?️സഹചാരി?️2【Ɒ?ᙢ⚈Ƞ Ҡ???‐??】 1737

അവൾ പറഞ്ഞു….
ഞാൻ അവൾ പറഞ്ഞ പോലെ തിരിഞ്ഞു നോക്കി….

എന്റെ ലാപ്പ് വായുവിൽ പറന്ന് നിൽക്കുന്നു….
എന്നിൽ ആദ്യം അത്ഭുതമാണ് വന്നത്….
പിന്നെ സാധാരണമായി….

അവൾക്ക് അതിനുള്ള കഴിവുണ്ടല്ലോ….
ഞാനൊന്നും മിണ്ടാതെ ആ ലാപ്പ് കയ്യിലെടുത്തു…

എന്നിട്ട് അത് തുറന്ന് പവർ ബട്ടൻ ഓണാക്കി….
അവളിതെല്ലാം നല്ല കൗതുകത്തോടെ നോക്കിയിരിപ്പുണ്ട്….

,,,,,, പണ്ട് പപ്പേടെ കയ്യിൽ ഇത് കണ്ടിട്ടുണ്ട്….

അവൾ പറഞ്ഞു….

,,,, ഏത് പപ്പയാണ് മോളെ…..

,,,,, എന്റെ സ്വന്തം പപ്പാ….

,,,ഹാ…..

,,,,, അന്നൊക്കെ tv പോലാണ്….. ഇപ്പൊ ദേ….. ഇങ്ങനായി….

,,,,, കാലം മാറല്ലേ…. അപ്പൊ കോലവും മാറും….

,,,,, എന്തായാലും ഈ കോലം എനിക്ക് വല്ലാതെ ഇഷ്ട്ടായി…..

ഞാനവളെ നോക്കി വെറുതെ ചിരിക്കുക മാത്രം ചെയ്തു….
ലാപ്പ് ഓണായപ്പോ അതിൽ എന്റെ പപ്പയും മമ്മയും ഞാനും ഒന്നിച്ചു നിൽക്കുന്ന ഒരു പ്രൊഫൈൽ ഫോട്ടോ തെളിഞ്ഞു വന്നു….

,,,,,, ഇതാണല്ലേ അങ്കിളും ആന്റിയും….

,,,,,ഹമ്മ്…..

,,,,, നല്ല ചന്തമുണ്ട് കാണാൻ….

ഞാൻ വെറുതെ ചിരിച്ചു….

,,,,, അവർ മാത്രമല്ല….. ചേച്ചിയും….

,,,,,, ഓ….. ശരി….

,,,,,, ഞാൻ ഫോട്ടോയിലെ കാര്യമാ പറഞ്ഞേ….

,,,,, അതെന്താ…. നേരിട്ട് കാണാൻ കൊള്ളുല്ലേ…..

,,,,,, സത്യം പറഞ്ഞ….. ഇപ്പോ ചേച്ചിയെ കാണാൻ ഒരു ഭംഗിയും ഇല്ലെന്നെ…..

,,,,, അത് കുഴപ്പില്ല മോളെ…..
എനിക്കും അതാ വേണ്ടേ…..

,,,,, അതെന്താ ചേച്ചി അങ്ങനെ പറഞ്ഞേ…..

,,,,,, ആണുങ്ങളുടെ ഈ വൃത്തികെട്ട നോട്ടം കുറയുമല്ലോ….

,,,,,ഓഹ്…. അതാണോ…..
ചേച്ചി എങ്ങനെ പോയാലും അവർ നോക്കും….
അതും പറഞ്ഞ് വൃത്തികേടായി നടക്കരുത്….
എന്റെ ചേച്ചി എപ്പോഴും സുന്ദരി ആവണം….'””

,,,,,, ഓഹ്…. ശരിയെ…..

അവൾ ചോദിച്ചത് ഞാൻ സമ്മതിച്ചു കൊടുത്തു….
പിന്നെ നേരെ കഥകൾ എഴുതുന്ന അപ്പ്ളിക്കേഷൻ എടുത്തു….

അതിൽ ഞാൻ ഇന്നലെ എഴുതി തുടങ്ങിയ കഥ ഉണ്ടായിരുന്നു….

,,,,, ലിസ…..
ആഹാ…. എന്റെ പേരാണല്ലോ ചേച്ചി….. ‘””

അവൾ എന്റെ കഥയുടെ പേര് വായിച്ചുകൊണ്ട് പറഞ്ഞു….

,,,,നിന്റെ പേര് മാത്രമല്ല…..
നിന്റെ കഥയും കൂടാണ്….

അവൾ അതിലേക്ക് തന്നെ നോക്കികൊണ് ആകെ അന്തം വിട്ടു…..

,,,, എന്റെ കഥയോ……?

അവൾ വിശ്വാസം വരാതെ ചോദിച്ചു

,,,,, നിന്റെ ഡയറി വായിച്ചപ്പോ ഇതുപോലൊരു കഥ എഴുതാമെന്ന് വച്ചു…..

,,,,,, ചേച്ചിക്ക് കഥ എഴുതാനൊക്കെ അറിയോ….

,,,,, ഹാ….. കുറച്ച്…..

,,,, എന്ന എഴുത് ചേച്ചി…. ഞാനും കൂടെ കാണട്ടെ….

അവൾ പറഞ്ഞു….
ഞാൻ നേരെ ലാപ്പിൽ എഴുതിവച്ച കുറച്ചു ഭാഗവും ഹെഡിങ്ങും ചേർത്ത് മുഴുവനായി കളഞ്ഞു….

എന്നിട്ട് ആ തലവാചകത്തിനടുത്ത് വേറൊരു പേര് എഴുതി…..

” സഹചാരി “

,,,,,, എന്തിനാ ചേച്ചി പേര് മാറ്റിയെ….

അവൾ എന്നോട് ചോദിച്ചു….

,,,,,, കാരണം എഴുതാൻ തുടങ്ങുമ്പോൾ ഇത് നിന്റെ കഥ ആയിരുന്നു…. ഇപ്പൊ ഇത് നമ്മുടെ കഥയാണ്…

ഞാൻ പറഞ്ഞത് കേട്ടപ്പോ അവൾ ചുമ്മാ ചിരിക്കുക മാത്രം ചെയ്തു…
ഞാൻ കഥ എഴുതാൻ തുടങ്ങി…

പാമ്പ് വരുന്നത് വരെ എഴുതി കഴിഞ്ഞപ്പോ നിർത്തി… അപ്പോഴേക്കും നല്ല ക്ഷീണം വന്നിരുന്നു…

ഞങ്ങൾ പിന്നെ മറ്റ് ചില വിനോദങ്ങളിൽ ഏർപ്പെട്ടു….
ലിസക്ക് എന്റെ കുഞ്ഞുനാളിലെ കൊറേ ഫോട്ടോസ് ഒക്കെ കാണിച്ചുകൊടുത്തു….

അത് കാണുമ്പോഴേ അറിയാം….
ഇതെല്ലാം അവൾക്ക് പുതിയ കാഴ്ച ആണെന്ന്….

3 ദിവസങ്ങൾക്ക് ശേഷം….

വീട്ടിലെ സാധനങ്ങൾ അത്യാവശ്യം കഴിഞ്ഞിരുന്നു….
ഞാൻ നേരെ സ്കൂട്ടി എടുത്ത് കട ലക്ഷ്യമാക്കി പോയി….

,,,,,,ഓയ് ചേച്ചി……

പെട്ടെന്ന് എന്റെ പുറകിൽ നിന്നും ഒരു വിളി കേട്ടു…

ലിസയുടെ…..

ഇപ്പൊ പേടിച്ചൊന്നുമില്ല….
ഇവൾ എപ്പോഴും ഇങ്ങനാണ്….
അതോണ്ട് എനിക്കുമത് ശീലായി….

,,,,,, എന്താടി പെണ്ണേ….

,,,,, എന്താ എന്നെ വിളിക്കാണ്ട് പോയേ…..

,,,, അതിന് നിന്നെ അവടെ കാണണ്ടേ….

,,,, ഞാനാ കുന്നിൻ ചെരുവിലെ തേനീച്ച കൂടിൽ നിന്ന് തേൻ കട്ട് കുടിക്കാൻ പോയതാ….

അവൾ പറഞ്ഞു….

,,,,, എന്നിട്ട് കുടിച്ചോ….

,,,,മ്മ്…..കുടിച്ചു…. എന്താ ടേസ്റ്റ്…..

,,,,,, അതുങ്ങളുടെ കടി വെറുതെ വാങ്ങി കൂട്ടണ്ട…

,,,,, എന്നെ കണ്ടിട്ട് വേണ്ടേ കടിക്കാൻ… ഇനി കടിച്ചാൽ തന്നെ ആർക്ക് വേദനിക്കാൻ….