? അരികത്തായാരോ – 4 ? വിച്ചു [ ചെകുത്താനെ സ്നേഹിച്ച മാലാഖ ] 1214

” മ് നിനക്കത് പറയാം …. ഇന്നലെ കിടന്നപ്പൊ തന്നെ പാതിരാത്രി കഴിഞ്ഞു …. ”

ഞാനതും പറഞ്ഞ് പുതപ്പ് വലിച്ച് മാറ്റിയ ശേഷം കട്ടിലിൽ നിന്നും എണീറ്റു ….

” കുട്ടിപ്പട്ടാളം ഉറക്കീല അല്ലേ … ഇന്നലെ എന്തായിരുന്നു പരിപാടി …. ”

യദു ആകാംഷയോടെ ചോദിച്ചു ….

” പ്രൊജക്ടറിൽ സിനിമ ഇട്ട് കാണിച്ചു കൊടുക്കൽ .. ഒന്ന് തീരുമ്പോഴേയ്ക്കും അടുത്ത സിനിമ ഇടാൻ വാശി പിടിക്കും , ഇന്നലെ ഫാദറും എന്തോ ആവശ്യത്തിന് പുറത്ത് പോയി ഇന്നേ വരൂ …. ഫാദറും കൂടി ഇല്ലാത്തത് കൊണ്ട് എല്ലാവർക്കും പൂർണ്ണ സ്വാതന്ത്ര്യമായിരുന്നു , എന്നെ കൊന്നില്ല എന്നേ ഉള്ളൂ … നീയിരിക്ക് …… ”

ഞാനതും പറഞ്ഞ് ബാത്ത്റൂമിൽ കയറി ……

” എടാ ഇപ്പൊ എങ്ങനെയുണ്ട് …. ”

തിരികെ വന്ന എന്നെ കണ്ടതും യദു ചോദിച്ചു .

” മുറിവ് ഉണങ്ങി തുടങ്ങി …. നീ വന്നതെന്തായാലും നന്നായി … നമുക്ക് സിറ്റി വരെ ഒന്ന് പോകണം … കുറച്ച് സാധനങ്ങൾ ഒരു ഷോപ്പിൽ ഫാദർ മേടിച്ച് വച്ചിട്ടുണ്ട് അതെടുക്കണം … ”

” പിന്നെന്താ പോയേക്കാം …. ”

യദു അതും പറഞ്ഞ് ചെയറിൽ നിന്ന് എണീറ്റു ….

” എടാ ആ നിവേദിന്റെ ക്ലാസ്സിലെ ഒരുത്തനെ എനിക്ക് പരിജയമുണ്ട് ഞാനവനെ ഇന്നലെ വിളിച്ചിരുന്നു … പോലീസിൽ ഇതുവരെ അവർ പരാതിയൊന്നും കൊടുത്തിട്ടില്ല എന്നാ അവനറിയാൻ കഴിഞ്ഞത് . പിന്നെ നിവേദന്റെ ഒരു കൈ ഒടിഞ്ഞിട്ടുണ്ട് കഴുത്തിന് പൊട്ടലും ചതവും … ബാക്കിയുള്ളവന്മാർക്കും പൊട്ടലും ചതവുമൊക്കെയുണ്ട് … എന്തായാലും കോളേജിൽ നിന്ന് ഒരു പണിഷ്മെന്റ് നിനക്ക് നേരെ ഉണ്ടാകും ..”

യദു പറഞ്ഞു ….