? ഗൗരീശങ്കരം 6 ? [Sai] 1880

”സീ….. ഇന്ന് രാവിലെ മുതൽ സിറ്റിയുടെ പല ഭാഗത്തുമായി നടക്കുന്ന റെയിഡിൻ്റെ തുടർച്ചയാണ് ഇവിടെ നടന്നത്. ഇതു പോലെ സിറ്റി ലിമിറ്റ്സിലുള്ള നാലോളം കോളേജുകളെ കേന്ദ്രീകരിച്ച് പരിശോധന ആരംഭിച്ചിട്ടുണ്ട്. പിന്നെ ഈ കേസിൽ ഒരാൾ കൂടി അറസ്റ്റിൽ ആവാനുണ്ട്.”

മാധ്യമ പ്രവർത്തകരുടെ ചോദ്യം തുടർന്നെങ്കിലും അതിന് ഉത്തരം നൽകാൻ എസിപി വിക്രം വിസമ്മതിച്ചു.

*****************************************

വിനു പോയിട്ട് യാതൊരു വിവരവും ലഭിക്കാത്തതിൻ്റെ ടെൻഷനിലായിരുന്നു രൂപേഷ്.???

“ഈ കോപ്പൻമാരെന്താ ഫോൺ വിളിച്ചിട്ട് എടുക്കാത്തെ……?”

ഫോൺ വിളിച്ചു കൊണ്ട് തന്നെ രൂപേഷ് കോളേജിൻ്റെ മെയിൻ ബിൽഡിംഗിലേക്ക് നടന്നു. 

**********************************

ക്യാമ്പസിന് ചുറ്റും പോലീസ് വളഞ്ഞു.  കൈയ്യിൽ വിലങ്ങുമായി പ്രൊഫ: രാമൻ കർത്ത കുനിഞ്ഞ ശിരസുമായ് നടന്നു നീങ്ങി.

‘ബ്രേക്കിംഗ് ന്യൂസ്’

“ലഹരിമരുന്ന് കേസിൽ ഒരു അറസ്റ്റ് കൂടി .

GV കോളേജ് പ്രിൻസിപ്പൽ പ്രൊഫ: രാമൻ കർത്തയെയാണ് പോലീസ് അൽപ്പസമയം മുൻപ് അറസ്റ്റ് ചെയ്തത്. 

പ്രൊഫസറുടെ വീട്ടിലും ഓഫീസിലും നടത്തിയ പരിശോധനയിൽ ഡ്രഗ് റാക്കറ്റുമായ് ബന്ധപ്പെട്ട നിരവധി രേഖകൾ കണ്ടെത്തിയതായ് പോലീസ് അറിയിച്ചു.