? കുപ്പിവള ? [❥︎????? ꫝ? ʀ❥︎] 159

“നോക്കട്ടെ ചെലവായില്ലേ കൊണ്ടോരം.”

അച്ഛനില്ല ശ്രീകുട്ടിക്ക്. അമ്മക്ക് ചെറിയൊരു ജോലിയുണ്ട് മേടയിൽ. ഉണ്ണിയപ്പം ഉണ്ടാക്കി വിക്കുന്നു. കാഴ്ച ഇല്ലേലും എന്റെ ശ്രീകുട്ടിക്ക് മേടയിലേക്ക് പോകാൻ ഒരു ഊന്ന് വടിയുടെ ആവശ്യമേ ഉള്ളൂ. അവിടെ എത്തി കഴിഞ്ഞ പിന്ന അമ്മയോടൊപ്പം വീട്ടിലേക്ക്……….! കണ്മറയത്ത് നിന്നകലുമ്പോഴും ഞാനവളേം നോക്കി അങ്ങനെ തന്നെ നിന്നു.

“വിഷ്ണു കൊറച്ച് സാധനങ്ങള് വാങ്ങിട്ട് വന്നേ……”

“ഇല്ല……എനിക്ക് വയ്യ..”

“എന്റെ പൊന്ന് മകളല്ലേ പോയിട്ട് വാടാ….”

“അഞ്ച് രൂപ തന്ന പോവാം……!”

“അഞ്ചോന്നും കാണില്ല. മുട്ടായി വാങ്ങാനല്ലേ രണ്ട് രൂപ എങ്ങാനും തരാം……”

“രണ്ട് പോരാ. അഞ്ചും തരണം……”

“നിന്നോട് പറഞ്ഞ് ജയിക്കാൻ പറ്റില്ലല്ലോ…! ശെരിയെടുത്തോ. അല്ല എന്തിനാ അഞ്ച് രൂപ….??”

“പേട വാങ്ങാനാ……!”

“പേടക്ക് അഞ്ച് രൂപേ…..??”

“അഹ് ഇന്നലെ വിഷു അല്ലായിരുന്നോ, വെല കൂടി…..!”

“mm….mm… മോന്റെ ചുറ്റി കളി ഒരു ദെവസം ഞാൻ കൈയോടെ പിടിക്കും.”

“ഒന്ന് പോയേ അമ്മ… വാങ്ങണ്ട സാധങ്ങൾടെ പേരെഴുതി താ.”

“അതൊക്കെ നേരത്തെ എഴുതി വച്ചിട്ടുണ്ട്. മോൻ പോയി വാങ്ങിച്ചാ മാത്രം മതി…”

അമ്മ എഴുതി തന്ന കടലാസ് കീറും കാശുമായി ഞാനിറങ്ങി…..പോകും മുന്നേ കുടുക്കേന്ന് ഒരഞ്ചും കൂടെ എടുത്തു. ഞാനിങ്ങനെ എന്തേലും ജോലി ചെയ്യാൻ എന്നെ വിളിച്ചാൽ അതിന് കൂലി എന്നോണം ഞാൻ കാശ് വാങ്ങിക്കും. അമ്മയോട് മാത്രേ ഇങ്ങനുള്ളൂ. ഇത് അച്ഛനറിയില്ല. അറിഞ്ഞാ കൊല്ലും…..!