💫പിടിച്ചുവലിച്ച പോയിന്റ് 2💫

Author : അല്ലൂട്ടൻ

Previous Part

 
(എല്ലാരും ഇതിന്റെ ഫസ്റ്റ് പാർട്ട് വായിക്കണേ…ഇഷ്ടപ്പെട്ടാലും ഇല്ലേലും കമന്റ് ബോക്സിൽ പറയാവോ…😉☺️😊🤗)

⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️

 

2017 മാർച്ച് മാസം.കൃത്യമായി പറഞ്ഞാൽ എസ് എസ് എൽ സി പരീക്ഷ
കഴിഞ്ഞ അന്ന്.
വൈകീട്ടത്തെ ചായ കുടിക്കുവായിരുന്നു എല്ലാരും.മാതൃസമിതി മീറ്റിങ്ങ് എന്റെ വീട്ടിൽവെച്ചായിരുന്നു നടത്താറ്.അതുകൊണ്ടു തന്നെ എല്ലാ അമ്മായിമാരും വീട്ടിലിരുന്ന് കട്ടൻ ചായയും മിച്ചറും കഴിക്കുന്ന സമയം.

“അല്ലൂട്ടാ പരീക്ഷയെങ്ങനെ…???
ഫുൾ ഏപ്ലസ് ഉണ്ടാവില്ലേ…”

വീട്ടിലേക്ക് കയറി വരുന്ന എന്നോട് വല്യമ്മ .പുച്ഛിച്ചതാണെന്ന് മനസ്സിലായത് കൊണ്ട് ഞാൻ തിരിച്ച് ഒന്ന് ചിരിച്ചു കാണിച്ചു.

ബാഗ് വീട്ടിൽ വെച്ച് ഒരൊറ്റ ഓട്ടമായിരുന്നു മൈതാനത്തേക്ക്.
ഇനിയും അവിടെ നിന്നാൽ എന്നെ ജീവനോടെ ഗോസിപ്പ് ചെയ്തു കളയുമെന്ന് തോന്നിയത് കൊണ്ട് മെല്ലെ ഞാൻ തടിതപ്പി.

മൈതാനത്ത് എത്തിയപ്പോ ആദ്യം നോക്കിയത് ചിക്കൂനെയാണ്.പ്രതീക്ഷ തെറ്റിയില്ല.സൈഡിലിരുന്ന് കളി കാണുന്നു.

“ഡാ മൈ നീയെന്നാ പരിപാടിയാ കാണിച്ച…??”

പെട്ടന്നെന്റെ ഒച്ച കേട്ടപ്പൊ അവൻ ഞെട്ടിത്തിരിഞ്ഞുനോക്കി.

“ഞാനെന്നാ ചെയ്തൂന്നാ ..

“…ഒരുമാതിരി കൊണച്ച വർത്താനം പറഞ്ഞാലുണ്ടല്ലോ…”

ബൈക്കേൽ കേറി വന്നതാണോ…
അയിനാണോ മുത്തേ ഇഞ്ഞ് ചൂടാവുന്നേ

“ പോ മൈ..

സ്കൂൾ വിട്ട് കഴിഞ്ഞാ ആരുടെയെങ്കിലും ബൈക്കിൽ ലിഫ്റ്റ് ചോദിച്ചാണ് വരാറ്.ഞാൻ കൊറേ നേരം കഷ്ടപ്പെട്ട് അവസാനം ഒരു ഫ്രീക്കൻ നിർത്തി തന്നപ്പോ ഇവൻ ഓടിവന്ന് അതിൽ കയറിപ്പോയിക്കളഞ്ഞു.
ചങ്കായത് കൊണ്ട് ഞാൻ ക്ഷമിച്ചു.

അപ്പളാണവൻ ഷിയാരേടെ കാര്യം എടുത്തിട്ടത്.

“ഡാ അവളെന്നാ പറഞ്ഞത്…???

“ഇന്നും ഒന്നും പറഞ്ഞില്ലടാ…
ഇനിയെന്താ ഒരു വഴി…??

ഇവനറിയാത്ത ഒരു കാര്യവും എനിക്കില്ലായിരുന്നു.