?അഭിമന്യു 2?[ [Teetotaller] ] 219

ഉച്ചവെയിലിൽ ഒറ്റമുണ്ടെടുത്ത് എല്ലുമുറിയെ പണിയെടുക്കുന്ന കർഷകരും , പാടവരമ്പത്തു കൂടി കുടവും തൂക്കി വരി വരിയായി നടന്നകലുന്ന നാട്യാർസുന്ദരികളും ഇന്ദ്രപ്രസ്ഥമെന്ന ഗ്രാമത്തിന്റെ വശ്യസൗന്ദര്യമെടുത്തുകാണിച്ചു…..

” നോക്കി കണ്ണേക്കല്ലേ യെമാനെ….  അടുത്ത കൊയ്യ്‌ത്തിനുള്ളതാ….. “

“ഹഹ… കണ്ണും കയ്യോന്നും വെക്കുന്നില്ലന്നെ….. ആശാൻ നടന്നാട്ടെ ….”

” മ്മ് … എന്നാ യെമാന് കൊള്ളാം…. നോക്കിയാ യെമാന്റെ കണ്ണും പോവും ഏൻന്റെ തലയും പോവും ” 

വലിയ ഭാവമാറ്റമില്ലാതെ അതും പറഞ്ഞു ബാഗും കൊണ്ട് ഏന്തിവലിഞ്ഞു രാരിച്ചൻ പത്രാസുകാരനെ പോലെ മുന്നോട്ട് നടന്നു….

അത് കേട്ടതും

ഉമിനീറെടുക്കാൻ മറന്നു കൊണ്ടു ഒന്നു നിശ്ചലമായിപോയെങ്കിലും അത്മസംയമനം വീണ്ടെടുത്ത് അയാൾ രാരിച്ചനെ പിന്തുടർന്നു…..

” ഇന്ദ്രപ്രസ്ഥത്തിലെ മണ്ണിനെയും നാട്യാർപെണ്ണിനെയും അനുവാദമില്ലാതെ കണ്ണുകൊണ്ട് പോലും ആഗ്രഹിച്ച ആദ്യമാ കണ്ണ് അങ്ങു എടുക്കും അതാ ഇന്ദ്രപ്രസ്ഥത്തിലെ നിയമം “

രാരിച്ചന്റെ  ആ പറച്ചലിൽ തള്ളി വന്ന കണ്ണു പോലും ഭയത്തോടെ ഉള്ളിലേക്ക് അടക്കിപ്പിടിച്ചു തന്റെ വട്ടകണ്ണട ഒന്നമർത്തി വെച്ചയാൾ പിന്നീടൊന്നും ആലോചിക്കാതെ   നടന്നു….

************************************************

മാനം പതിയെ ഇരുണ്ടു തുടങ്ങി…… ഏതാനും സമയത്തെ യാത്രക്ക് ശെഷം അവർ നാട്യാർകവലയും താണ്ടി അതിനു തൊടട്ടെടുത്തുള്ള ഓടുമേഞ്ഞ വീട്ടുമുട്ടത്തെത്തി….

” അബ്‍ദുക്കാ….. അബ്‍ദുക്കാ…… എടെ ഇങ്ങള്…….. “

കയ്യിലെ ബാഗ് ആ വീടിന്റെ ഉമ്മറത്ത് വെച്ച്  നെറ്റിയിൽ പൊടിഞ്ഞ വിയർപ്പു തുള്ളികൾ തന്റെ അരയിൽ കെട്ടിയിരുന്ന തോർത്തുകൊണ്ട് തുടച്ചു നീക്കി രാരിച്ചൻ വീടിനുള്ളിലേക്ക് നോക്കി നീട്ടി വിളിച്ചു…..