?എ ഫീൽ ഗുഡ് സ്റ്റോറി? [Fallen Angel] 176

അവൾ പറയുന്നതൊക്കെ അവന് ചെറു വിഷമം തോന്നാതെ ഇരുന്നില്ല അവൾ പറയുന്നതൊക്കെ ശെരിയാണ് ഇതിന് മുന്നേയും പല ഇന്റർവ്യൂ അറ്റൻഡ് ചെയ്തെങ്കിലും ഒന്നിനും സെലക്ട്‌ ആയില്ല…

“എന്താ ഒന്നും മിണ്ടാതെ…”

“ഞാൻ എന്ത് പറയാനാ നീ എനിക്ക് കുറച്ച് കൂടെ സമയം താ ഈ ഇന്റർവ്യൂ എനിക്ക് കിട്ടും എനിക്കുറപ്പാണ് ”

“സീ ആൽബി എന്റെ പപ്പയെ നിനക്ക് അറിയാലോ എന്നെ വല്ല ഡോക്ടറെ കൊണ്ടോ എഞ്ചിനീയറെ കൊണ്ടോ കെട്ടിക്കാൻ ആണ് പപ്പാ ആഗ്രഹിക്കുന്നത് നിനക്ക് നല്ല ജോലി കിട്ടാതെ എനിക്ക് നിന്റെ കാര്യം വീട്ടിൽ അവതരിപ്പിക്കാൻ പറ്റില്ല ”

“എനിക്കറിയാം ആൻസി….. കുറച്ചു ടൈം എനിക്ക് താ പെണ്ണേ…”

“സോറി ആൽബി…. ഒരു ഓസ്ട്രേലിയക്കാരന്റെ ആലോചന വന്നിട്ടുണ്ട്… നല്ല സാമ്പത്തികം ഉള്ള കുടുംബമാണ് ചെറുക്കന് രണ്ട് ലക്ഷമാണ് ശമ്പളം…. പപ്പാ ഇതുമായി മുന്നോട്ട് പോകാനാണ് ആഗ്രഹിക്കുന്നത്…. ”

അവളത് പറഞ്ഞപ്പോൾ എന്റെ ഹൃദയം അവന് പോവുന്ന അവസ്ഥയായിരുന്നു…. കുറച്ച് സമയത്തേക്ക് എനിക്ക് ചുറ്റുമുള്ളതൊന്നും അവന് കേൾക്കാൻ പറ്റാതായി…. കണ്ണ് അറിയാതെ നിറഞ്ഞു… തന്റെ മുഖത്തെ തലോടി പോകുന്ന മിഴിനീരിന് ചുട്ട് പൊള്ളുന്ന ചൂട് അവനനുഭവപ്പെട്ടു….

“നീ…. നീ….അ…അതിന് സമ്മതിച്ചോ ”

അവനത് പറഞ്ഞ് തീർക്കാൻ ഒരുപാട് കഷ്ടപ്പെട്ടു… വാക്കുകൾ പലപ്പോഴും മുറിഞ്ഞ് പോവുന്നുണ്ടായിരുന്നു…

“ഞാൻ എന്തിന് സമ്മതിക്കാതെ ഇരിക്കണം നിന്റെ കാര്യത്തിൽ ഇപ്പോഴും നിനക്ക് തന്നെ ഉറപ്പില്ല പിന്നെ ഞാൻ ആയിട്ട് നല്ല ഒരു ഓഫർ വേണ്ടാന്ന് വെക്കണ്ടാലോ….”

“ആൻസി നിനക്കെന്റെ പ്രശ്നങ്ങൾ അറിയുന്നതല്ലേ ”

“പിന്നെ വേറെ ആർക്കും ഈ ലോകത്ത് പ്രശ്നങ്ങളില്ല നിനക്ക് മാത്രമേ ഉള്ളു…”

അവളൊരു പുച്ഛത്തോടെയാണ് അത് പറഞ്ഞത്… അവൻ മനസിലാക്കുകയായിരുന്നു ഇത് തന്റെ പഴയെ ആൻസി അല്ല എന്ന് അവളൊരിക്കലും ഇങ്ങനെ സംസാരിക്കില്ല… അവളാകെ മാറിപ്പോയി… അവൾ പറയുന്ന ഓരോ വാക്കുകളും അവനെ ഒരുപാട് ഉള്ളിൽ വേദനിപ്പിച്ചുകൊണ്ടിരുന്നു…..

“നമ്മുക്ക് ഈ റിലേഷൻഷിപ്പ് നിർത്താം ആൽബിൻ…”

“ആൻസി ഞാൻ…”

“വേണ്ട എനിക്കൊന്നും കേൾക്കണ്ട… പ്ലീസ്”

ഇനിയും അവിടെ ഇരിക്കുന്നതിൽ അർത്ഥം ഇല്ലെന്ന് അവൻ തോന്നി അവൻ പതിയേ എഴുനേറ്റു

“അപ്പൊ ഞാൻ ഇവിടെ നിന്ന് ഇറങ്ങിയാൽ നമ്മൾ രണ്ടുപേരും രണ്ട് ദിശയിലേക്ക് സഞ്ചരിക്കുന്നവരാകുമല്ലേ…”

അവൾ മനസിലാകാതെ അവന്റെ മുഖത്തേക്ക് നോക്കി ഇരുന്നു പെട്ടന്ന് അവൻ വലത് കൈ മുന്നിലേക്ക് നീട്ടി കൈ കൊടുക്കാനായി അവൾ അത് സ്വീകരിച്ചു…

“താങ്ക്സ് ഫോർ എവിറിതിങ്…”

ഉള്ള് നോവുകൊണ്ട് നീറുമ്പോഴും ചിരിച്ച് കൊണ്ടാണ് അവനത് പറഞ്ഞത് അവൾ അത് ഒട്ടും പ്രദീക്ഷിച്ചിട്ടില്ല എന്നത് അവളുടെ മുഖത്തെ ഭാവം കണ്ടപ്പോഴേ അവന് മനസിലായി….

“ഞാനും ഇറങ്ങാൻ നിക്കാണ് ”

“എന്നാ വാ ”

അവർ രണ്ടുപേരും അവിടെ നിന്നിറങ്ങി