❤️ദേവൻ ❤️part 5 [Ijasahammed] 206

ഒരു ദിവസം അമ്മമ്മക്ക് സുഖം ഇല്ലാന്ന് പറഞ്ഞു വിളിവന്നു..
അമ്മ അമ്മാവനേം കൂട്ടി

ഹോസ്പിറ്റലിലേക്ക് പോയി ..

അച്ഛന്റെ മരണശേഷം ആണ്
അവരെയൊക്കെഞാൻ കാണുന്നത് തന്നെ ..

പ്രേമവിവാഹം ആയിരുന്നു അച്ഛനും അമ്മേം..

വീട്ടുകാരൊന്നും സമ്മതിച്ചില്ലാ..

ഈ പറയണ അമ്മമ്മ പോലും..

ഇറങ്ങി പോന്നതാ അച്ഛന്റെ കൂടെ…

അമ്മമ്മ കൂടെ പോയാൽ ഇനി ആ വീടുമായി ഒരുബന്ധവും ഇല്ലെന്ന് അമ്മ പറയുവായിരുന്നു…

അന്ന് ആ വൈകുന്നേരം അച്ചു എന്നെ കൂട്ടാൻ വന്നു വീട്ടിലേക്ക്..

നേരം സന്ധ്യയായിരുന്നു..

അമ്മക്ക് വിളിച്ചുപറഞ്ഞു ഞാൻ അച്ചുവിനോടൊപ്പം

വീട്ടിലേക്ക് പോന്നു..

ഏട്ടനുണ്ടായിരുന്നു

ഉമ്മറപടിയിൽ തന്നെ..

മൂന്നുനാല് ദിവസമായി എന്നെ കുറിച്ചൊരു ബോധവും ഇല്ലാതെ നടന്നിരുന്ന ഏട്ടനെ

ഞാൻ അല്പം മുഖം കന പ്പിച്ചു നോക്കി
അകത്തേക്ക് കടന്നു..

“ഇരിക്ക് ഞാനിപ്പോ വരാം.. ”

എന്നെ സൽക്കരിക്കാൻ വേണ്ടി അച്ചു അകത്തുപോയ നേരം നോക്കി വന്നു നിന്നു ന്റെ മുന്നിൽ

“ന്താടി.. നെന്റെ മുഖത്തിനൊരു കനം.. ”

“ന്നുല്യാ.. ”