?️സഹചാരി- 3【Ɒ?ᙢ⚈Ƞ Ҡ???‐??】 1561

ഒന്നര വർഷത്തിന് ശേഷം…..

ഇടുക്കിയിൽ നിന്നും കൊച്ചിയിലേക്ക് സാധനങ്ങൾ കൊണ്ടുപോകുന്ന ഒരു ചരക്ക് വാഹനം രാത്രി 12 മണിക്ക് റോഡിലൂടെ പോയിക്കൊണ്ടിരിക്കുകയാണ്……

രാത്രി ആയതുകൊണ്ട് അൽപ്പം കുടിച്ചുകൊണ്ടാണ് അവർ വണ്ടി ഓടിക്കുന്നത്….
അതിനാൽ ലോറി ഒരു നിയന്ത്രണം ഇല്ലാതെയാണ് പോയിരുന്നത്…..

വണ്ടി ഓടിക്കുന്നതിന്റെ ഇടയിൽ മദ്യക്കുപ്പി വായിലേക്ക് കമിഴ്ത്തുമ്പോൾ മുന്നിൽ ഒരു ബൈക്ക് വരുന്നത് ഡ്രൈവർ കണ്ടിരുന്നില്ല….

,,,,,,, അണ്ണാ….. മുന്നോട്ട് നോക്ക്…

അതിലെ ക്ലീനർ പയ്യൻ പെട്ടെന്ന് മുന്നോട്ട് ചൂണ്ടി പറഞ്ഞു…..

അയാളത് ശ്രദ്ധിക്കാൻ ഒരുപാട് വൈകിപ്പോയി….
അതിന് മുന്നേ എതിരെ വന്ന ഒരു യൂണികോൺ ബൈക്കിൽ പോയി വണ്ടി ഇടിച്ചു…..

അതിലെ ചെറുപ്പക്കാരന്റെ വേദന കലർന്ന അലർച്ച അവിടമെങ്ങും മുഴങ്ങി….

അയാൾ വേഗത്തില്‍ വണ്ടി നിർത്തി…..
എന്നിട്ട് അവർ ഇരുവരും ചാടി ഇറങ്ങി ആ ബൈക്കിന്റെ അടുത്തേക്ക് ചലിച്ചു….

ആ ബൈക്ക് ഒരു മൂലയിലേക്ക് തെറിച്ച് കിടക്കുന്നു…
ഒപ്പം അതിന്റെ അടുത്ത് തന്നെ അതിൽ വന്ന ആളും കിടന്നിരുന്നു….

ഏകദേശം ഒരു 30 വയസ്സോളം പ്രായം തോന്നിക്കുന്ന ഒരു വ്യക്തി….
ദേഹത്ത് മുഴുവൻ ചോരയാണ്….
കാലും ഒടിഞ്ഞിരുന്നു….

തലയിൽ ഹെൽമെറ്റ് ഉള്ളതുകൊണ്ട് കഴുത്തിന് മുകളിൽ പരുക്കുകളൊന്നും ഇല്ല…

ആ ക്ലീനർ പയ്യൻ അയാളുടെ ഹെൽമെറ്റ് ഊരി….

അയാളുടെ ബോധം മറഞ്ഞിരുന്നു…..ഒരനക്കവും കാണുന്നില്ല…..
അവൻ അയാളുടെ മൂക്കിന്റെ അടുക്കൽ കൈ വച്ചുകൊണ്ട് ശ്വാസം ഉണ്ടോ എന്ന് നോക്കി….

,,,,,, അണ്ണാ……

,,,,,, എന്നടാ…. സത്തിട്ടാളാ…..

,,,,, ഇല്ല…. ജീവൻ ഉണ്ട്…. നമുക്ക് വേഗം ഹോസ്പിറ്റലിൽ എത്തിക്കാം….

,,,,, ശേ……
സുമ്മാ ഇറ് ടാ……

,,,,,, ഇല്ലെങ്കിൽ ഇയാൾ ചത്ത് പോകും….

,,,,, ഡേയ്…..
പേസാമ വണ്ടിയിൽ യേറ് ഡാ….
ഉണക്ക് ഇവൻ മാമനാ മച്ചനാ….
സത്ത സാവട്ടും…. വാടാ……

ആ ഡ്രൈവർ ക്ലീനർ പയ്യനോട് മധ്യ ലഹരിയിൽ ദേഷ്യത്തിൽ പറഞ്ഞു….

,,,,,, എന്നാലും അണ്ണാ…..
കണ്ടാൽ തന്നെ പാവം തോനുന്നു….
ആ ഹോസ്പിറ്റൽ വരാന്തയിൽ എങ്കിലും കൊണ്ടുപോയി വിടാം…. ഒരു ജീവൻ അല്ലെ….

,,,,, അയ്യോ….. ഇന്ത പയ്യനാളെ ഒരേ തൊല്ലയാ പോച്ചേ……
ഡേയ്…. ഇത് ആക്‌സിഡന്റ കേസ് ടാ……
ഏകപ്പെട്ട സിക്കൽ…..
പേസമ വണ്ടിയിൽ യേറിക്കൊ……
ഇല്ലെന്ന വേലയിലിരുന്തെ തൂക്കിടുവെ പാത്തുക്കൊ…..'”

അവന് അയാൾ പറയുന്നത് കേൾക്കാനെ മാർഗം ഉണ്ടായിരുന്നുള്ളു……
ആ പയ്യൻ നിലത്ത് കിടക്കുന്ന അയാളെ ഒരു നോക്ക് കൂടെ നോക്കിയ ശേഷം വണ്ടിയിലേക്ക് പോയി കേറിയിരുന്നു….

ആ ഡ്രൈവർ തന്റെ അരയിൽ തിരുകിയിരുന്ന മറ്റൊരു മദ്യ കുപ്പി കൂടെ കയ്യിലെടുത്തു…..
എന്നിട്ട് അതൊരു കവിൾ കുടിച്ച ശേഷം നിലത്ത് കിടക്കുന്ന അയാളെ നോക്കി…

,,,,,, യപ്പ സാമി……
എൻ കിട്ടേ മന്നിച്ചിട് ടാ….
യതവും പേർസണൽ ആ പണ്ണലെ…..
അതുവാ നടന്തിച്ച്…..
കൊഞ്ചം നേരം ഉയരെ കയ്യിലെ പുടിച്ചുകിട്ട് ഇറ്….
യാറാവത് നല്ല മനുഷ്യൻകൾ വന്ത് കാപ്പത്തിടും….
ഇല്ലെന്ന എന്ന പണ്ണറത്…..
സത്ത് പോക വേണ്ടിയത് താ……
സത്തത്ക്ക് അപ്പുറം പെയ്‌ കീയാ യതവും വന്ത് തൊന്തരവ് പണ്ണാതടാ സാമി…..
ഗുഡ് നൈറ്റ്…..'””

അയാൾ അത്രയും പറഞ്ഞുകൊണ്ട് തിരിഞ്ഞു നടന്നു… പെട്ടെന്ന് അവിടെ നിന്നു…..
എന്നിട്ട് അയാളുടെ അടുത്തേക്ക് തന്നെ വന്നു….