തിരക്കഥ

Thirakadha | Author : Jwala

http://imgur.com/gallery/w9NwRNg

പ്രിയ സുഹൃത്തുക്കൾക്ക്,

ഹൃദയം നിറഞ്ഞ പുതുവർഷാശംസകൾ… 

********************************************************

അയാള്‍ എഴുതികൊണ്ടിരിക്കുന്ന സ്ക്രിപ്റ്റ് ഒരാവര്‍ത്തി വായിച്ചു.
എഴുത്തിന്‍റെ പുരോഗതിയില്‍ അയാള്‍ സംതൃപ്തനായിരുന്നു.
അടുത്ത കാലത്തൊന്നും ഇതുപോലെ വരികള്‍ അനര്‍ഗളമായി തന്നെ തേടിഎത്തിയിട്ടില്ല.
അയാള്‍ അറിയപെടുന്ന ഒരു തിരക്കഥാകൃത്തായിരുന്നു.

കഴിഞ്ഞ രണ്ടു സിനിമകള്‍ സാമ്പത്തികമായി പരാജയപെട്ടപ്പോള്‍ നിരൂപകര്‍ വിരല്‍ ചൂണ്ടിയത്
കഥയുടെ കെട്ടുറുപ്പില്ലായ്മയിലേക്കായിരുന്നു.

പുതിയ ചിത്രങ്ങള്‍ ഒന്നുമില്ല വ്യത്യസ്ഥത, വ്യത്യസ്ഥത എന്നു ഓരോ സം‌വിധായകരും മുറവിളി കൂട്ടികൊണ്ടേയിരിക്കുന്നു…

എന്താണു വ്യത്യസ്ഥത?

നേരത്തെ ആണെങ്കില്‍ തമിഴില്‍ നിന്നോ തെലുങ്കില്‍ നിന്നോ,അതുമല്ല എങ്കിൽ പഴയ
ഇംഗ്ലീഷ് ചിത്രങ്ങളില്‍ നിന്നു കോപ്പി അടിച്ചാല്‍ മതിയായിരുന്നു.
ഇന്നു ആധുനിക യുഗത്തില്‍ വിരല്‍തുമ്പിലാണെല്ലോ ലോകം…

തന്‍റെ സുഹൃത്തും,പ്രശസ്ത സം‌വിധായകനുമായ വിനുവിനുവേണ്ടി എഴുതുന്ന സ്ക്രിപ്റ്റ് ആണിത്,

കച്ചവട സിനിമയില്‍ നിന്നു വ്യതിചലിച്ചു നല്ല സിനിമ എന്ന ലക്ഷ്യത്തോടുകൂടി എഴുതുകയാണ്…

തങ്ങള്‍ രണ്ടാളും ഒന്നിച്ചപ്പോഴൊക്കെ
സിനിമ വന്‍ വിജയമായിരുന്നു.
അതിലുപരി മലയാള സിനിമാലോകത്ത് ചർച്ചാ വിഷയം ആയിരുന്നു അവർ കഥയിലൂടെ പറഞ്ഞ വിഷയങ്ങൾ

പ്രേക്ഷകര്‍ ഇതിലും പ്രതീക്ഷിക്കുന്നുധാരാളം…