?അഭിമന്യു 2?[ [Teetotaller] ] 219

” പക്ഷെ അനക്ക് പറ്റും…. അടിക്കേണ്ട രീതിയിൽ അടിച്ചാ ………… പടർന്നു പന്തലിച്ച മരം മുറിക്കാൻ പാടാ കൊച്ചനെ എന്നാലോ കാതല് കേറിയ നേരത്തു ഒന്നു തള്ളി കൊടുത്താ ഏത് മരവും നിലം പൊത്തും….. “

” ഹമ്മ്.…. അതിന് മുമ്പ് പലതും അറിയാൻ ഉണ്ട്…. ഇക്ക…. അല്ല ഇങ്ങള് എങ്ങനെ ഇവിടെ എത്തി….. “

” മ്മ്….. മ്മളും ഇവിടെ ഒരു മാലാഖ പറഞ്ഞു ഒരു അന്വേഷകൻ ആയി തന്നെ ബന്നതാഡോ….  ഇബടെ ബന്നിട്ട് കൊല്ലം കൊറച്ചു ആയിന്ന്…. കൊറേ അന്വേഷിച്ചു  മ്മള് ഇവരെ കുറിച്ച് എന്നാലോ എല്ലാം ബെള്ളത്തിൽ ബരച്ച വര പോലെ ആയിന് ഒന്നും കിട്ടില്ല….. ഇബടത്ത്കാർക്കാണേൽ ഒന്നും അറിയതില്ല ഇന്ദ്രപ്രസ്ഥകാർ ഇബടെത്തെകാർക്ക് ദൈവം പോലെയാ…. അതോണ്ട് മ്മക്ക് ഒരു ഉപയോഗോം ഉണ്ടായില്ലെന്ന്….. “

 “എന്നിട്ട്… “

” എന്നാലും പിൻമാറാൻ മ്മള് തയാറായില്ല… ബർഷം കൊറേ അലഞ്ഞുതിരിഞ്ഞു…. അങ്ങനെ ഒരു സമയത്താണ്  ഇവറുടെ ഒരമ്പലം കാലഭൈരവക്ഷേത്രം എന്ന് പറയും അത് വീണ്ടും പൊളിച്ചു പണിഞ്ഞത്…..

അബടുന്ന് ഇവിടെത്തെ ഒരു നാട്യാർ ചെക്കന്  ഒരു പുസ്തകം കിട്ടി ഒരു ചെറിയ കഥാപുസ്തകം എന്നാല് ആകെ മൂന്ന് പേജ് ഉള്ള ഒരു കിതാബ്…. ചെക്കൻ അത് മ്മക്ക് തന്നു….. “

” എന്തായിരുന്നു അതിൽ ഇക്ക…. “

 “അതൊരു ചരിത്ര പുസ്തകം തന്നെ ആർന്നുടോ…. മുമ്ബ് ഇതുപോലെ വന്ന ഒരു അന്വേഷകന്റെ ബാക്കിപത്രം…. കാര്യായൊന്നും ഇല്ല കൊറേ സംശയങ്ങൾ മാത്രം……

18ആം നൂറ്റാണ്ടിൽ പറങ്കികളും ഫ്രഞ്ചുകാരെല്ലാം ഇന്ദ്രപ്രസ്ഥത്തെ ആക്രമിച്ചപ്പോൾ വെള്ളക്കാരുമാത്രം ഒന്നിനും വന്നില്ല…. ഒരുവേള ഇന്ദ്രപ്രസ്ഥക്കാരും വെള്ളക്കാരും കൂടി കരാറിലാർപ്പെട്ടു എന്നുവരെ പറയുന്നു….. 

അത് എന്തുകൊണ്ട് എന്ന ചിന്ത , പൊതുവെ ചക്കരകുടം കണ്ട കയിടുന്ന ഇത്രയും ശക്തരായ വെള്ളക്കാർ ഇന്ദ്രപ്രസ്ഥത്തിനു നേരെ വന്നില്ല എന്നു അറിഞ്ഞപ്പോ തന്നെ മ്മക്ക് അതിശയം പിന്നെ ഒരു സംശയം…. പതിയെ പതിയെ മ്മക്ക് അത് മനസിലായി

…….

ചെറിയൊരു ഭയത്തോടെ അതിലുപരിയൊരു രഹസ്യം പറയാൻ എന്ന പോലെ അയാൾ പറഞ്ഞു നിർത്തി….. “

” എന്നു വെച്ചാൽ അവർ ….. അവനിലും ആ നിമിഷം ആ ഞെട്ടൽ ഉണ്ടായിരുന്നു….. “

” അതേ മ്മള് വിചാരിച്ച പോലെ അവരും ★ഈതീസ്★ തന്നെയാണ്….. മ്മ്ടെ മാലാഖമാർ തേടിനടന്ന ആ 967 ഈതീസ് കുടുംബങ്ങളിൽ ഒന്ന്…..