⚔️ദേവാസുരൻ⚒️s2 ep3 [demon king dk] 2631

ഇന്ദു ചോദിച്ചു…..
‘” ഏയ്…… അവനല്ല……
സത്യം പറഞ്ഞാൽ ഞങ്ങൾക്ക് ഇതൊന്നും കുറേ ആയി അറിയില്ലായിരുന്നു…..
അന്ന് ഇന്ദ്രൻ ഇവടെ വന്നത് പോലും നിങ്ങൾ അവിടെ ഫോട്ടോയിൽ കണ്ട എന്റെ മോളുടെ മരണ വാർത്ത അറിഞ്ഞുകൊണ്ടാണ്…..'”
ലക്ഷ്മിയമ്മ പറഞ്ഞു നിർത്തി….
‘”” ആ കുട്ടിക്ക് എന്താ പറ്റിയത് അമ്മേ……'”
പാറു ചോദിച്ചു…… അവളുടെ ആ ചോദ്യം അൽപ്പ നേരം ലക്ഷ്‌മിയമ്മയെ മൗനയാക്കി മാറ്റി…..
‘” ഒരു അപകട മരണം ആണ് മോളെ…..'”
ലക്ഷ്മിയമ്മ വിഷമ പൂർവ്വം പറഞ്ഞു….
‘” വിഷമിക്കല്ലേ അമ്മേ…..
എല്ലാം ഈശ്വര നിശ്ചയം ആവും…..'””
പാറു അവരെ സമാധാനിപ്പിക്കാൻ വേണ്ടി പറഞ്ഞു…..
“”” അങ്ങനെ കരുതാനാണ് എനിക്ക് തോന്നുന്നത് മോളെ…..
സത്യം പറഞ്ഞ അവൾ എന്റെ വയറ്റിൽ പിറന്നവൾ അല്ല…… അത് നന്ദുവിന്റെ അനിയത്തി ആണ്……'””
ലക്ഷ്മിയമ്മ പറഞ്ഞത് കേട്ടതും പാറു ഇരുന്നിടത്ത് നിന്നും ഞെട്ടി എഴുന്നേറ്റു…..
‘”” അമ്മേ……
അ….അതാണോ കുഞ്ഞി…….'”
നിറ കണ്ണുകളാൽ പാറു ചോദിച്ചു….
‘” ഇന്ദ്രൻ പറഞ്ഞു കാണും….. ല്ലേ……
അത് തന്നെയാണ് കുഞ്ഞി…..
ഞങ്ങളുടെ ദേവിക…. എന്റെ രുദ്രന്റെ ദേവൂ….
പാവം ആയിരുന്നു….. എന്റെ മരുമകളായി കിട്ടും എന്നൊക്കെ ഒരുപാട് കനവ് കണ്ടതാ…. പക്ഷെ എല്ലാം ഒരു രാത്രി കൊണ്ട് ഇല്ലാതെ ആയി…..'””
ലക്ഷ്മിയമ്മ അത് പറഞ്ഞ് തന്റെ സാരി തുമ്പു കൊണ്ട് കണ്ണുകൾ തുടച്ചു……
പാറുവിന്റെയും ഇന്ദുവിന്റെയും അവസ്ഥ മറിച്ചൊന്നും അല്ലായിരുന്നു….
കാരണം കുഞ്ഞി എന്നാൽ ഇന്ദ്രന് ജീവനാണെന്ന് അവർ ഇരുവർക്കും നന്നായറിയാം…..
വാക്കുകൾ കൊണ്ട് മാത്രം പരിചയമുള്ള ആ കുട്ടിയെ ഓർത്തപ്പോൾ അവർക്കും സങ്കടം സഹിക്കുവാൻ സാധിച്ചിരുന്നില്ല…….
‘””,,,,,,എന്റെ രുദ്രന് വേണ്ടി പറഞ്ഞൊറപ്പിച്ച പെണ്ണായിരുന്നു അവൾ…….
പക്ഷെ ദൈവം ആ ഭാഗ്യം ഞങ്ങൾക്ക് തന്നില്ല….
അന്ന് തന്നെയാണ് രുദ്രനും ഒരു അപകടം പറ്റിയത്….. എല്ലാം കൂടെ ആയപ്പോൾ ഞങ്ങളുടെ കുടുംബം ആകെ തളർന്നുപോയി…..
പ്രത്യേകിച്ച് ഇന്ദ്രൻ…..
മോള് പോയ വിഷമത്തിന്റെ കൂടെ അവന്റെ ഒരു കുഞ്ഞനിയത്തി കൂടി ഇല്ലാതെ ആയല്ലോ….
പിന്നേ എന്റെ കുഞ്ഞ് ആരോടും മിണ്ടാൻ കൂട്ടാക്കിയില്ല….. ആ മുറിയിൽ തന്നെ ഒതുങ്ങി കൂടി….
ഇടയ്ക്ക് രുദ്രന്റെ ഒപ്പം മദ്യം കഴിച്ച് അതൊരു ശീലമായി മാറ്റുകയും ചെയ്തു….. അവന്റെ കാര്യത്തിൽ ഞങ്ങൾക്ക് ഒന്നും ചെയ്യുവാൻ സാധിച്ചിരുന്നില്ല…..
കുഞ്ഞി പോയതിന്റെ വിഷമം ആവും എന്നാണ് കരുതിയിരുന്നത്….. എന്നാൽ അതിന്റെ കൂടെ മോള് കാരണം ഉണ്ടായ വിരഹ വേദന കൂടെ ഉണ്ടെന്ന് നന്ദു പറഞ്ഞാണ് അറിഞ്ഞത്…..'””
ലക്ഷ്മിയമ്മ പറഞ്ഞ് നിർത്തി……
‘” അപ്പൊ അമ്മക്ക് എല്ലാം അറിയാമോ….. “”
പാറു ചോദിച്ചു…..
‘” അറിയാ മോളെ……
എല്ലാം അറിയാം……
പിന്നേ രുദ്രനെ നിങ്ങൾ തെറ്റ് ധരിക്കരുത് ട്ടോ…..
അവനിപ്പോ ഇങ്ങനെ ആണ്….
പണ്ടൊക്കെ ഇന്ദ്രനെ കണ്ണെടുത്താൽ കണ്ടൂടായിരുന്നു….. ഇന്നവൻ ഈ വീട്ടിൽ ആരോടെങ്കിലും സംസാരിക്കുന്നുണ്ടേൽ അത് ഇന്ദ്രനോടും നന്ദുവിനോടും ആണ്….
ഇന്ദ്രനും ആകെ മാറി…..
അവന്റെ സഹോദരൻ ചോര ഒലിപ്പിച്ചു കിടക്കുന്നത് കണ്ടപ്പോ ഇന്ദ്രന്റെ നെഞ്ചോന്ന് പിടഞ്ഞു…. ഇപ്പൊ രണ്ടും നല്ല സ്നേഹത്തിൽ ആണ്……
രുദ്രനിപ്പോ ഞങ്ങളോടാണ് മുഴുവൻ വെറുപ്പ് …….”””
ലക്ഷ്മിയമ്മ തല താഴ്ത്തി വിഷമത്തോടെ പറഞ്ഞു ……
“” അമ്മേ……. അപ്പോ നന്ദു ഏട്ടനോ…….???'””
ഇന്ദു ചോദിച്ചു……
‘” നന്ദുവിന്റെ കാര്യം എനിക്കത്ര പിടിയില്ല മോളേ……..
അന്നത്തെ സംഭവത്തിന്‌ ശേഷം രുദ്രനും നന്ദുവും അധികം വീട്ടിൽ കയറാറില്ല…… ഇപ്പൊ അവൻ യുറോപ്പിലേക്ക് ഒരു ബിസിനസ്സ് ട്രിപ്പ്‌ പോയിട്ടുണ്ട്……. എന്തിനാണെന്ന് ചോദിച്ചിട്ട് അവൻ ഒന്നും തുറന്ന് പറയുന്നില്ല……'””
ലക്ഷ്മിയമ്മ പറഞ്ഞു….. നന്ദു അവടെ ഇല്ലെന്ന് അറിഞ്ഞപ്പോ അവർക്ക് വല്ലാത്ത വിഷമമാണ് വന്നത്……
‘”” മോളാണ് പാർവതി…….ല്ലേ……'””
ലക്ഷ്മിയമ്മ അവളുടെ തലയിൽ തലോടികൊണ്ട് ചോദിച്ചു…..
‘”” ഹ്മ്മ്……..'”
പാറു മൂളുക മാത്രം ചെയ്തു……
‘” നന്ദു പറഞ്ഞിട്ടിട്ടുണ്ട് അവന് നീ കുഞ്ഞി‌യെ പോലെ ആണെന്ന്…….
അച്ഛനൊക്കെ സുഖല്ലേ മോളെ…..
നിങ്ങളുടെ കഥ കേട്ട് ആകെ വിഷമമായിരുന്നു ഞങ്ങൾക്ക്…. കൊച്ചു നാളിൽ തന്നെ എന്തെല്ലാം പ്രശ്നങ്ങളാ……'””
ലക്ഷ്മിയമ്മ അച്ഛന്റെ കാര്യം ചോദിക്കുന്നത് കേട്ടപ്പോ തന്നെ ഇരുവർക്കും വല്ലാതെ വിഷമമായി….. അവരുടെ മുഖം ഇരുണ്ടത് ലക്ഷ്മിയമ്മയും കണ്ടിരുന്നു……
ഒടുവിൽ പാറു തന്നെ നടന്ന കാര്യം എല്ലാം പറഞ്ഞുകൊടുത്തു…..