?കരിനാഗം 11?[ചാണക്യൻ] 367

കുമാരാ…… ആ ആയുധം കരിനാഗ രാജ്യത്തിലെ കൊട്ടാര അംഗണത്തിൽ ധർമ ഗോദയ്ക്ക് സമീപമാണുള്ളത്.

ധർമ ഗോദയോ?

അലോക് ഒന്നും മനസിലാവാതെ അവരെ ഒന്നടങ്കം തുറിച്ചു നോക്കി.

അതേ…… ധർമ ഗോദ…… കരിനാഗ വംശത്തിലെ പ്രമുഖർ അത്‌ പുരുഷനായാലും സ്ത്രീയായാലും പോരാട്ടങ്ങൾ നടത്തിയ മഹത്തരമായ പുണ്യമായ ഗോദയാണത്…… അതിനു സമീപമാണ് ആ ഉടവാൾ ഉള്ളത്.

അപ്പൊ ആ കൊട്ടാരം?

അതിപ്പോൾ മറ്റു നാഗ വംശജർ കയ്യടക്കിയിരിക്കുകയാണ്…

മറ്റു നാഗ വംശമോ?

അതേ കുമാരാ……. ഈ പ്രപഞ്ചത്തിൽ മൂന്നു നാഗ വംശങ്ങളാണ് ഉള്ളത്…… സ്വർണ വംശം, വെള്ളി വംശം, കരിവംശം….. അതിൽ കരിവംശത്തിലെ നാഗങ്ങളാണ് നമ്മൾ

അപ്പോ അവർ നമ്മളെ സഹായിക്കുകയില്ലേ?

ഇല്ല കുമാരാ…… സർപ്പങ്ങളുമായി കൂട്ടു ചേർന്ന് ആ രണ്ടു വംശങ്ങളുമാണ് നമ്മെ ചതിച്ചത്.

എങ്ങനെ? എന്താണ് ആ കഥ? എന്റെ ജനനം എങ്ങനെയാണ്? എന്റെ അച്ഛന്റെയും അമ്മയുടെയും കഥ എങ്ങനെയാണ്?

അലോക് പതിയെ ചോദിച്ചു.

പറയാം രാജകുമാരാ….. അത്‌ വലിയൊരു കഥയാണ്….. പക്ഷെ ചുരുക്കി മാത്രം പറയാം….. ചില കാര്യങ്ങൾ, സത്യങ്ങൾ എന്നിവ കുമാരൻ തന്നെ സ്വയം കണ്ടത്തേണ്ടതുണ്ട്.

ഹ്മ്മ്

അലോക് ഒന്നു മൂളി.

മാദ്രിയമ്മ തന്റെ കുടുംബ കഥ ചുരുക്കി അതും വളരെ ചുരുക്കി മാത്രം അലോകിനോട് പറയുവാനായി തയാറെടുത്തു.

കുമാരാ പാതാളത്തിലെ നാഗ ലോകത്ത് മൂന്നു വംശജരും അവരുടേതായ രാജ്യങ്ങളിൽ സസന്തോഷം കഴിയുകയായിരുന്നു.

അതിൽ കരിനാഗ രാജ്യമായിരുന്നു കൂടുതൽ സമ്പത്സമൃധിയുടെയും ഐശ്വര്യത്തോടെയും ജീവിച്ചിരുന്നത്.

അതിൽ മറ്റുള്ളവര് അത്യധികം അസൂയ പൂണ്ടിരുന്നു.

സ്വർണവും വെള്ളിയും നിറമാകയാൽ അവരാണ് ദൈവങ്ങൾക്ക് ഏറ്റവും പ്രിയം എന്ന് കരുതി പോന്നു.

കരിനിറം ആയതിനാൽ ഞങ്ങളുടെ വംശം അധഃകൃതമാണെന്ന് അവർ കരുതി.

കരിനാഗ രാജ്യം ഭരിച്ച ചക്രവർത്തിമാരൊക്കെ പ്രബുദ്ധരായിരുന്നു.

അക്കൂട്ടത്തിൽ എന്നും നിറഞ്ഞു നിന്നത് കരിനാഗ ചക്രവർത്തിയായ ബർകരീഗനാണ്…… കുമാരന്റെ പിതാവ്

മാദ്രിയമ്മ ആവേശത്തോടെ പറഞ്ഞു.

അത്‌ കേട്ടതും അലോക് പതിയെ പുഞ്ചിരിച്ചു.