?കരിനാഗം 16?[ചാണക്യൻ] 325

നല്ല വേദന തോന്നിയ താത്രി തന്റെ വാൾ ചുഴറ്റിക്കൊണ്ട് രുദ്രരൂപയ്യ്ക്കു നേരെ വീശി.

എന്നാൽ താത്രിയുടെ വാലിന്റെ തുഞ്ചത്ത് തന്റെ വാൽ കൊണ്ടു ചുറ്റി പിണച്ചു ഭിത്തിയിലേക്ക് വലിച്ചെറിഞ്ഞു.

ഭിത്തിയിൽ തലയിടിച്ചു വീണ താത്രി അസഹ്യമായ വേദനയോടെ കരഞ്ഞു.

സ്‌……… സ്സ്………. സ്‌

വേദന നിറഞ്ഞ അവളുടെ ശീൽക്കാരം ആ റൂമിൽ മുഴങ്ങി.

താത്രി വന്നു വീണതിനാൽ ആ ഭിത്തിയിൽ വലിയ തോതിൽ വിള്ളലുണ്ടായി.

ആ മുറിയുടെ ഓരത്ത് കണ്ട ഡെയിനിങ് ടേബിൾ രുദ്രരൂപ വാൽകൊണ്ട് ചുറ്റിയെടുത്തു താത്രിയുടെ ശിരസിൽ പ്രഹരിച്ചു.

അടുത്ത പ്രഹരം കൂടി കിട്ടിയതോടെ തളർന്നുപോയ താത്രി ആ വീടിന്റെ തറയിൽ ചുരുണ്ടു കൂടി കിടന്നു

ഇനിയൊരു തിരിച്ചടിക്കോ ഉയിർത്തെഴുന്നേൽപ്പിനോ താത്രിക്ക് കഴിയില്ലായിരുന്നു.

കാരണം രുദ്രയുടെ ആക്രമണം അവളെ അത്രമേൽ ശാരീരികമായും മാനസികമായും തളർത്തി.

എന്നിട്ടും കലിയടങ്ങാത്ത രുദ്ര താത്രിയുടെ വാലിൽ പിടിച്ചു തറയിൽ ചന്നം പിന്നം വലിച്ചടിച്ചു.

ഒരു ദയയുമില്ലാതെ.

താത്രിയുടെ പ്രാണൻ പോകുന്ന കണക്കെയുള്ള ശീൽക്കാരം അവിടെ മുഴങ്ങി.

അത് രുദ്രയെ ഹരം പിടിപ്പിച്ചുകൊണ്ടിരുന്നു എന്നതാണ് സത്യം.

താത്രിയെ വാരിയെടുത്തു തറയിൽ വലിച്ചടിച്ച ശേഷം ഭിത്തികൾ തോറും അടിക്കാൻ തുടങ്ങി.

ഓരോ അടിയിലും ഭിത്തികൾ പൊളിഞ്ഞു വീഴാൻ തുടങ്ങി.

അത്രയ്ക്കു പ്രഹരമായിരുന്നു രുദ്രരൂപയുടെ വക.

താത്രിയെ ഇഞ്ച പരുവമാക്കിയ ശേഷം രുദ്രരൂപ താത്രിയുടെ ഫണത്തിൽ ആഞ്ഞു കടിച്ചു.

ശേഷം വാൽകൊണ്ട് താത്രിയുടെ വാലിൽ ചുറ്റി പിടിച്ചു ആഞ്ഞു വലിച്ചു.

തലയിൽ നിന്നും വാലിൽ നിന്നും രുദ്ര ആഞ്ഞു വലിച്ചതും താത്രിയുടെ നാഗ ഉടൽ പകുതിക്ക് നിന്നും വേർപ്പെട്ടു.

ആ മുറിയാകെ രക്തമായി മാറി.

പ്രാണൻ തന്നിൽ നിന്നും അകന്നു പോകുമ്പോഴുള്ള താത്രിയുടെ ആ നിലവിളി ശീൽക്കാരം അത്‌ പതിന്മടങ് രുദ്രയെ കോപിതയാക്കി മാറ്റി.

താത്രിയുടെ വേർപെട്ട ഉടലുകളുമായി നിൽക്കുന്ന രുദ്ര ആവേശത്തോടെ അത്‌ താഴേക്കിട്ടു.

രക്‌തത്താൽ അഭിഷേകം ചെയ്യപ്പെട്ട രുദ്ര രൂപ സംഹാര രുദ്രിണിയായി മാറിയ നിമിഷങ്ങൾ.

താത്രിയുടെ മരണം ആത്യന്തികമായി ഉറപ്പ് വരുത്താനായി രുദ്രരൂപ അവളുടെ ഫണത്തിലേക്ക് ദംഷ്ട്രകളാഴ്ത്തി ഫണത്തിൽ കുടി കൊല്ലുന്ന ചിന്തമണി രത്നം കവർന്നു.

ശേഷം അത്‌ തന്റെ ദംഷ്ട്ര കൊണ്ടു തന്നെ ഭസ്മമാക്കി.

ആ സമയം പ്രപഞ്ചം പോലും ഒന്നു കുലുങ്ങി പോയി.

ചിന്താമണി രത്നം നശിപ്പിക്കപ്പെട്ടതിന്റെ ഭവിഷ്യത്താൽ.