?MAgic MUshroom 3 ?

Author : MAgic MUshroom

[ Previous Part ]

 

(1,2 part വായിക്കാത്തവർ ഈ സൈറ്റിൽ തന്നെ സേർച്ച്‌ ചെയ്താൽ അത് കിട്ടും …?)

….കൊറച്ചു മിനിറ്റുകൾ കഴിഞ്ഞപപ്പോളേക്കും ആളനക്കമുള്ള റോഡിൽ നിന്നും വണ്ടി ഒരു ഉൾപ്രദേശത്തേക്ക് കയറി….രാത്രി ആയതിനാൽ തന്നെ ചെറിയ രീതിയിൽ തണുപ്പും കോടയും കൂടി വരുന്നുണ്ടായിരുന്നു…

 

വണ്ടി ഓടിക്കുന്നതിനിടയിൽ തന്നെ പോക്കറ്റിൽ നിന്നും ഫോണെടുത്തു ആരുടെയോ നമ്പർ കിച്ചു ഡയൽ ചെയ്തു..നിമിഷങ്ങൾക്കകം മറുവശത്ത് നിന്ന് call എടുത്തു..

 

“ടാ അജിയെ.. ഞാനാ കിച്ചു…

 

“കിഷോറാടാ മലരേ…നീ എന്നാടാ വല്ല താമരയും ആണോ ഇരുപത്തിനാലുമണിക്കൂറും വെള്ളത്തിൽ കെടക്കാൻ..

 

“ഇല്ല… ഞങ്ങൾ അങ്ങോട്ട് വന്നൊണ്ട് ഇരിക്കുവാ.. പെട്ടെന്ന് വരണമെന്ന് അമ്മ വിളിച്ചു പറഞ്ഞെടാ… വീട്ടിൽ ആരൊക്കെയോ ഗസ്റ്റ്‌ വന്നിട്ടുണ്ടെന്ന്..

 

“ഹാ…രാവിലെ നീ എന്തായാലും പോയി ഓഡർ എടുക്കണം… അത് പറയാൻ വിളിച്ചത… Mm.. ശെരി ഒക്കെ..

 

“ഇല്ലെടാ… രണ്ടും കൂടെ അടിച്ചു വീലായി കെടക്കുന്നുണ്ട്… കൊറച്ചു മോര് പൊട്ടിച്ചു കുടിപ്പിക്കട്ടെ..അല്ലാണ്ട് ഈ കോലത്തിൽ വീട്ടിൽ കേറാൻ പറ്റില്ല.. Ok ടാ..

 

പിറകിലിരുന്നു ദേവ ഇതെല്ലാം ശ്രദ്ധിക്കുന്നുണ്ടായിരുന്നു

 

കിച്ചു call cut ചെയ്തു ഫോൺ തിരികെപോക്കറ്റിൽ വക്കാൻ തിരിഞ്ഞതും വളവ് തിരിഞ്ഞു ഒരു ട്രാവലർ വന്നതും ഒരുമിച്ചായിരുന്നു..

 

കണ്ണിലേക്കു തുളച്ചു കയറും വിധം മുഖത്തേക്ക് അടിച്ച പ്രകാശം കാരണം കിച്ചുവിന് ഒന്നും ചെയ്യാൻ സാധിച്ചില്ല…. പെട്ടെന്ന് തന്നെ വെട്ടിച്ചു മാറ്റിയ ട്രാവലർ ജിപ്സിയെ മറികടന്നതും കയ്യിൽ നിന്ന് പാളിപ്പോയ ജിപ്സി റോഡ് സൈഡിലെ പാറക്കൂട്ടത്തിലേക്ക് ഇടിച്ചു കയറി…

 

പാറയിൽ ഇടിച്ച ജിപ്സിയുടെ മുൻ വീലുകൾ നിരങ്ങി സൈഡിലെ വെയിസ്റ്റ്കാനയിലേക്ക് വീണു…

 

കൊറച്ചു നിമിഷത്തേക്ക് കിച്ചുവിന് ഒന്നും മനസിലായില്ല.. ശക്തിയായി തലക്കും പുറത്തിനും എന്തോ കൊണ്ടിടിച്ചത് പോലെ ആണ് അനുഭവപ്പെട്ടത്…. കണ്ണുകളൊക്കെ താനെ അടയുന്നത് പോലെ…

 

പുറകിലിരുന്ന ദേവ നേരത്തെ തന്നെ കണ്ടിരുന്നു മുൻപിലേക്ക് വന്ന വണ്ടിയെ… അതുകൊണ്ട് തന്നെ പിടിച്ചിരുന്നത് കൊണ്ട് കാര്യമായി ഒന്നും സംഭവിച്ചില്ല.. “എന്താപ്പോ ഒണ്ടായേ… എന്നാ ഭാവത്തിൽ ചുറ്റിനും നോക്കുന്ന കിച്ചുവും വണ്ടിയുടെ ബോണറ്റിൽ നിന്ന് ഉയരുന്ന വെള്ള പുകയും….അത് മാത്രമാണ് അവൾ കാണുന്നത്