? കുപ്പിവള ? [❥︎????? ꫝ? ʀ❥︎] 159

“ഇനി എവിടേക്കാ……??”

പറഞ്ഞ സാധങ്ങൾ എല്ലാം വാങ്ങി കൊടുത്ത ശേഷം വെളിയിലേക്ക് ഇറങ്ങാൻ പോയ എന്നെ തടഞ്ഞു കൊണ്ട് അമ്മ തിരക്കി.

“മുട്ടായി വാങ്ങാൻ പോവാ…..!”

“അതെന്താ സാധനം വാങ്ങാൻ പോയപ്പോ വാങ്ങാത്തെ……??”

“അപ്പൊ കട തുറന്നില്ലായിരുന്നു…….”

“ഇപ്പൊ നീ പോണ്ടാ…..!”

“ഞാൻ വേഗം വരാമ്മേ…….താമസിക്കില്ല. സത്യം….”

“ശെരി…..ശെരി……പതിനൊന്ന് മണിക്ക് മുന്നേ ഇങ്ങെത്തിലേ അച്ഛനെ വിളിച്ച് പറയും ഞാൻ…..!”

“വേണ്ട വേണ്ട… ഞാൻ ദേ എത്തി…..”

പിന്നെയൊരോട്ടം ആയിരുന്നു കവലയിലേക്ക്…….സുധാകരൻ മാമന്റെ പൊട്ട് കടയിലാണ് ആ ഓട്ടം ചെന്നവസാനിച്ചത്……..

“അഹ് വന്നല്ലോ വളക്കാരൻ…….??”

ഞാൻ ചിരിച്ചു.

“മാമ പത്ത് രൂപക്ക് കുപ്പിവള.”

“ഇന്നേത് നെറാ വേണ്ടേ…….??”

“രക്തച്ചോപ്പ്……!”

ഒട്ടും ആലോചിക്കാണ്ട് തന്നെ മറുപടിയും കൊടുത്തു. അവൾക്കീ നെറം നന്നായി ചേരും. മാറ്റല്ലത്തിനേംക്കാൾ……കാശും കൊടുത്ത് പൊതിഞ്ഞ് തന്ന വളകളും കൊണ്ട് ഞാൻ നടന്നു. സ്കൂള് കഴിഞ്ഞ് മേടയിലേക്കും പോകും വഴി എന്നും ഇല്ലാത്തത്രേം ആൾക്കൂട്ടം കണ്ട് ഞാൻ നിന്നു.

“ഇടിച്ച വണ്ടി നിർത്താതെ പോയി…..ഏതോ ഒരു പെണ്കുട്ടിയാ……”