ടിച്ചു.