?️സഹചാരി?️2【Ɒ?ᙢ⚈Ƞ Ҡ???‐??】 1737

ഞാൻ വേഗം മുഖം തിരിച്ചു….
ഉള്ളിൽ വല്ലാത്ത സങ്കടമാണ് തോന്നുന്നത്…
അയാൾ പ്രവർത്തികളിലൂടെ എന്നെ ക്ഷണിക്കുകയാണ് അയാൾക്കൊപ്പം കിടക്ക പങ്കിടാൻ….

ബസ് സ്റ്റാൻഡിലും റെയിൽവേ സ്റ്റേഷനിലും ഒക്കെ ശരീരം വിൽക്കാൻ നടക്കുന്ന പെണ്ണുങ്ങളോട് ചിലർ ഇങ്ങനെയൊക്കെ കാണിക്കുന്നത് ഞാൻ ശ്രദ്ധിച്ചിട്ടുണ്ട്….

പക്ഷെ എന്നോട്…..

ചിലർ കാശ് എറിഞ്ഞു കളിച്ചപ്പോ ഞാനൊരു വേശ്യ ആയോ….
മനസ്സ് കൊണ്ട് ഞാനിപ്പോഴും പരിശുദ്ധയാണ്…..
പക്ഷെ ശരീരം അഴുക്കാണ്….
ഒരിക്കലും ഞാൻ സ്വയം വാരിത്തേച്ച അഴുക്കല്ല അത്…

ചിലർ ബലമായി തേപ്പിച്ചതാണ് അത്….
ഇപ്പൊ കാണുന്നവരിൽ ഞാൻ മോശക്കാരി കൂടെയാണ്….

ഇത്‌ എന്തൊരു വിധിയാണ് എന്റെ ഈശ്വരാ….
ആ ദുഷ്ട്ടന്മാർക്ക് അന്ന് എന്നെക്കൂടെ കൊല്ലായിരുന്നില്ലേ…..

‘””” ,,,,, ആ………. ,,,,, ‘””

പെട്ടെന്ന് ഒരു അലർച്ച കേട്ടാണ് ഞാൻ ഞെട്ടി തിരിഞ്ഞു നോക്കിയത്…

അപ്പൊ ദേ കലി തുള്ളി നിൽക്കുന്ന ലിസയും തലയിൽ ചായ ഒഴിച്ചു നിൽക്കുന്ന ആ അമ്മാവനും….

എനിക്ക് കാര്യം കത്തി….
അയാൾ കുടിച്ച ചായ ലിസ അയാളുടെ കൈകൊണ്ട് തന്നെ തലയിൽ ഒഴുപ്പിച്ചിരിക്കുന്നു….

ഒന്ന് പൊട്ടിച്ചിരിക്കാൻ മനസ്സ് വെമ്പി…
എന്നാലും പിടിച്ചു നിന്നു…

,,,,, എന്താടോ ഈ കാണിച്ചേ….

ആ അമ്മാവന്റെ അടുത്തിരുന്ന ആൾ ചോദിച്ചു….

,,,,,, എനിക്കറിയില്ല….

ചൂട് ചായ തലയിൽ വീണ അങ്കലാപ്പിൽ കിതച്ചുകൊണ്ട്‌ അയാൾ പറഞ്ഞു….

,,,, പിന്നെ അറിയാതെ…. താൻ തന്നെ അല്ലെ ഈ ചായ സ്വയം തലയിൽ ഒഴിച്ചത്…..
ഇനി വട്ട് വല്ലോം ഇളകിയോ….. ‘””

അവർ അതിനെപ്പറ്റിയുള്ള സംസാരം തുടങ്ങി….

ഞാൻ വേഗം സാധനങ്ങൾ വാങ്ങിച്ച് ….
കാശ് നീട്ടിയപ്പോ ആ കടക്കാരൻ ഒരു വശ്യമായ ചിരി ചിരിച്ചു….
എനിക്ക് ശരിക്കും അത് കണ്ടപ്പോ ദേഷ്യമാണ് വന്നത്….

,,,,,,, ഇതിന്റെ ഒന്നും ആവശ്യമില്ല മോളെ…..

അയാൾ പറഞ്ഞു….

,,,,,, അതെന്താ…. താനെന്റെ തന്തയാണോ…..
മേടിച്ചിട്ട് പോ കിളവാ…….'””

ഞാൻ ദേഷ്യത്തോടെ പറഞ്ഞിട്ട് കയ്യിലെ കാശ് അയാളുടെ മുഖത്തേക്ക് വലിച്ചെറിഞ്ഞു….

അവടെ ഉണ്ടായിരുന്ന എല്ലാത്തിന്റെയും ശ്രദ്ധ ഇങ്ങോട്ട് തിരിഞ്ഞു…

ആ കടക്കാരൻ മാത്രം ഇളിഭ്യനായി അവർക്ക് മുന്നിൽ നിന്നു….

ഞാൻ പിന്നെ കൊടുത്തതിന്റെ ബാക്കിയൊന്നും വാങ്ങാൻ നിന്നില്ല…. നേരെ വണ്ടിയിൽ കേറി സ്ഥലം കാലിയാക്കി….

കൂടെ ലിസയും…
അല്ലേലും ഇനി എന്റെ പട്ടി പേടിക്കും….
എനിക്കൊപ്പം ഈ പെണ്ണ് ഉണ്ടല്ലോ…. പിന്നെന്താ….

ലിസ എന്നെ പിന്നിൽ നിന്നും കെട്ടിപിടിച്ചു….
ഞാൻ എന്റെ വയറിൽ ചുറ്റിയ അവളുടെ കൈ എടുത്ത് അതിലൊരു മുത്തം നൽകി…..

,,,,,, ചേച്ചി….. ആ അവസാന ഡയലോഗ് പൊളിച്ചുട്ടോ….

അവൾ എന്റെ ചെവിയിൽ മൊഴിഞ്ഞു…

,,,,, ആണോ……

,,,, ആഹ്……

,,,,, എനിക്ക് ദേഷ്യം വന്നു മോളെ….
അതാ….. ഈ കെളവന്മാർക്കൊക്കെ എന്തിന്റെ അസുഖമാ….. ഒന്നൂല്ലേലും അവരുടെ മോളുടെ പ്രായം ഇല്ലേ എനിക്ക്……
ഇങ്ങനെ എന്നെ ദ്രോഹിക്കാൻ ഞാനെന്ത് തെറ്റ ഇവരൊടൊക്കെ ചെയ്തേ…..
ഈ ജനങ്ങളെയും നിയമത്തെയും വിശ്വസിച്ചതോ….'””

ഞാനത് പറയുമ്പോൾ എന്റെ വാക്കുകൾ മുറിഞ്ഞിരുന്നു….
ഒരു വല്ലാത്ത വേദന ഇറക്കി വാക്കുന്ന പോലെ….