?കരിനാഗം 16?[ചാണക്യൻ] 325

മഹി സമ്മതമെന്ന മട്ടിൽ തലയാട്ടി.

താങ്ക്സ് എ ലോട്ട് മഹി

വാമിഖ എഴുന്നേറ്റ് വന്നു മഹിക്ക് നേരെ ഷേക്ക്‌ ഹാൻഡിനായി കൈ നീട്ടി.

മഹിയും ചിരിയോടെ അവൾക്ക് നേരെ കൈ നീട്ടി.

എന്നാൽ ആ സമയം യക്ഷമി ചാടിക്കയറി മഹിയുടെ ഉള്ളം കയ്യിൽ കടന്നു പിടിച്ചു.

ആ സമയം ആ ഒരു സ്പർശനത്തിലൂടെ യക്ഷമി തന്റെ ആറാം ഇന്ദ്രിയത്തിലൂടെ ഒരു ഉൾക്കഴ്ച കാണുകയായിരുന്നു.

അസാമാന്യം വലിപ്പമുള്ള ഒരു കരിനാഗവും സർപ്പവും.

അവ ഒരു കാട്ടിനുള്ളിൽ കരിയിലകൾക്കിടയിലൂടെ തമ്മിൽ ഇണ ചേർന്നുകൊണ്ടിരിക്കുകയാണ്.

പരസ്പരം ആവേശത്തോടെ അവ ഇണ ചേർന്നുകൊണ്ടിരുന്നു.

ആ സമയം ആ സർപ്പത്തിന്റെ ഉദര ഭാഗം പതിയെ വീർത്തു വന്നു.

നിമിഷ നേരം കൊണ്ടു ആ സർപ്പം ഗർഭം ധരിച്ചു.

അതറിഞ്ഞ ആ സർപ്പം പയ്യെ തന്റെ ഫണം തിരിച്ചു നോക്കി.

ആ സമയം യക്ഷമി കണ്ടു നക്ഷത്രക്കണ്ണുകളുള്ള ആ സർപ്പത്തെ.

യക്ഷമി ഞെട്ടലോടെ മഹിയിൽ നിന്നും കയ്യെടുത്തു.

ഈയൊരു കാഴ്ച വാമിഖ കാണാതിരിക്കാനാണ് യക്ഷമി മഹിയുടെ ഉള്ളം കയ്യിൽ കയറി പിടിച്ചത്.

ശരി മഹി പോയിട്ട് വാ

യക്ഷമി അവനെ ധൃതിയോടെ യാത്രയാക്കി.

നല്ലൊരു പയ്യൻ അല്ലെ?

മാതംഗി മഹിയെ ഉദ്ദേശിച്ചു പറഞ്ഞു.

ഹ്മ്മ്

നീട്ടിയൊരു മൂളൽ ആയിരുന്നു യക്ഷമിയുടെ മറുപടി.

മഹി പോയി കഴിഞ്ഞതും യക്ഷമി മുറിയിലെത്തി.

അവിടെ അലോക് ബെഡിൽ സുഖസുഷുപ്തിയിലാണ്.

മാദ്രിയമ്മ സമീപമുള്ള മറ്റൊരു ബെഡിലും.

അമ്മേ….. ഞാനൊരു സംശയം ചോദിക്കട്ടെ?

യക്ഷമി ചോദ്യം ആരാഞ്ഞു.

ഹ്മ്മ് ചോദിക്ക് മോളെ.

മാതംഗി ബെഡ് കവർ മടക്കി വയ്ക്കുന്നതിനിടെ പറഞ്ഞു.

ഇപ്പൊ മഹിയുടെ കണ്ണുകൾ കണ്ടില്ലേ…… നക്ഷത്രക്കണ്ണുകൾ……. അങ്ങനത്തെ കണ്ണുകളുള്ള ഏതെങ്കിലും നാഗം കരിനാഗ പരമ്പരയിലുണ്ടോ?

ഇല്ല മകളെ…… നമ്മൾ കരിനാഗങ്ങൾക്ക് പൊതുവെ വെള്ളാരം കണ്ണുകളും നീല കണ്ണുകളും ഇളം പച്ച നിറമുള്ള കണ്ണുകളുമേ ലഭിക്കുകയുള്ളൂ

അപ്പൊ സർപ്പങ്ങൾക്കോ?

യക്ഷമി മറ്റൊരു ചോദ്യം കൂടി ഉന്നയിച്ചു.

അവരുടെ വംശത്തിനു പൊതുവെ ചുവപ്പ് നിറവും കാപ്പി നിറവും മാത്രമേ കാണു….. പിന്നെ ചിലർക്ക് നക്ഷത്രക്കണ്ണുകൾ ഉണ്ടാകാറുണ്ടെന്ന് കേട്ടിട്ടുണ്ട്….. അവർ പൊതുവെ ന്യൂന പക്ഷമാണ്

മാതംഗി പറയുന്നത് കേട്ട് യക്ഷമിയൊന്നു നടുങ്ങി.

അമ്മ പറയുന്നത് പോലെയാണെങ്കിൽ മഹി ശരിക്കും ഒരു സർപ്പമാണോ അതോ നാഗമോ?

അതോ ഇനി സാധാരണ മനുഷ്യനോ?