?കരിനാഗം 10?

Author : ചാണക്യൻ

[ Previous Part ]

 

(കഥ ഇതുവരെ)

തനിക്ക് മുന്നിൽ പുറം തിരിഞ്ഞു നിൽക്കുന്ന മഹിയെ കണ്ടതും ബൃഹസ്പതിയുടെ ആജ്ഞ അവൾക്ക് ഓർമ വന്നു.

നെഞ്ചു പൊടിയുന്ന വേദനയോടെ അവൾ ഉള്ളം കൈ വിടർത്തി പിടിച്ചപ്പോൾ മൂർച്ചയേറിയ കഠാര അവിടെ പ്രത്യക്ഷപ്പെട്ടു.

അപ്പോഴും അവളുടെ കൈ വല്ലാതെ വിറയ്ക്കുകയായിരുന്നു.

കരിമിഴികൾ കലങ്ങി മറിഞ്ഞു.

കഠാരയുടെ പിടിയിൽ അവൾ ഒന്നു കൂടി ദൃഢമായി പിടിച്ചു.

അതിശക്തയായ അവൾ ഇടറുന്ന പാദങ്ങളോടെ വേച്ചു വീഴുന്ന ഭാവത്തോടെ മുന്നിലേക്ക് നീങ്ങി.

മഹിയുടെ നഗ്നമായ മുതുകിന് പിന്നിലൂടെ വാരിയെല്ലിന് ഉള്ളിലുള്ള ഹൃദയമായിരുന്നു യക്ഷമിയുടെ ലക്ഷ്യം.

മാതംഗിയുടെയും ബൃഹസ്പതിയുടെയും വാക്കുകൾ അശരീരി പോലെ കാതിൽ വീണ്ടും കേട്ടു തുടങ്ങിയതും ആസ്വസ്ഥതയോടെ അവൾ കണ്ണുകൾ ഇമ ചിമ്മി തുറന്നു.

തല പൊട്ടി പുളയുന്ന വേദനയോടെ നിറഞ്ഞൊഴുകിയ നീർ കണങ്ങൾ കാഴ്ച്ചക്ക് മങ്ങൽ ഏൽപ്പിച്ചതും യക്ഷമിയുടെ കയ്യിലുള്ള കഠാര മഹിക്ക് നേരെ ദ്രുത ഗതിയിൽ ഉയർന്നു താഴ്ന്നു.

അതോടൊപ്പം യക്ഷമിയുടെ വിറയ്ക്കുന്ന അധരങ്ങൾ പതിയെ മന്ത്രിച്ചു.

“സോറി മഹി…… ഐ ലവ് യൂ ”

 

(തുടരുന്നു)

 

മഹിക്ക് നേരെ ഉയർത്തി പിടിച്ച കഠാരയുമായി യക്ഷമി നടന്നടുത്തു.

പുറം തിരിഞ്ഞു നിൽക്കുന്ന മഹിയുടെ വാരിയെല്ലിനിടയിലേക്ക് തുളച്ചു കയറ്റാൻ പാകത്തിൽ കഠാരയിൽ ദൃഢമായി പിടിച്ചുകൊണ്ടു ശ്വാസം വലിച്ചെടുത്തു.

ഒട്ടും പാഴാക്കാതെ യക്ഷമി നിറഞ്ഞു വരുന്ന കണ്ണുകളെ അവഗണിച്ചു,ചുണ്ടുകൾ കടിച്ചു പിടിച്ചു കഠാര മഹിയുടെ മുതുകിലേക്ക് കുത്തിയിറക്കി.

ആാാാഹ്ഹ്

പ്രാണൻ പോകുന്ന വേദനയിൽ ഞെട്ടിപിടഞ്ഞുകൊണ്ട് മഹി നിലത്തേക്ക് ഊർന്നു വീണു.

മുതുകിൽ നിന്നും രക്തം ചീന്തി.

കമിഴ്ന്നു വീണ മഹി ആയാസപ്പെട്ടുക്കൊണ്ട് പതിയെ തിരിഞ്ഞു നോക്കിയതും പിന്നിലുള്ള ആളെ കണ്ടു ഞെട്ടി.

അവന്റെ കണ്ണുകൾ ചുരുങ്ങി.

യ…. യക്ഷ്…. യക്ഷമി

വിശ്വാസം വരാതെ മഹി തന്റെ അടഞ്ഞു പോകുന്ന കണ്ണുകൾ ചിമ്മി തുറന്നു.

യക്ഷമിയാണ് തന്നെ പിന്നിൽ നിന്നും കുത്തി വീഴ്ത്തിയതെന്ന് മഹിക്ക് വിശ്വസിക്കാൻ കഴിഞ്ഞില്ല.

മുറിവിൽ നിന്നും രക്തം വാർന്നു പോകുന്തോറും വേദനയോടെ മഹി അലറികരഞ്ഞു.

ഈ കാഴ്ച കണ്ടു നിൽക്കാൻ ത്രാണി ഇല്ലാതെ യക്ഷമിയും കണ്ണുകൾ പൂട്ടി വച്ചു.
.
.