?കല്യാണസൗഗന്ധികം 6 ? Final [???] 3086

“സെക്കൻ്റ് സ്റ്റെപ്പ്…… എതിരാളിക്ക് അറ്റാക്ക് ചെയ്യാനുള്ള സാഹചര്യം നമ്മൾ ഒരുക്കണം, പിന്നെ ആദ്യത്തെ കുറച്ച് അടി വാങ്ങി നമ്മൾ വീക്ക് ആണെന്ന് അവരെ കൺവിൻസ് ചെയ്യിക്കണം ……..”

“അതിനിപ്പോ…. “

“ഞാൻ ഒന്ന് ആലോചിക്കട്ടെ….”

“ഹ……”

“അപ്പൊ എല്ലാം നമ്മള് പറഞ്ഞ പോലെ….  കാൾ ഒന്നും മിസ്സ്‌ ആക്കരുത് ട്ടോ….”

***********************************

കൈയിൽ നുള്ള് കിട്ടിയപ്പോഴാണ് വിനു ആലോചനയിൽ നിന്ന് ഉണർന്നത്. മണ്ഡപത്തിലുള്ള എല്ലാവരും തന്നെയാണ് നോക്കുന്നതെന്ന് മനസ്സിലായപ്പോൾ വിനു ചമ്മി പോയി…….. അപ്പോഴും തൊട്ടടുത്ത് ഇരിക്കുന്ന സൂചിയുടെ നഖം വിനുവിൻ്റെ കൈയ്യിൽ ആഴ്ന്നിട്ട് തന്നെയാണുള്ളത്…..

മുഹൂർത്തം അടുത്തതും മേളം മുഴങ്ങി, പൂജാരി എടുത്ത് കൊടുത്ത താലി സൂചിയുടെ കഴുത്തിൽ അണിഞ്ഞ് വിനു അവൻ്റെ പ്രേമത്തെ സ്വന്തമാക്കി.

ചടങ്ങുകൾക്ക് ശേഷം സ്റ്റേജ് ക്യാമറ ക്രൂ കയ്യേറി…….

പിന്നെ ഒരു ബഹളം തന്നെയായിരുന്നു.

ഓഡിറ്റോറിയത്തിൽ നിന്നും വീട്ടിലേക്കുള്ള യാത്ര കാർത്തിയും ഇഷയും ഹാരിയറിൽ കയറിയപ്പോൾ വിനുവും സൂചിയും അവരുടെ പഴയ അംബാസഡറിനെ കൂട്ടുപിടിച്ചു…. കൂട്ടിന് കുട്ടീസും…..

രണ്ട് പറമ്പ് അപ്പുറമുള്ള വീട്ടിലേക്കാണ് പോകുന്നതെങ്കിലും ഇറങ്ങുമ്പോൾ സൂചി കരഞ്ഞു കരഞ്ഞു കണ്ണീർ സീരിയൽ ആക്കി….. ചടങ്ങ് മുടക്കരുതല്ലോ…..

കാർ നീങ്ങി തുടങ്ങിയതും ശൈവു ചിന്തയിലാണ്ടു……