❣️𝕃𝕀𝔽𝔼 ℙ𝔸ℝ𝕋ℕ𝔼ℝ❣️ 2

Author :ᶜ͢ᴿ͢ᴬ͢ᶻ͢ᵞ A J R | Previous Part

 

“ഇനിയും ഒരുപാട് നടക്കണോ ചേട്ടാ??”

പാവം ഞാൻ പിടിച്ചിട്ടുണ്ടെലും നടക്കാൻ അവൾ നന്നേ ബുദ്ധിമുട്ടുന്നുണ്ട്.

“കുറച്ച് നേരം ഇവിടെ ഇരുന്നോ!”

അടുത്തു കണ്ട കടയുടെ നടയിൽ ഞാനവളെ ഇരുത്തി. നെറ്റിയിലെ മുറിവിൽ നിന്നും ഇപ്പൊ രക്തം വരുന്നില്ല. ചുണ്ടിലും പ്രശ്നമില്ല.

“ലക്ഷ്മി…”

“എന്താ ചേട്ടാ??”

“നീ എങ്ങനാ അവരുടെ കയ്യിൽ അകപെട്ടെ?? അവര് നിന്നെ എവിടുന്നേലും തട്ടിക്കൊണ്ട് വന്നതാണോ??”

“അല്ലേട്ടാ, ഓർമ വച്ച നാള് തൊട്ട് ഞാനാ വേശ്യാലയത്തിൽ ആയിരുന്നു. അമ്മേടെ സ്നേഹം തന്നതും വളർത്തിയും എല്ലാം എന്റെ സീതമ്മയാ. വയസ്സറിയിച്ചപ്പോ തൊട്ട് അവിടെ വരുന്നോർക്കെല്ലാം എന്നെയായിരുന്നു ആവിശ്യം. പക്ഷെ അവരിൽ നിന്നുമൊക്കെ എന്നെ രക്ഷിച്ചത് ന്റെ സീതമ്മയാ. ഒടുക്കം എന്റെ മുന്നിലിട്ടാ ന്റെ സീതമ്മയെ അവര്……”

അത്രേം പറഞ്ഞ ശേഷം അവൾ മുഖം പൊത്തി കരയാൻ തുടങ്ങി.

“ആ നരകത്തിന്ന് ഒരിക്കൽ രക്ഷപ്പെടാൻ ശ്രമിച്ചതാ ഞാൻ. അന്നവരെനിക്ക് തന്ന സമ്മനാ ഈ കാല്! ദൈവം പോലും കൈവിട്ട നിമിഷം. ഓരോ ദിവസം ഓരോരുത്തരെന്നെ പിച്ചി ചിന്തി. എന്റെ ശരീരമൊട്ടാകെ അവര് മുറിവേല്പിച്ചു. അലറി കരയുമ്പോ വായില് അവരുടെ തന്നെ അടിവസ്ത്രം തിരുകി കേറ്റും. ജീവിതം തന്നെ മടുത്തേട്ടാ. ചത്താലോ എന്ന് പോലും വിചാരിച്ചതാ. പക്ഷെ പേടി കാരണം അതും നടന്നില്ല. ദൈവത്തോട് പ്രാർത്ഥിക്കാൻ ഒന്നേ ഉണ്ടായിരുന്നുള്ളൂ എന്നെ ഇവിടുന്ന് രക്ഷിക്കണേന്ന്. എത്രയോ ദിവസം പ്രാർഥിച്ചത് ഇന്നാ ദൈവം കേട്ടതെന്ന് തോന്നുന്നു. എനിക്ക് തന്നെ അറിയില്ല എങ്ങനാ ഞാൻ രക്ഷപ്പെട്ടത് എന്ന്. ദൈവം, ദൈവം എന്ന് കേട്ടിട്ടേ ഉള്ളുവെങ്കിലും ഇന്നാദ്യമായി ഞാൻ നേരി കണ്ടു. ചേട്ടന്റെ രൂപത്തിൽ!”

പറഞ്ഞ് നിർത്തി അവളെന്റെ നേരെ കൈകൾ കൂപ്പിയപ്പോ അവളെ എന്റെ മാറോട് ചേർക്കാനെ എനിക്കായുള്ളൂ.

“ഇനിയും ആ ദുഷ്ട്ടന്മാര് വന്ന് എന്നെയാ നരകത്തിലോട്ട് കൊണ്ട് പോവോ ചേട്ടാ??”

“എനിക്ക് ജിവനുള്ളടത്തോളം കാലം നിന്നെ ഞാനർക്കും വിട്ടുകൊടുക്കില്ല.”

വീണ്ടും കുറെ നേരത്തേക്ക് ഞാനോ അവളോ ഒന്നും മിണ്ടിലാ.