❤️✨️ ശാലിനിസിദ്ധാർത്ഥം 9 ✨️❤️ [??????? ????????] 287

ശ്യാം : “ഓ ഒന്നുമില്ല ഞാൻ ചുമ്മാ ചോദിച്ചതാണേ.. സോറി. അല്ല നീയെന്താ സിദ്ധാർഥിനെയും കൂടെ കൂട്ടിയത്…??? പതുക്കെ വന്നാൽ മതിയായിരുന്നല്ലോ…”

അവൻ സിദ്ധാർഥിന്റെ മുഖത്തേക്ക് നോക്കിക്കൊണ്ട് അവളോടായി ചോദിച്ചു.

സിദ്ധാർഥ് : “എന്നാത്തിനാണോ എന്തോ…??? ഈ ചേച്ചി എന്നെ നേരെത്തെ വിളിച്ചോണ്ട് വന്നത് എന്തിനാണെന്ന് എനിക്ക് പോലും അറിയില്ല ശ്യാമേട്ടാ… അല്ല ശ്യാമേട്ടാ, ശാലിനി എവിടെ ???”

ശാലിനിയെ കുറിച്ച് കേട്ടത് കൊണ്ടാകണം ശ്യാം അവനെ അത്ഭുതത്തോടെ നോക്കി.

സിതാരയാകട്ടെ സിദ്ധാർഥിന് നേരെ ദേഷ്യത്തിൽ നോക്കി.

ശ്യാം :” എടാ അവൾക്ക് എന്തോ സ്റ്റേഷനറി ഐറ്റംസ് വാങ്ങണമെന്ന് അതിന് കുറച്ചു പിള്ളേരുടെ കൂടെ പോയിരിക്കയാണ്‌.

സിതാര : “എടാ ശ്യാമേ അവന്മാർ ഇന്ന് മുതൽ ഇവിടെയുണ്ടാകുമെന്നാണല്ലോ പറയുന്നത്. കൂട്ടത്തിൽ ആ കാലമാടൻ ഗുണനായക് മനോഹറും കാണും. കഴിഞ്ഞ വെള്ളിയാഴ്ച ഉണ്ടായത് എന്താണെന്നു നിങ്ങളോട് ഞാൻ പ്രേതെകിച്ചു പറയേണ്ട ആവശ്യമില്ലല്ലോ…”

“അത് ശെരിയാണല്ലോ… എടാ സിദ്ധാർഥ്, വെള്ളിയാഴ്ച നിന്നോട് ഞാനൊരു കാര്യം പറഞ്ഞതോർമയില്ലേ…

ആൽബിയെക്കുറിച്ചും, രണ്ടു വർഷങ്ങൾക്ക് മുൻപ് ഇവിടെയുണ്ടായ സംഭവങ്ങളെ കുറിച്ചുമൊക്കെ ഞാൻ പറഞ്ഞു തന്നായിരുന്നല്ലോ…”

സിദ്ധാർഥ് : “ആ ഓർമയുണ്ട്… ശ്യാമേട്ടാ അപ്പൊ അവന്മാരെ പേടിച്ചിട്ടാണല്ലേ ചേച്ചി എന്നെയിങ്ങു നേരെത്തെ കോളേജിൽ കൊണ്ട് വന്നത്… ഇങ്ങനെയൊന്നും പേടിക്കല്ലേ ചേച്ചി.” അവൻ തന്റെ ചേച്ചിയെ പുച്ഛിച്ചൊന്നു ചിരിച്ചു.

“ഏഹ്.. ഡാ നാറി നീയെന്തിനാടാ ഇവനോട് അതൊക്കെ പറഞ്ഞത്… നീയിവനെ കൊലയ്ക്ക് കൊടുക്കുമോടാ ” സിതാര, അത് കേട്ടതും ദേഷ്യത്തിൽ പാഞ്ഞു ചെന്ന് ശ്യാമിന്റെ ഷർട്ടിനു കുത്തിപിടിച്ചു കൊണ്ട് ചോദിച്ചു.