?അഭിമന്യു 2?[ [Teetotaller] ] 219

” എന്നാ ങ്ങള് സംസാരിക്ക് … ഏമാനെ ഈടെ എത്തിക്കാൻ പറഞ്ഞു എത്തിച്ചു….. അപ്പോ ന്നി ഇങ്ങള് ആയി ഇങ്ങടെ കൂട്ടായി….”

അത്രയും പറഞ്ഞു രാരിച്ചൻ പതിയെ തിരിച്ചു നടന്നു

” ടാ ബെള്ളം കുടിച്ചിട്ട് പോവാടാ …..”

” വേണ്ടനെ പോഴേല് പോത്തിനെ ഇറക്കിട്ടാ വന്നത് അത്തുംങ്ങളെ നോക്കാൻ പോണം”

” മ്മ്…… ന്നാ കൊച്ചനെ അബടെ നിന്നു തിരിയാത്തെ പെരേൽക്ക് കേറ്ന്ന്….”

ഇരുവരും വീടിനുള്ളിലേക്ക് കേറി , അബ്‌ദുള്ള വിജയ്യെ ഹാളിനുള്ളിലെ ടെബ്‌ളിന് അടുത്ത് ഇരുത്തി അയാൾക്ക് അടുത്തു വന്നു നിന്നു……

” ന്താപ്പോ മോന് കഴിക്കാൻ ബേണ്ടേ ? നങ്ങാലി ബെള്ളം എടുക്കട്ടേ”

വാർധക്യത്തിലും ചുറുചുറുക്കോടെ കുഞ്ഞബ്ദുള്ള വിജയിയോട്‌ചോദിച്ചു…..

അവൻ ഒന്നു ദീർഘനിശ്വാസമെടുത്തു ശേഷം പതിയെ തന്റെ മുഖത്തു വച്ചിരുന്ന വല്യ വട്ടത്തിൽ ഉള്ള കണ്ണട ഊരി മേശപുറത്തു വെച്ചു പതിയെ മറുപടി പറഞ്ഞു

” എനിക്ക് ….….. എനിക്ക് ഒരു കറുത്ത പുസ്തകം വേണം ……. Kharon Erebus സിന്റെ കറുത്ത പുസ്തകം  “

അത്ര നേരം പുഞ്ചിരിയോടെ നിന്ന കുഞ്ഞബ്ദുള്ളയുടെ മുഖം ഇരുട്ടിലേക്ക് കൂപ്പുകുത്തി…..

” അവകാശികൾ അതിനെ സംരക്ഷിക്കും , തേടി പോവാൻ നീ ആര് ” ഉള്ളിൽ നിറഞ്ഞു വന്ന സംശയത്തോടെ അബ്‌ദുള്ള വീണ്ടും അവനോട് ചോദിച്ചു….

” ഞാൻ വിജയ്, വിജയ് രാഘവൻ ,  അവൻ ഒന്നു നിർത്തി ചെറുപുഞ്ചിരിയോടെ പറഞ്ഞു ” ഉത്തരവ് അങ്ങു ദൂരെ മാലാഖമാരിൽ നിന്നുമാണ് …..തേടി പോവാൻ , സഹായം ഇവിടെ നിന്നും “