ഹൃദയരാഗം 4

Author : അച്ചു ശിവ

 
അവിടെ കിടന്ന ചെയറിൽ തട്ടി അവർ ബെഡിലേക്ക് മറിഞ്ഞു വീണു    …

അവൾ അവിടെ നിന്നും എഴുനേൽക്കാൻ ആവുന്നത്ര ശ്രെമിച്ചു കൊണ്ടിരുന്നു ….എന്നാൽ വിനയ് അവളെ കുറേക്കൂടെ മുറുകെ ചുറ്റിപിടിച്ചു ….എഴുന്നേൽക്കാൻ സാധിക്കാത്തത് കൊണ്ടു അവൾ നേരെ അയാൾക്ക് അഭിമുഖമായി തിരിഞ്ഞു കിടന്നു ….അവളുടെ കെട്ടി വെച്ചിരുന്ന മുടിയിഴകൾ അഴിഞ്ഞു  അയാളുടെ മുഖത്തേക്ക് വീണു ….വിനയ് അവളിലെ പിടി പതിയെ അയച്ചു …തന്റെ കൈകൾ കൊണ്ടു ആ മുടിയിഴകൾ അയാൾ വകഞ്ഞു മാറ്റി ..ഒരു വേള അവളുടെ മുഖത്തേക്ക് വിനയ് കണ്ണെടുക്കാതെ നോക്കി പോയി …അവരുടെ കണ്ണുകൾ തമ്മിൽ ഇടഞ്ഞു …വാസുകിയ്ക്കെന്തോ വിനയ്ടെ മുഖത്തേക്ക് നോക്കാൻ വല്ലാത്ത ബുദ്ധിമുട്ട് അനുഭവപെട്ടു …
അയാളുടെ കണ്ണിന്റെ കാന്തികത ഒരുപക്ഷെ തന്നെ വലിച്ചെടുക്കുമോ എന്ന് അവൾ ഭയപ്പെട്ടു .. എന്തോ ചിന്തയിൽ മുഴുകി കിടന്നിരുന്ന വാസുകിയെ വിനയ് തന്റെ ശരീരത്തിൽ നിന്നും തള്ളി മാറ്റി അവളുടെ കൈയിൽ നിന്നും ആ കവർ തട്ടി പറിച്ചു എടുത്ത് പുറത്തേക്ക് പോയി ….പെട്ടന്നുള്ള നീക്കം ആയതിനാൽ അവൾക്കു എതിർക്കാൻ സാധിച്ചില്ല …

ഛെ എനിക്കെന്താ പറ്റിയത് ..അയാളുടെ നോട്ടം ,സാമിപ്യം,സ്പർശം …. …എന്തോ മനസ്സ് കൈ വിട്ടു പോകുന്നുണ്ടോ ….ഇല്ല ഒരിക്കലും വേണ്ടാത്ത ചിന്തകൾ ഒന്നും മനസ്സിലേക്ക് കയറ്റി വിടാൻ  പാടില്ല …അവൾ സ്വയം പറഞ്ഞു ആശ്വസിച്ചു …
എന്നാലും അതിനുള്ളതിൽ എന്തായിരിക്കും …എങ്ങനെയും അത് കണ്ടു പിടിക്കണം …

ബാൽക്കണിയിലെ ചെയറിൽ ഇരുന്നു പുറത്തേക്ക് നോക്കി എന്തോ ആലോചനയിൽ മുഴുകി ഇരിക്കുകയാണ് വിനയ് …ശേ മോശമായി പോയി …ഒന്നും വേണ്ടിയിരുന്നില്ല …അവൾ എന്ത് വിചാരിച്ചു കാണും …ഒരു അവസരത്തിനായി ഞാൻ കാത്തിരിക്കുകയായിരുന്നു എന്നല്ലേ കരുതു …അത് അവൾ കാണരുത് എന്ന് മാത്രമേ അപ്പൊ ഞാൻ ചിന്തിച്ചുള്ളൂ …വിനയ് എഴുനേറ്റ് റൂമിൽ ചെന്ന് നോക്കി …അവൾ അവിടെ ഇല്ലായിരുന്നു …