?കരിനാഗം 16?[ചാണക്യൻ] 325

എന്നാൽ രുദ്രരൂപ അമ്പേ കുലുങ്ങിയില്ല.

പാറ പോലെ ഉറച്ചു നിന്നു.

നമ്മുടെ ആഗമനം കരിനാഗജർ അറിഞ്ഞില്ലെന്നുണ്ടോ?

പരിഹാസം ആയിരുന്നു രുദ്രയുടെ വാക്കുകളിൽ നിറഞ്ഞു നിന്നത്.

എങ്കിൽ പറാ….. നിനക്ക് എന്ത് വേണം?

താത്രി ചോദിച്ചതും കുടില ചിരിയോടെ രുദ്രരൂപ മറുപടി നൽകി.

നിങ്ങളുടെ രാജകുമാരൻ…… അവനെയാണ് എനിക്ക് വേണ്ടത്

രുദ്രരൂപ പറയുന്നത് കേട്ട് ഞെട്ടിയെങ്കിലും താത്രിയും വിട്ടു കൊടുത്തില്ല.

അസംഭവ്യം…….. നിനക്ക് ഒരിക്കലും ഞങ്ങളുടെ രാജകുമാരനെ കണ്ടെത്താനാവില്ല സർപ്പ ലോകത്തെ രാജകുമാരി.

താത്രി ചീറിയതും രുദ്രയുടെ മട്ടും ഭാവവും മാറി.

എനിക്ക് അറിയാം നീയാണ് കരിനാഗാജരുടെ സന്ദേശവാഹകയെന്ന്….. അതുകൊണ്ട് തന്നെയാണ് നീ നമ്മുടെ പ്രഥമ ലക്ഷ്യമായി മാറിയതും…… നിന്നിലൂടെ ഞാൻ നിങ്ങളുടെ രാജകുമാരനെ കണ്ടെത്തും…… ഇത് രുദ്രരൂപയുടെ വാക്കുകളാണ്

അതുകേട്ടു താത്രിയുടെ നെഞ്ചം പട പടാന്ന് മിടിച്ചു തുടങ്ങി.

രുദ്രരൂപയുടെ സിദ്ധികളും കഴിവുകളും മന്ത്ര തന്ത്ര വിദ്യകളും ഏഴ് ലോകങ്ങളിലും പ്രസിദ്ധമാണ്.

അതുകൊണ്ട് തന്നെ ഏറെക്കുറെ നാഗങ്ങൾക്ക് രുദ്രരൂപയുടേ പേര് കേട്ടാൽ തന്നെ ഭയമാണ്.

താത്രി ചിന്തിച്ചു കൊണ്ടിരിക്കെ രുദ്രരൂപ പയ്യെ അടി വച്ചടി വച്ചു താത്രിയിലേക്ക് അടുത്തു.

പറാ…… എവിടെ നിങ്ങളുടെ രാജകുമാരൻ? എവിടെയാണ് നിങ്ങളവനെ മറച്ചു വച്ചിരിക്കുന്നത്?

രുദ്രയ്ക്ക് കലശലായ ദേഷ്യം വന്നു തുടങ്ങിയിരുന്നു.

പറയില്ല…… പറയില്ല…… പറയില്ല…… എന്റെ നാവിൽ നിന്നും ഒന്നും തന്നെ ഉരിയാടുകയില്ല.

താത്രി പറയുന്നത് കേട്ട് സർവ നിയന്ത്രണവും നഷ്ടപ്പെട്ട രുദ്ര താത്രിയുടെ കഴുത്തിൽ കുത്തി പിടിച്ചു കൊണ്ടു അടുക്കള വാതിലിന്മേൽ ചേർത്തു പിടിച്ചു.

ആയിരം ആനകൾക്ക് സമാനമായ രുദ്രരൂപയുടെ ശക്തി ബാഹുല്യത്തിനു മുന്നിൽ താത്രി വെറുമൊരു പുൽ നാമ്പിന് സമമായിരുന്നു..

എങ്കിലും അവളിലെ നാഗശക്തി ഉണരാൻ അധികം സമയം വേണ്ടി വന്നില്ലായിരുന്നു.

തന്റെ രണ്ടു കൈകൾ കൊണ്ടു കഴുത്തിലുള്ള രുദ്രയുടെ പിടി വിടുവിക്കാൻ നോക്കുകയായിരുന്നു താത്രി.

പക്ഷെ ഓരോ സെക്കന്റുകൾ തോറും രുദ്രരൂപയുടെ പിടുത്തം മുറുകുന്ന പോലെ താത്രിക്ക് തോന്നി.

ഇരുവരും ക്രോധത്തിന് അടിമപ്പെട്ടതും ഇരുവരും യഥാവിധം സർപ്പ – നാഗ രൂപം സ്വീകരിക്കുവാൻ തയാറായി.

ഉള്ളിൽ ഉരുത്തിരിയുന്ന ക്രോധം അവരിലെ യഥാർത്ഥ രൂപത്തെ പുകച്ചു പുറത്തു ചാടിച്ചു.

താത്രിക്ക് നെറ്റിയിലും കവിളുകളിലും കഴുത്തിലുമാണ് ഇളം കറുപ്പ് നിറമുള്ള ശല്ക്കങ്ങൾ തെളിഞ്ഞു തുടങ്ങിയതെങ്കിൽ മറുവശത്തു രുദ്രയിൽ കൈകളിലും കവിളിലും മുതുകിലും ആയിട്ടാണ് കാപ്പി നിറമുള്ള ശൽക്കങ്ങൾ തെളിഞ്ഞു വന്നത്.

പൊടുന്നനെ ഒരു ശീൽക്കാരത്തോടെ ഇരുവരും സർപ്പമായും നാഗമായും പൂർണതോതിൽ രൂപാന്തരം പ്രാപിച്ചു.

500 ഫണങ്ങളുമായി അടിയുലയുന്ന രുദ്രരൂപയുടെ വിശ്വരൂപം കണ്ടു താത്രി പോലും ഒരു നിമിഷം ഭയന്നു വിറച്ചു പോയി.

അത്രയ്ക്കുണ്ടായിരുന്നു രുദ്രയിലെ പൈശാചികമായ ഭാവം.

രുദ്ര ഇടി മുഴക്കം പോലെ ശീൽക്കാരം പുറപ്പെടുവിച്ചുകൊണ്ടു താത്രിയിലേക്ക് ചീറിയടുത്തു.

ഒരു നിമിഷം തറഞ്ഞു പോയ താത്രി സംയമനം വീണ്ടെടുക്കും മുന്നേ രുദ്രയുടെ വാൽകൊണ്ടുള്ള പ്രഹരമേറ്റു.

സ്……….. സ്സ്…………… സ്‌