✨️നേർമുഖങ്ങൾ✨️(4) [മനോരോഗി 2.0] 127

 

” ഡാ ഒന്ന് താങ്ങോ ”

 

 

” എന്താന്നറീല്ല കിച്ചൂസേ എനിക്ക് ഇച്ചിരിമുൻപ് ഉപകാരം ചെയ്യാൻ തോന്നാണ്ടായി… എന്താണോ എന്തോ ”

 

 

” ഡാ പട്ടീ… ഒന്ന് പിടിയെടാ.. കൈ വേദനിക്കുന്നു ”

 

 

 

” ആ അങ്ങനെ വഴിക്ക് വാ.. ഇപ്രാവശ്യത്തേക്ക് ക്ഷമിച്ചു ”

 

 

 

അതുംപറഞ്ഞ് അവൻ കുറച്ചുകൂടെ താഴേക്ക് ഇറങ്ങിയ അവളെ ഇടുപ്പിൽ പിടിച്ച് താഴ്ത്തിക്കൊണ്ട് വന്നു…

 

 

 

നിലത്തെത്തിയിട്ടും അവനവളുടെ ഇടുപ്പിൽ നിന്ന് കയ്യെടുത്തില്ല.. അവളൊട്ട് എടുപ്പിച്ചുമില്ല…

 

രാത്രിയുടെ തണുപ്പും ഇരുട്ടിന്റെ വശ്യതയും നേരിയ നിലാവെളിച്ചം സമ്മാനിച്ച തിളക്കവും അവന്റെയുള്ളിൽ ഒരു തിരയിളക്കത്തിന് തുടക്കം കുറിച്ചു..

 

 

അതിന്റെ പരിണിതഫലമെന്നോണം അവന്റെ മുഖം പതിയെ അവളുടേതിനടുത്തേക്ക് നീങ്ങി…

 

ആ നിശബ്ദതയിലും അവരുടെ ഹൃദയതാളം തുടി കണക്കെ മിടിച്ച് കൊണ്ടിരുന്നു…

 

 

 

ഒരു നൂലിഴ വ്യത്യാസത്തിൽ ചുണ്ടുകൾ തമ്മിലടുത്തതും മതിലിനപ്പുറത്തൊരു പട്ടി കുരച്ചതും ഇരുവരും നന്നായിട്ടൊന്ന് ഞെട്ടി…

 

ആ ഞെട്ടലിലും പരസ്പരം മുഖത്തെ നാണം മറച്ചുകൊണ്ട് അവർ പതിയെ പുറത്തേക്ക് നടന്നു…

 

 

 

” എവിടെയാടാ വണ്ടി വെച്ചേക്കുന്നേ ”

 

 

” അപ്പറമുള്ള ആ പറമ്പില്… കുറ്റിക്കാട്ടിൽ വെച്ചോണ്ട് ആരും കാണൂല്ല ”

 

 

” ആ.. എന്നാ ഇവിടുന്ന് എടുക്കണ്ട.. കുറച്ച് ദൂരം ഉരുട്ടിക്കൊണ്ട് പോവാം.. വല്ലവനും എണീറ്റാ തീർന്ന് ”

 

 

” ഇങ്ങനെ പേടിക്കല്ലേ… വല്ലവനും കണ്ടാലിപ്പൊ എന്നാ.. ഒരു കോപ്പുമില്ല ”

 

 

” മ്മ് ഒരു കോപ്പുമില്ല.. നീ നട ”

 

 

 

 

അവിടുന്ന് കുറച്ച്ദൂരം ബൈക്ക് ഉരുട്ടിയ ശേഷമാണ് സ്റ്റാർട്ട്‌ ചെയ്ത് ഓടിച്ചത്…

 

 

 

തണുത്ത കാറ്റത്ത് പാറിപ്പറക്കുന്ന മുടിയിഴകളും അത് മാടിയൊതുക്കുന്ന തന്റെ പെണ്ണിനെയും അവൻ മിററിലൂടെ നോക്കി…

 

 

” കിച്ചൂസേ ”

 

 

” മ്മ് ”

 

 

” എങ്ങോട്ടാ പോവണ്ടേ ”

 

 

” ഇങ്ങനെ എങ്ങോട്ടും പോട്ടെ.. നല്ല രസോണ്ട് ”