?Lovebirds?(S1)[രാവണാസുരൻ(Rahul)] 264

അടിപൊളി ഇന്ന് വരുന്നതെല്ലാം എന്റെ നെഞ്ചിലേക്കാണല്ലോ.ഞാൻ ആരെയാണാവോ ഇന്ന് കണികണ്ടത് കുറച്ചു ഉറക്കെ തന്നെ ആത്മാഗതം പറഞ്ഞിട്ട് അനിയത്തിയെ തിരിഞ്ഞു നോക്കി.

ഹാ വെറുതെ അല്ല ഇന്ന് നീയായിരുന്നല്ലോ കണി അപ്പൊ ഇതൊക്കെ ചെറുത് ഇനി വലുത് വരാനിരിക്കുന്നതേ ഉള്ളു.ഞാൻ അവളോട്‌ പറഞ്ഞു

നീ പോടാ കുരങ്ങാ.എന്നെ കണികാണാത്ത ദിവസം നിനക്ക് നല്ല ദിവസമാണല്ലോ.ആദ്യം നീ നിന്റെ ഈ ചൊറിയൻപുഴുവിന്റെ സ്വഭാവം മാറ്റ് അപ്പൊ ദിവസം ഒക്കെ ശരിയായിക്കോളും.അവൾ പിന്നേം എനിക്കിട്ട് കൊട്ടി

വേണ്ടായിരുന്നു ചെറിയ വട കൊടുത്ത് വലിയ വട വാങ്ങി എന്ന് പണ്ടാരാണ്ടോ പറഞ്ഞതുപോലെ ആയി

ഞങ്ങൾ സംസാരിച്ചിരുന്നപ്പോൾ അമ്മയും ഒരുങ്ങി വന്നു.
ടാ നിനക്ക് എന്നും ഈ നീല ഷർട്ട് ഇട്ട് ബോറടിക്കുന്നില്ലേ നല്ല വല്ല ഷർട്ടും ഇട്ടൂടെടാ. കൈകഴുകി വാ പോകാം അമ്മ പറഞ്ഞു

നീലയിൽ തൊട്ട് കളിക്കരുത് അത് എന്റെ favorite കളർ ആണ്. അല്ല അമ്മേ നമ്മൾ എങ്ങോട്ടാ പോകുന്നത്?ഞാൻ ചോദിച്ചു

എങ്ങോട്ടാ പോകുന്നതെന്ന് അറിഞ്ഞാലേ എന്റെ മോൻ വരൂ? അമ്മ ചോദിച്ചു

ഈ പോക്കണേൽ ഇനി ഇവിടെ നിന്നാൽ എന്നെ ചിതയ്ക് വയ്ക്കാൻ പോലും മിച്ചം കിട്ടില്ല.ഞാൻ പതിയെ അവിടുന്ന് മുങ്ങി കൈകഴുകിയിട്ട് കാറിൽ പൊങ്ങി.എന്നോടാ കളി ഞാനാരാ മോൻ

എല്ലാവരും വന്നു വണ്ടിയിൽ കേറി
ഞങ്ങൾ യാത്ര തിരിച്ചു.
(ഈ കഴിഞ്ഞ scene വച്ചു എല്ലാവർക്കും എന്നോട് ദേഷ്യമാണെന്നോ.എന്നെ തവിട് കൊടുത്തു വാങ്ങിയതാണെന്നോ.ഞാൻ പീഡനങ്ങൾ അനുഭവിക്കുന്ന കേരളത്തിലെ പുരുഷന്മാരുടെ പ്രതീകമാണെന്നോ. ഞാൻ വീട്ടിലെ waste ആണെന്നോ ഒന്നും കരുതണ്ട.വീട്ടിൽ എല്ലാവരും സുഹൃത്തുക്കളെ പോലെയാണ് അതാ രാവിലെ തന്നെ എല്ലാവരും കൂടെ എനിക്കിട്ട് താങ്ങുന്നത്.തുടങ്ങിയിട്ടേ ഉള്ളു മക്കളെ ഇനി എന്തൊക്കെ കാണാൻ കിടക്കുന്നു)

അയ്യോ ഞാൻ ഒഫീഷ്യൽ പരിചയപ്പെടുത്തൽ മറന്നു.എന്നെ നിങ്ങൾ നേരത്തെ പരിചയപ്പെട്ടതാ എന്നാലും പറയാം.ഞാൻ അർജുൻ ഒരു പ്യാവം MBAക്കാരൻ ഇപ്പൊ ചെറിയ ബിസിനസ്‌ ഒക്കെ ചെയ്തു തട്ടിമുട്ടി പോകുന്നു.അമ്മ രേവതി വീട്ടമ്മ ആണ്.അച്ഛൻ ശേഖരൻ റിട്ടയേർഡ് പട്ടാളക്കാരൻ ആണ്.പുള്ളി പഴയ പട്ടാളക്കഥ ഒക്കെ പറഞ്ഞു സമയം കളഞ്ഞു നടക്കുന്നു(കാര്യം മനസ്സിലായിക്കാണുമല്ലോ അല്ലേ. പഴയ പട്ടാളക്കാരുടെ ഒഫീഷ്യൽ പരുപാടി ഇല്ലേ വെടിപറച്ചിൽ അത് തന്നെ)എന്റെ അച്ഛനായത്കൊണ്ടു പറയുന്നതല്ല പുള്ളി നല്ല മനുഷ്യനാ ഞങ്ങളോട് വെടിപറച്ചിൽ നടത്താറില്ല?.

അനിയത്തി അഞ്ജലി ആറ്റംബോംബിന് കയ്യുംകാലും വച്ചാൽ എങ്ങനെ ഉണ്ടാകും അതാണ് ഐറ്റം.ഞങ്ങൾ ടോം and ജെറി പോലെയാ.ഞാൻ ടോം ?അവള് ജെറി ?കാര്യങ്ങളുടെ കിടപ്പുവശം മനസ്സിലായല്ലോ.നിങ്ങൾ ഉദ്ദേശിച്ചത് തന്നെയാ കൂട്ടുകാരെ മൊത്തം കൊട്ടും എന്റെ തലമണ്ടയ്ക്കാ കിട്ടുന്നത് ?.പിന്നെ ആകപ്പാടെ ഉള്ള സമാധാനം എന്തെങ്കിലും പ്രശ്നം വന്നാൽ ടോം and ജെറിയിലെപോലെ ഒരുമിച്ചു നിൽക്കും ഞങ്ങൾ.