?കരിനാഗം 16?[ചാണക്യൻ] 325

മഹി അലോകിനെ പൊക്കിയെടുത്ത് തോളിൽ ഇട്ട് casualty ലേക്ക് പാഞ്ഞു.

എന്നിട്ട് നഴ്സിനോട് ഡോക്ടറിനെ വിളിക്കാനായി ആവശ്യപ്പെട്ടു.

നഴ്സ് ഡോക്ടറിനെ കൂട്ടിക്കൊണ്ട് വന്നു അലോകിനെ വിശദമായി പരിശോധിച്ചു.

ആക്സിഡന്റ്റിനിടെ സ്റ്റീറിങ്ങിൽ തലയിടിച്ചായിരുന്നു അലോകിനു ബോധം നഷ്ടപ്പെട്ടത്.

ഒപ്പം വലതു കൈക്ക് പൊട്ടൽ ഉണ്ട്.

അലോകിനെ ഡോക്ടർ ICU വിലേക്ക് ഷിഫ്റ്റ്‌ ചെയ്തു.

വാമിഖയെ പരിശോധിച്ചിട്ട് ചെറിയ മുറിവുകൾ മാത്രമായതിനാൽ അത്‌ ഡ്രെസ് ചെയ്യാൻ ഡോക്ടർ നഴ്സിനോട് ആവശ്യപ്പെട്ടു.

അവരെ ഹോസ്പിറ്റലിൽ ആക്കി മഹി തിരികെ വീട്ടിലേക്ക് മടങ്ങി.

വീട്ടിൽ എത്തിയപാടെ മഹി റൂമിൽ കയറി കതകടച്ചു സുഖമായി കിടന്നുറങ്ങി.

എന്നാൽ മറ്റൊരാൾക്ക്‌ ഇന്ന് ഉറക്കമില്ലാത്ത രാത്രിയായിരുന്നു.

രുദ്രരൂപയെന്ന സംഹാരരുദ്രിണിക്ക്

അവൾ സർപ്പക്കാവിൽ അങ്ങേയറ്റം കോപത്തോടെ നടക്കുകയായിരുന്നു.

ഓരോന്ന് പിറുപിറുത്തുകൊണ്ട്.

ഇന്നത്തെ ഉദ്യമം മഹി കാരണം പരാജയപ്പെടുമെന്ന് അവൾ സ്വപ്നേപി പോലും നിനച്ചിരുന്നില്ല.

മഹിക്ക് പകരം മറ്റൊരാൾ ആയിരുന്നേൽ അയാളെയും രുദ്ര വധിക്കുമായിരുന്നു.

എന്നാൽ മഹി ആയതിനാൽ അവൾ ആ ശ്രമത്തിൽ നിന്നും സ്വയം പിന്മാറുകയായിരുന്നു.

മഹിയെ പ്രകോപിപ്പിക്കാനോ ഒന്നു നുള്ളി നോവിക്കാനോ പോലും രുദ്രയ്ക് കഴിയുമായിരുന്നില്ല.

കാരണം രുദ്ര മഹിയെ അത്രയധികം സ്നേഹിക്കുന്നു.

ആത്മാവിനെ പോലും പുളകം കൊള്ളിക്കുന്ന ഈ പ്രണയമെന്ന വികാരത്തെ രുദ്ര അതിശയത്തോടെ നോക്കി കാണുകയായിരുന്നു.

കാരണം പ്രണയം അത്രമേൽ അവളെ കീഴ്പ്പെടുത്തിയിരിക്കുന്നു.

അന്ധയാക്കിയിരിക്കുന്നു.

സർപ്പ രാജകുമാരി കേവലം ഒരു മാനവന് മുന്നിൽ പ്രണയമെന്ന വികാരത്താൽ മുട്ടു കുത്തിയിരിക്കുന്നു.

——————————————————–

അടുത്ത ദിവസം കോളജിൽ പോകാനായി രാവിലെ ഇറങ്ങിയതാണ് മഹി.

പോകുന്ന വഴി ഹോസ്പിറ്റലിൽ കയറി ഇന്നലെ ആക്‌സിഡന്റ് ആയവരുടെ സുഖ വിവരം കൂടി തിരക്കണമെന്ന് മഹിക്ക് തോന്നി.

അതിനാൽ അവൻ മെയിൻ റോഡിൽ നിന്നും ജീപ്പ് ഹോസ്പിറ്റലിലേക്ക് തിരിച്ചു.

ഹോസ്പിറ്റലിന്റെ പാർക്കിംഗിൽ ജീപ്പ് നിർത്തി വച്ചു മഹി ചാടിയിറങ്ങി.

എന്നിട്ട് എൻക്വയറിയിൽ പോയി ഇന്നലത്തെ ആക്സിഡന്റിന്റെ കാര്യം തിരക്കി.