? അരികത്തായാരോ – 4 ? വിച്ചു [ ചെകുത്താനെ സ്നേഹിച്ച മാലാഖ ] 1214

അടുത്ത് തന്റെ നേരെ വന്നവന്റെ വലത് കയ്യിൽ ശക്തിയായി പിടിച്ച് വേഗത്തിൽ പുറകിലേയ്ക്ക് വലിച്ച് തിരിച്ച ശേഷം മുതുകിലേയ്ക്ക് ആഞ്ഞ് ചവിട്ടി കൈ വീണ്ടും പിന്നിലേയ്ക്ക് വലിച്ച് തിരിച്ചു ” ….. ആ ……. ”
അവനും പ്രാണൻ പോകുന്ന വേദനയോടെ അലറി വിളിച്ചു . അവന്റെ കയ്യുടെ എല്ലും ഒടിഞ്ഞിരുന്നു .

അടുത്തായി ഓടി വന്നവൻ തന്റെ നേരെ കൈ വീശിയതും ആ കയ്യിൽ കയറി പിടിച്ച് അവനെ തന്റെ അടുത്തേയ്ക്ക് വലിച്ചടുപ്പിച്ച ശേഷം ഒരു കൈ അവന്റെ കഴുത്തിലൂടെ ചുറ്റി അജു അവനെ ലോക്ക് ചെയ്ത് തന്റെ കൈക്കുള്ളിലാക്കി …. നിവേദും ബാക്കിയുള്ളവരും നോക്കി നിൽക്കെ തന്റെ കൈക്കുള്ളിൽ ഇരിക്കുന്ന അവന്റെ മുഖത്തേയ്ക്ക് അജു തന്റെ മറ്റെ കൈ ഉപയോഗിച്ച് വേഗത്തിൽ ശക്തിയായി മുഷ്ടി ചുരുട്ടി തുടരെ തുടരെ പഞ്ച് ചെയ്തു … അവന്റെ മുഖം പൊട്ടി രക്തം വരാൻ തുടങ്ങി , പക്ഷെ അജു അത് ശ്രദ്ധിക്കാതെ നിവേദിനെ ഒരു പുഞ്ചിരിയോടെ തന്നെ നോക്കി നിന്ന് തന്റെ കൈക്കുള്ളിൽ ഇരിക്കുന്ന അവന്റെ മുഖത്തേയ്ക്ക് വീണ്ടും വീണ്ടും ശക്തിയായി ഇടിച്ചു … അവന്റെ മൂക്കും ചുണ്ടുമൊക്കെ പൊട്ടി അവന്റെ മുഖം മുഴുവൻ വികൃതമായ അവസ്ഥയിലേയ്ക്ക് മാറി .

ആ സമയത്ത് അജുവിന്റെ മുഖഭാവം പ്രവർത്തിയും കണ്ട് നിവേദും ബാക്കിയുള്ളവരും ഒരുപോലെ ഭയന്നു …. അഹാനയും ദേവുവും മുന്നിൽ നടക്കുന്നതൊക്കെ കണ്ട് ഒരു തരം മരവിച്ച അവസ്ഥയിൽ നിൽക്കുകയായിരുന്നു .