🔱കരിനാഗം 10🔱 [ചാണക്യൻ] 514

പരിക്ക് പറ്റിയതിനാൽ തിരികെ മനുഷ്യരൂപം സ്വീകരിക്കുവാൻ യക്ഷമിക്ക് കഴിയുന്നില്ലായിരുന്നു.

നാഗങ്ങൾക്ക് എന്തെങ്കിലും മുറിവ് ഉണ്ടായാൽ അത്‌ ഭേദമാകുന്ന വരെ തിരികെ മാനവരൂപം സ്വീകരിക്കുവാൻ ആവില്ലായിരുന്നു.

തന്റെ മുറിവ് ഭേദമാകുന്ന വരെ യക്ഷമി എല്ലാം സഹിച്ചു കിടന്നു.

.
.
.
.
.
.

പിറ്റേ ദിവസം കാലത്തു തന്നെ മഹി എണീറ്റു.

ഒന്നു മൂരി നിവർന്നെണീറ്റപ്പോഴാണ് മഹി പെട്ടെന്ന് തോളിലെ മുറിവിനെ പറ്റി ഓർത്തത്.

അവൻ കൈകൊണ്ട് അവിടെ പതിയെ തടവി നോക്കി.

മുറിവ് എല്ലാം ഭേദമായിരിക്കുന്നു.

അവിടെ കരിഞ്ഞുണങ്ങിയതിന്റെ പാട് പോലും അവശേച്ചിരുന്നില്ല.

മഹി ഞെട്ടലോടെ തോൾ മുഴുവനും അരിച്ചു പെറുക്കി നോക്കി.

മുറിവിന്റെ പാട് പോലുമില്ല.

മഹി അതിശയത്തോടെ തലക്ക് കൈ കൊടുത്തിരുന്നു.

ആകെ കിളി പോയ പോലെയായിരുന്നു അവന്റെ മാനസികവാസ്ഥ.

ഈ അത്ഭുത കാര്യം പറയുവാനായി മഹി റൂമിൽ നിന്നുമിറങ്ങി യക്ഷമിയെ തപ്പി നടന്നു.

യക്ഷമിയുടെ മുറി വാതിൽ തുറന്നു കിടക്കുകയായിരുന്നു.

മഹി ഒരു കുഞ്ഞു പുഞ്ചിരിയോടെ ആ മുറിയിലേക്ക് കയറി.

എന്നാൽ അവിടെ നടക്കുന്ന കാഴ്ച്ച കണ്ടു മഹി നടുങ്ങി.

വിശ്വസിക്കാനാവാതെ കണ്മുമുന്നിൽ കാണുന്നത് സത്യമോ മിഥ്യയോ എന്നറിയാതെ അവൻ തരിച്ചിരുന്നു.

എണ്ണിയാലൊടുങ്ങാത്ത ഫണങ്ങളുമായി ഒരു കൂറ്റൻ കരിനാഗം പത്തികൾ വിടർത്തി നിന്നാടുന്നു.

പതിയെ ആ നാഗം തന്റെ വലിപ്പം ലഘൂകരിച്ചു കൊണ്ട് ഒരു യുവതിയായി രൂപാന്തരം പ്രാപിക്കുന്നു.

ആ യുവതി മാറ്റാരുമായിരുന്നില്ല.

യക്ഷമി തന്നെയായിരുന്നു.

യക്ഷമി…………….

മഹിയുടെ അലർച്ച അവിടെ മുഴങ്ങി.

ആ ശബ്ദം കേട്ട ഭാഗത്തേക്ക്‌ യക്ഷമി തിരിഞ്ഞു നോക്കി.

തന്നെ തുറിച്ചു നോക്കുന്ന രാജകുമാരൻ.

മഹിയുടെ ആ നോട്ടം കണ്ടതും യക്ഷമി ഞെട്ടി വിറച്ചു.

നാഗലോകത്തെ വീരറാണി വെറും ഒരു മാനവന്റെ മുന്നിൽ പേടിച്ചു വിറച്ചു നിന്നു.

മറ്റേങ്ങും കാണാനാവാത്ത അപൂർവമായ ഒരു രംഗം.

യക്ഷമി….. നീ…….. ഒരു പാമ്പ്….. പാമ്പ്… ആണോ?

മഹി വിറയലോടെ ചോദിച്ചു.