❤️✨️ ശാലിനിസിദ്ധാർത്ഥം 9 ✨️❤️ [??????? ????????] 287

തുളസി തറയിൽ നിന്നു തുടങ്ങി ഉമ്മറപ്പടിയോളം നീണ്ടുകിടക്കുന്ന ചുടുകട്ടവിരിച്ച നടപ്പാത…

അർജുൻ : “മാമേ, ഇത് നമ്മുടെ പഴയ ശ്രീകുമാരപുരത്തെ അതേ വീടാണോ അതോ മറ്റേതെങ്കിലും വീടാണോ ??? എല്ലാം അതു പോലെയുണ്ടല്ലോ…”

കേശവൻ : “അതേ ഉണ്ണീ…. നീ വലിയ തമ്പുരാന്റെ തറവാട്ടിലേക്ക് വന്നിട്ടില്ലേ…???”

അർജുൻ : ഇല്ലല്ലോ… ഞാനിപ്പോഴാണ് ഇവിടേക്ക് വരുന്നത്.

“ആരാ കേശവേട്ടാ അത്…” അപ്പോഴാണ് അവരുടെ അടുത്തേക്ക് 30-35 വയസ്സുള്ള യുവാവ് തങ്ങളുടെ അടുത്തേക്ക് വരുന്നത് അർജുൻ കണ്ടത്.

“ദാ ഉണ്ണീ, ഇതാണ് രാമനാഥൻ, നമ്മൾ പണ്ട് ശ്രീകുമാരപുരത്തായിരുന്നപ്പോൾ അവിടെത്തെ തറവാടിന്റെ കാര്യസ്ഥനായിരുന്ന സേതുരാമന്റെ അനിയനാണ് ഇവൻ.” കേശവൻ അയാളെ അർജുന് പരിചയപ്പെടുത്തികൊടുത്തു.

“ആരാ കേശവേട്ടാ ഈ പയ്യൻ…” അടുത്തെത്തിയ പാടെ രാമനാഥൻ ചോദിച്ചു.

“രാമാ, ഇവനാണ് നമ്മുടെ വലിയ തമ്പുരാൻ പറയാറുള്ള അർജുനൻ. സകലകലാവല്ലഭനായ അർജുനൻ.” കേശവൻ രാമനാഥന് അർജുനെ പരിചയപ്പെടുത്തിക്കൊടുത്തു.

“ഹലോ കണ്ടതിൽ നമസ്കാരം…” രാമൻ അവനെ നോക്കിയൊന്നു തൊഴുതു… അർജുൻ തിരിച്ചും.

അർജുൻ : “നമസ്കാരം രാമനാഥൻ ചേട്ടാ… തമ്പുരാനദ്ദേഹം എവിടെയാണ് ??? എനിക്കൊന്നു കാണുവാൻ സാധിക്കുമോ ???”

“പിന്നെന്താ… പക്ഷേ അദ്ദേഹമിപ്പോൾ കളരിപുരയിലാണ്. ഞാനദ്ദേഹത്തെ വിവരമറിയിക്കാം. ദയവായി കാത്തുനിൽക്കുക.. ” രാമനാഥൻ നേരെ കളരിപുരയിലേക്ക് പോയതും, അർജുൻ അവിടേക്കു നോക്കി. ആ നീളമുള്ള ഒറ്റനില കെട്ടിടത്തിൽ നിന്ന് ഏതാനും ഗുരുക്കളുടെ വായ്‌താരി അവന് കേൾക്കാമായിരുന്നു.

ഉടനെതന്നെ അവിടെനിന്നും രാമനാഥനോടൊപ്പം, ഒരു 60-65 വയസ്സ് തോനിക്കുന്ന ഒരു വൃദ്ധൻ അവിടേക്ക് കടന്നു വന്നു. കസവ് മുണ്ടും, മേൽ ദേഹത്തിൽ വേഷ്ടിയുമായിരുന്നു അദ്ദേഹത്തിന്റെ വേഷം. കഴുത്തിൽ സ്വർണം കെട്ടിയ രുദ്രാക്ഷമാല… നെറ്റിയിലും കണ്ഠത്തിലും ഭസ്മചന്ദനാദികൾ അണിഞ്ഞിട്ടുണ്ട്. നല്ല ഉയരവും, അതിനൊത്ത് ശരീരവും അദ്ദേഹത്തിനുണ്ടായിരുന്നു.