❤️✨️ ശാലിനിസിദ്ധാർത്ഥം 9 ✨️❤️ [??????? ????????] 287

തമ്പുരാൻ: ” എനിക്കും ഉമയ്ക്കും സന്താനമായിട്ട് സുഭദ്ര മാത്രമേയുള്ളു…

എന്തൊക്കെ പറഞ്ഞാലും എനിക്ക് നീ ശിഷ്യൻ മാത്രമല്ല ഉണ്ണീ… നീയെന്റെ മകളുടെ ഭാവിഭർത്താവും എന്റെ മരുമകനും കൂടെയാണെന്നുമുള്ള കാര്യം മറക്കരുത്.

ഭദ്രയുടെ അമ്മ, ശ്രീലക്ഷ്മി മരിക്കുമ്പോൾ അവൾക്ക് അഞ്ച് വയസ്സ് മാത്രമായിരുന്നു പ്രായം. പിനീട് അവളെ വളർത്തിയത് അവളുടെ അച്ഛൻ ഹരിനാരായണനും, ഞങ്ങളും കൂടെയായിരുന്നു…”

അർജുൻ : “അറിയാം ഗുരുജി. പക്ഷേ നാണുവദ്ദേഹത്തിനു അന്ന് എന്താണ് സംഭവിച്ചത്…??? അദ്ദേഹത്തിന്റെ വേർപാട് എനിക്കിപ്പോഴും സഹിക്കാനാവുന്നില്ല…” അത് പറയുമ്പോൾ അർജുന് നെഞ്ച് വിങ്ങുന്നത് പോലെ തോന്നി..

“മോനേ ഉ… ഉണ്ണീ…അ…അർജുനാ” തമ്പുരാനോട് സംസാരിച്ചു കൊണ്ടിരിക്കെയാണ് അർജുൻ, ഒരു വിക്കലുള്ള സ്ത്രീ സ്വരം കേട്ട് തിരിഞ്ഞു നോക്കിയത്..

“പാറുവമ്മേ…” തിരിഞ്ഞു നോക്കിയ അർജുൻ കണ്ടത് തന്റെയടുത്തേക്ക് ഓടി വരുന്ന ഒരു സ്ത്രീയെയാണ് കണ്ടത്. അവരുടെ കൂടെ സുഭദ്രയുമുണ്ടായിരുന്നു.

അവർക്ക് 50-55 വയസ്സ് തോന്നിച്ചിരുന്നു. അവരുടെ തലമുടിയിൽ അങ്ങിങ് ചെറുനരകൾ തെളിഞ്ഞു കാണാമായിരുന്നു. ഒരു സാദാ കോട്ടൺ സാരിയായിരുന്നു അവരുടെ വേഷം.

“മോനേ കു കുട്ടാ.. പാറുവമ്മയുടെ അടുത്തേക്ക് വാടാ…”

അവർ അവന്റെയടുത്തെത്തേക്ക് ഓടിയെത്തിയിട്ട് അവനെ കൈനീട്ടി വിളിച്ചു. അർജുൻ നിറഞ്ഞ പുഞ്ചിരിയോടെ അവരെ സമീപിച്ചിട്ട് വാത്സല്യത്തോടെ പുണർന്നു…

“എ.. എന്തിനാ എന്റെ പൊന്നുമോനേ നീ, അമ്മയെ തനിച്ചാക്കിയിട്ട് പോയത്…” അവരോരു ഗദ്ഗദത്തോടെ വിക്കിക്കൊണ്ട്, വിങ്ങികരഞ്ഞു കൊണ്ട് അർജുനോട് ചോദിച്ചു.

ഞാനെല്ലാം പറയാം പാറുവമ്മേ. ഞാനും എത്ര നാളായി എന്റെ അമ്മയെ കണ്ടിട്ട്.. ആദ്യം എനിക്കൊന്നു ഫ്രഷ് ആവണം.. കുറേ നേരത്തെ യാത്രയ്ക്ക് ശേഷമാണ് ഇങ്ങോട്ട് വന്നത്… ഞാനെന്തായാലും ഇന്നും നാളെയും അമ്മയുടെ കൂടെയുണ്ടാകും… പോരെ.