?️സഹചാരി?️2【Ɒ?ᙢ⚈Ƞ Ҡ???‐??】 1737

ഇത് പക്ഷെ ഇന്നലെ കണ്ട ലിസയുടെ തേനൂർന്ന കുസൃതിയോടെ ഉള്ള ചിരി ആയിരുന്നില്ല…..

എന്തോ…. വളരെ പൈശാചികമായ ഒരു ചിരി….

പെട്ടെന്ന് അവളുടെ ദേഹം ഒരു കറുത്ത പുക പോലെ ആവാൻ തുടങ്ങി…..

അടുത്ത നിമിഷം അവൾ ഒരു കൊടുംകാറ്റ് പോലെ എന്റെ നേർക്ക് പറന്ന് വന്നു….

അവളെന്താണ് മനസ്സിൽ കണ്ടിരിക്കുന്നത് എന്ന് മനസ്സിലാവുന്നില്ല…..
ദേഹം മൊത്തം ഒരു കറുത്ത പോക മൂടുന്നത് മാത്രമേ ഞാൻ അറിഞ്ഞള്ളു…..

ശേഷം എന്റെ ബോധം മറയുകയാണ് ചെയ്തത്……

】●●●●●●●●●★●●●●●●●●●●【

ദേവു അവരുടെ മുന്നിൽ പെട്ട് എന്ത് ചെയ്യുമെന്ന ആശങ്കയിൽ ആയിരുന്നു…..

പെട്ടെന്ന് അവൾക്ക് മുന്നിൽ ലിസ പ്രത്യക്ഷപ്പെട്ടു….

അവൾ ഒരു കറുത്ത കൊടുംകാറ്റായി ദേവുവിന്റെ ദേഹത്തേക്ക് പ്രവേശിച്ചു……

ദേവു ഒന്നും അറിയുന്നില്ലായിരുന്നു…..

ലിസ എന്ന പ്രേതാത്മാവ് അവളിൽ പ്രവേശിക്കുമ്പോൾ ദേവു എന്ന ജീവാത്മാവ് ഒരു നിദ്രയിലേക്ക് പോവുകയായിരുന്നു….

ദേവു തന്റെ കണ്ണ് അടച്ചു…..

അവളിൽ ഇതുവരെ തോന്നാത്ത ഒരുതരം ശക്തി പ്രവേശിച്ചു……
ഈ നേരം കൊണ്ട് അവളെ തല്ലാൻ വന്നവൻ അവൾക്കരികിൽ എത്തിയിരുന്നു…..

അവൻ അലറി വിളിച്ചുകൊണ്ട് ആ വടി അവൾക്ക് നേരെ വീശി….

എന്നാൽ അത് ദേഹത്ത് കൊള്ളുന്നതിന് തൊട്ടടുത്ത നിമിഷം ദേവു കണ്ണ് പോലും തുറക്കാതെ ആ വടി കയ്ക്കുള്ളിലാക്കി….

അവന് അവളിൽ നിന്നും ആ വടി തിരിച്ചു വാങ്ങിക്കാൻ പറ്റിയില്ല…..

അവൻ അത്ഭുതത്തോടെ അവളെ നോക്കി….

പെട്ടെന്ന് അന്തരീക്ഷം മാറി…..
ആകാശത്ത് കാർമേഘങ്ങൾ വന്ന് പൊതിഞ്ഞു….
ഒപ്പം ശക്തമായി കാറ്റ് വീശാൻ തുടങ്ങി…..

കാട്ടിൽ നിന്നും എവിടുന്നൊക്കെയോ കാട്ട് പൂച്ചയുടെയും നായയുടെയും കരച്ചിലും ഊളിയിടലും ഉയർന്നു….

കാറ്റിന്റെ ശക്തിയിൽ ദേവുവിന്റെ തലയിലെ ഷാൾ അഴിഞ്ഞു പോയി…..
അവളുടെ നീളമേറിയ മുടി അനാവൃതമായി പാറി കളിക്കാൻ തുടങ്ങി….

ദേവു അടഞ്ഞിരുന്നു തന്റെ കണ്ണ് പതിയെ തുറന്നു….

എതിരെ നിൽക്കുന്ന ആ പയ്യന് അവളെ കണ്ടപ്പോൾ അൽപ്പം പേടി ഉടലെടുക്കാൻ തുടങ്ങി….

കാരണം അവളുടെ കണ്ണ് നീലയും കറുപ്പും ചേർന്ന ഒരു പ്രത്യേക കളറിൽ ആയിരുന്നു ഉണ്ടായിരുന്നത്….

ഇതിന് മുന്നേ അവളുടെ കറുത്ത കണ്ണുകൾ അവർ ശ്രദ്ധിച്ചിരുന്നു….
ഇത്ര പെട്ടെന്ന് എങ്ങനെ കണ്ണിന്റെ നിറം മാറി എന്നത് അവരിൽ ആശങ്ക ഉണർത്തിച്ചു….

അവൻ അതിൽ നിന്നെല്ലാം മുക്തനായി അവളുടെ കയ്യിൽ നിന്നും ആ വടി പിടിച്ച് വാങ്ങിക്കാൻ നോക്കി….

പക്ഷെ കിട്ടുന്നില്ല…..

ദേവുവിന്റെ ചുണ്ടിൽ ഒരു പരിഹാസ ചിരി ഉണ്ടായിരുന്നു…..
അടുത്ത നിമിഷം ദേവു തന്റെ ഇടത്തെ കൈ ഉപയോഗിച്ച് ആ മരക്കഷ്ണത്തിലേക്ക് ശക്തിയിൽ അടിച്ചു…..

ആ വടി പൊട്ടി പൊടിഞ്ഞുപോയി…..

അത് കണ്ടപ്പോൾ അവർ നാലുപേർക്കും അതിശയമായി….
അവളിൽ ഉണ്ടായിരുന്നത് ഒരു ഭയാനകമായ മുഖഭാവവും ആയിരുന്നു….

ദേവു പെട്ടെന്ന് തന്റെ കൈ ആ ചെറുപ്പക്കാരന്റെ കഴുത്തിലേക്ക് പിടിച്ചു…..

അവൻ ഒഴിയാനും എതിർക്കാനും നോക്കിയെങ്കിലും അത് വെറും പാഴ്ശ്രമം ആയിരുന്നു…

ദേവുവിന്റെ കരവലയതിൽ അവൻ ഉയർന്ന് പൊങ്ങി……
അവനൊരു തുള്ളി ശ്വാസത്തിന്റെ വേണ്ടി പിടഞ്ഞു….

ദേവു അത് കണ്ട് അട്ടഹസിക്കുകയായിരുന്നു….

പെട്ടെന്ന് അവർ മൂന്നുപേരും അവളെ പിടിക്കുവാൻ ഓടിവന്നു….

‘”””,,,,,,,,, വ്വ……..വ്……… ‘”””

ഒരു ഉയർന്ന ശബ്ദത്തോടെയുള്ള കൊരകേട്ടാണ് അവർ മൂവരും അവടെ നിന്നത്…..

ദേവുവിന്റെ പുറകിലായി ഒരു ഭീമൻ നായ…..

അതിന്റെ പാതി മുഖം വെന്തിരിക്കുന്നു…..
ഒപ്പം ഒരു കണ്ണും പൊട്ടിപോയിരിക്കുന്നു….

അവരെ മൂവരെയും നോക്കി ആ നായ ഉയർന്ന ശബ്ദത്തിൽ കുരച്ചു….. കുരക്കുമ്പോൾ അതിന്റെ വായിൽ നിന്നും പത വരുന്നുണ്ടായിരുന്നു…..

പേ നായ്ക്കളെ പോലെ…..
അതിന്റെ സാനിധ്യത്തിൽ അവർ മൂവർക്കും ദേവുവിന്റെ അടുക്കലേക്ക് പോകുവാൻ സാധിച്ചില്ല

ഈ സമയം തങ്ങളുടെ സുഹൃത്ത് അവളുടെ കയ്യിൽ കിടന്ന് പിടയുകയാണ്…..
അവളിൽ അതൊന്നും കണ്ട് യാതൊരു മാറ്റവും ഇല്ലതാനും….

പെട്ടെന്ന് തെക്ക് ദിശയിൽ നിന്നും ഒരു ഉയർന്ന കുര കേട്ടു….

അവർ അങ്ങോട്ട് നോക്കി……

ഈ നായയെ പോലെ തന്നെ വേറൊരു കറുത്ത നായ…… അതിന്റെയും മുഖം പാതി വെന്തിരുന്നു….
കണ്ണിന് കിഴപ്പമൊന്നുമില്ല….

ആ രണ്ട് നായ്ക്കളും മുരണ്ടാണ് നിൽക്കുന്നത്….
അവ ഏത് നിമിഷവും തങ്ങളെ ആക്രമിക്കുമെന്ന് അവർക്ക് മനസ്സിലായി….

അതിനെ രണ്ടിനേയും ഒരു നിമിഷം പകച്ചു നോക്കിയതിന് ശേഷം അവർ മൂന്നുപേരും ഒരേ സമയം അവിടെനിന്നും ജീവനും കൊണ്ട് ഓടി…..

പിന്നാലെ ആ നായകളും ഓടി…..

ദേവു ഇതെല്ലാം കണ്ട് ഭ്രാന്തമായി പൊട്ടിച്ചിരിക്കുകയായിരുന്നു……

അവളുടെ കയ്യിൽ കിടന്ന് പിടയുന്നവന്റെ ചലനം നില്ക്കുന്നത് അവൾ അനുഭവിച്ചറിഞ്ഞു…..

ജീവൻ പോകുന്നതിന്റെ ഒരു നിമിഷം മുന്നേ ദേവു അവനെ ദൂരേക്ക് എറിഞ്ഞു…..

ഒരു കല്ല് തെറിച്ചുപോണപോലെ പോയി അവിടുള്ളോരു മരത്തിൽ പോയി അവനിടിച്ചു….
അവന്റെ ബോധം മറഞ്ഞിരുന്നു…

ദേവു അടുത്തതായി പോയത് അവരുടെ ബൈക്കുകളുടെ അടുക്കലേക്ക് ആയിരുന്നു….

അവൾ ഇരു കാരവും വണ്ടിയുടെ ഓരോ ടയറിൽ വച്ചിട്ട് ചെടി പിഴിതെറിയുന്ന പോലെ ആ ബൈക്കുകൾ ദൂരേക്ക് നീട്ടി എറിഞ്ഞു….

അവ ദൂരേക്ക് പറന്നു ചെന്ന് വീണു…..

ഇപ്പോൾ എല്ലാം ശാന്തമായി….
പ്രശ്നമായി നിന്ന ആളോ തടസ്സമായി നിന്ന ബൈക്കോ അവിടെ ഇല്ലായിരുന്നു……

പെട്ടെന്ന് ലിസ ദേവുവിന്റെ ദേഹത്ത് നിന്ന് പുറത്തേക്ക് വന്നു…..

】●●●●●●●●●●★●●●●●●●●●【

പെട്ടെന്ന് ബോധം മറഞ്ഞപ്പോ എന്താ ഉണ്ടായതെന്ന് എനിക്കൊരു പിടിയുമില്ല…..

ബോധം വന്ന സമയം ശരീരമൊക്കെ ഒരു വല്ലാത്ത ഊർജ്ജം ആയിരുന്നു……
ഞാൻ ചുറ്റുമൊന്ന് നോക്കി…..

എന്നെ തല്ലാൻ വന്നവൻ ദേ കിടക്കുന്നു ചത്ത പാമ്പിനെ പോലെ…. ബാക്കി മൂന്നിനെയും കാണാനില്ല….