✨️❤️ ശാലിനിസിദ്ധാർത്ഥം 2 ❤️✨️ [??????? ????????] 302

“അയ്യോ ഭവതി പിണങ്ങല്ലേ… ഞാൻ ചോദിക്കില്ല പോരെ.. “

“ ഹ്മ്മ് ശെരി ശെരി… സമ്മതിച്ചു ഞാൻ പിണങ്ങില്ല.. “

“എന്നാ എനിക്കുള്ളത് ഇപ്പോൾ താ…” ശ്യാം നിർബന്ധം പിടിച്ചു.

“അയ്യടാ അങ്ങനെ ഇപ്പോൾ തരാൻ പറ്റില്ല ഒരാഴ്ച കഴിഞ്ഞ് കോളേജ് തുറക്കുമ്പോ തരാം…”

“നാശം ! ഞാനൊന്ന് മൂഡായി വരുവായിരുന്നു അത് നീ കളഞ്ഞു…” ശ്യാം പരിഭവിച്ചു.

 

“അധികം മൂഡാവണ്ട.. കേട്ടോ മോനെ…ആയാൽ ശെരിയാവില്ല… ഹി ഹി”

അതും പറഞ്ഞവൾ പൊട്ടിച്ചിരിച്ചു…

 

“ഹി ഹി ശെരി എന്നാൽ ആവുന്നില്ല…”

ശ്യാമും അവളോടൊപ്പം ചിരിയിൽ പങ്കുചേർന്നു.

അങ്ങനെ അവരിരുവരും അവരുടേതായ ലോകത്ത് മുഴുകി.

അവസാനം….

എടാ ശ്യാമേ എനിക്ക് ഒരു കാര്യമോർത്ത് ഇപ്പോഴും പേടിയുണ്ട് അത് കൊണ്ടാണ് ഞാൻ നിന്നെ വിളിച്ചത്…” അവൾ വീണ്ടും ഗൗരവത്തിലായി.

 

“എന്ത് കാര്യമാണ് താരാ ??? “ ശ്യാം ശ്രദ്ധയോടെ നിന്നു.

 

അയാൾ കോളേജിലേക്ക് വീണ്ടും വരുമോ എന്നാണ് എന്റെ പേടി… വന്നാൽ കോളേജ് വീണ്ടും ഒരു നരകതുല്യമായ സ്ഥലമായി മാറും..

നീ ആരുടെ കാര്യമാണ് പറഞ്ഞു വരുന്നത്… ആര് വരുന്നുവെന്നാ പറയുന്നത് ???”

ശ്യാമിന് സംശയമായി.

“എടാ അങ്ങേര്, ആ ദുഷ്ടൻ ഗൺമാൻ സിംഗ് വന്നാലോ…???

 

“ആര് ??? എന്ത് ! എന്റെ ഈശ്വരാ…. ആ ‘ഗുണനായക് മനോഹർ സിംഗോ’ ???

അവളുടെ മറുപടി കേട്ട് ശ്യാമിന്റെ കൈയും കാലും വിറയ്ക്കാൻ തുടങ്ങി.

 

“അതേടാ … അങ്ങേരുടെ സസ്‌പെൻഷൻ കാലാവധി കഴിഞ്ഞ് കോളേജിലേക്ക് തിരികെ വരുന്നു എന്ന് ഇന്നലെ എന്നോട്, നമ്മുടെ ക്ലാസ്സിലെ ജൊഹാൻ പറഞ്ഞു.

ഇനി അവൻ വെറുതെ, പേടിപ്പിക്കാൻ പറഞ്ഞതാണോ എന്ന് അറിയില്ല…”

 

“എടീ, ജോ അങ്ങനെ വെറുതെ പറയില്ല. അവന് കൃത്യമായ ഇൻഫർമേഷൻ എവിടെന്നോ കിട്ടിയിട്ടുണ്ടാവും. ഞാൻ അവനെ വിളിച്ചു നോക്കട്ടെ. നീ ഫോൺ വെച്ചോ. കാര്യം ശരിയാണോ എന്ന് അറിഞ്ഞിട്ട് വിളിക്കാം.” ശ്യാമിന്റെ ലൈൻ കട്ടായി.

 

“എന്റെ ഭഗവതി.. ഞാൻ കേട്ടത് സത്യമാവല്ലേ…!”

അവൾ ഫോൺ ടേബിളിൽ വെച്ചിട്ട് റൂമിന്റെ ഡോർ തുറന്ന് താഴേക്ക് ഇറങ്ങി പോയി.

 

വീട്ടിലെ മാസ്റ്റർ ബെഡ്‌റൂമിൽ…