? ലക്ഷ്യം ? [ᴹᴿℝ?????] 162

  ജോസഫിന്റെ അധരങ്ങളിൽ നിന്നും ആ വാക്കുകൾ കേൾക്കുമ്പോൾ മറ്റേതോ ലോകത്ത് ആയി പോയിരുന്നു ആദം. തനിക്ക് സ്നേഹിക്കാനും സ്വന്തം എന്ന് പറയാനും ആയി ഒരാളെ കിട്ടിയിരിക്കുന്നു . ഇതൊരു സ്വപ്നമായിരിക്കല്ലേ എന്ന് അവൻ്റെ ഹൃദയം ആഗ്രഹിച്ചു . ജോസഫ് തട്ടി വിളിച്ചപ്പോഴാണ് അവൻ അവൻ്റെ ചിന്തയിൽ നിന്നും പുറത്തുവന്നത് .

‘നിനക്ക് സമ്മതമല്ലേ അച്ചു ‘ പ്രതീക്ഷയോടു കൂടി ജോസഫ് ചോദിച്ചു.

ആദം : എന്നെ സത്യമായും കൂടെ കൂട്ടുമോ പപ്പാ

ജോസഫ് : നിനക്ക് സമ്മതമാണെങ്കിൽ അച്ചു

അവൻ സന്തോഷത്തോടുകൂടി അതേ എന്ന് തലയാട്ടി

ജോസഫ് : അപ്പോൾ നാളെ നമ്മൾ ഇവിടുന്ന് പോകുന്നു . നീ റെഡിയായി രാവിലെ നിൽക്ക്  അച്ചു.

അതിയായ സന്തോഷത്തോടുകൂടി ആദം പുറത്തേക്കോടി . അവൻ്റെ പ്രവർത്തി കണ്ട് ജോസഫ് തന്റെ കണ്ണിൽ നിന്നും കണ്ണുനീർ ഒപ്പിയെടുത്തു . ഒരു അച്ഛനായി ജീവിക്കാനുള്ള അയാളുടെ ആഗ്രഹം സഫലീകരിക്കാൻ പോകുന്നതിലുള്ള ആഹ്ലാദമായിരുന്നു ആ കണ്ണുനീർ .