?️സഹചാരി?️

2

Author: ?️Demon King DK

Editor: ?rahul PV 

 Previous Part

പെട്ടെന്ന് പുറത്തുനിന്ന് ഒരു കൂട്ടം വർണ്ണാഭമായ ചിത്ര ശലഭങ്ങൾ പറന്നു വന്നു…. അതെന്റെ ചുറ്റും വട്ടമിട്ടു പറക്കുവാൻ തുടങ്ങി….

നടന്നുകൊണ്ടിരിക്കുന്ന സംഭവങ്ങൾ ഞാൻ ജീവിതത്തിൽ ആദ്യമായി കാണുന്നവയാണ്….

ഭയമില്ലെങ്കിലും അതിയായ നെഞ്ചിടിപ്പുണ്ട്….
ആ ചിത്രശലഭ കൂട്ടം വട്ടമിട്ട് പറന്ന് ഒന്നായി ചേർന്നു….

അതൊരു മനുഷ്യന്റെ രൂപത്തിൽ ഉയർന്ന് വന്നു….
അവസാനം അതൊരു പെൺകുട്ടിയായി മാറി….

ഒരു വെള്ള ബനിയനും നീല ജീൻസും ഇട്ട് മാലാഖയെ പോലെ തേജസ്സുള്ള ഒരു കുട്ടി…

അവളുടെ ചിരിയുടെ സൗന്ദര്യം തന്നെ വർണിക്കാൻ പറ്റാത്ത അത്ര മനോഹരമായിരുന്നു…..

നീല കണ്ണുകൾ…. ദേഹം നിലാവ് പോലെ തിളങ്ങുന്നു…

ഉള്ളിൽ ഭയത്തിന്റെ ഇരട്ടി വാത്സല്യമാണ് എനിക്കാ കുട്ടിയെ കാണുമ്പോൾ തോന്നുന്നത്….

,,,,,,, ചേച്ചി………..

ഒരു നിറഞ്ഞ പുഞ്ചിരിയോടെ അവളെന്നെ വിളിച്ചു….
സത്യത്തിൽ എന്റെ കണ്ണ് നിറഞ്ഞുപോയി….
എനിക്കീ ലോകത്ത് ആരൊക്കെയോ ഉണ്ട്….

ഞാൻ പതിയെ അവളെ തൊടുവനായി കൈ ഉയർത്തി…. അവൾ അനങ്ങാതെ നിൽക്കുകയും ചെയ്തു….

എന്റെ കൈ അവളുടെ കവിളിൽ സ്പർശിച്ചപ്പോ ആ കൊച്ചു സുന്ദരി കണ്ണുകളടച്ച് മനോഹരമായി കുണുങ്ങി ചിരിച്ചു…

നല്ല തണുപ്പാണ് അവൾക്ക്…..
കൂടാതെ മറ്റെന്തോ ഒരു ഫീലും….

ഞാനവൾക്ക് മുന്നിൽ മുട്ട് കുത്തി നിന്നു…..
എന്നിട്ട് ആ രൂപത്തെ കണ്ണെടുക്കാതെ നോക്കി…

,,,,,, ചേച്ചി…….

അവൾ വിളിച്ചു…

,,,,,ഹമ്മ്…….

,,,,,, ഇപ്പൊ വിശ്വാസം ആയോ….