സ്വപ്നയാത്ര

Author : വിച്ചൂസ്

1912 ഏപ്രിൽ 5 ആകാശത്തിന് താഴെ എവിടെയോ….

“മിക്കി നമ്മക്കു ഇത് വേണോ??… ഇത് എടുക്കാൻ പോയവർ ആരും ഇതുവരെ ജീവനോടെ തിരിച്ചു വന്നിട്ടില്ല…. ”

“നിനക്ക് പേടി ഉണ്ടോ ഹാണ്ടർ??..”

“ഉണ്ട് നീ ഈ പ്ലാൻ പറഞ്ഞപ്പോൾ തൊട്ടു എനിക്ക് ഒരു സമാധാനം ഇല്ല…”

“നീ പേടിക്കണ്ട ഹാണ്ടർ… നമ്മക്കു രക്ഷപെടാൻ ഈ വഴി മാത്രമേയുള്ളു ”

അവർ പതുക്കെ മുന്നോട്ടു നീങ്ങി… ഹിൽസ് മൗണ്ട് പണ്ട് അതൊരു ക്യാമ്പ് ആയിരുന്നു അധിക്രൂരന്മാരായ പട്ടാളക്കാരുടെ… പക്ഷേ ഇന്ന് അത് വെറും കാടു പിടിച്ചു കിടക്കുന്ന ശവപറമ്പ് മാത്രമാണ്… ഏറ്റുമുട്ടലിൽ മരിച്ച പട്ടാളക്കാരുടെ മൃതദേഹങ്ങൾ ഇവിടെയാണ് പെട്ടിയിൽ ആക്കി കൂഴിച് ഇടുന്നത്…

മിക്കിയും ഹാണ്ടറും കൂട്ടുകാരാണ് …ഒരിടത്തും എത്താതെ ജീവിതം മുന്നോട്ടു നയിക്കുന്ന അവരെ തേടി ഒരാൾ വന്നു… ക്രിസ്റ്റി ലോപ്പസ്… ഹിൽസ് മൗണ്ടന്റെ പഴയ കാവൽകരൻ…

അയാളുടെ ആവിശ്യം… ഹിൽസ് മൗണ്ടന്റെ തെക്കെ അറ്റത് അടക്കം ചെയ്ത് ഇരിക്കുന്ന ഒരു പെട്ടി അത് അയാൾക്കു വേണം… പെട്ടിയുടെ ഉള്ളിലെ ശരീരവും….ആദ്യം അവർ സമ്മതിച്ചില്ല.. പക്ഷേ നല്ലയൊരു തൂക കിട്ടുമെന്നു ആയപ്പോൾ…. അവർ സമ്മതിച്ചു.. പോകുന്നതിനു മുൻപ് അയാൾ ഒരിക്കൽ കൂടി അവരോടു പറഞ്ഞു… “ഇത് എടുക്കാൻ വേണ്ടി പോയവർ ആരും ജീവനോടെ തിരിച്ചു വന്നിട്ടില്ല… സൂക്ഷിക്കണം ”

മിക്കിക്കു അത് കേട്ടപ്പോൾ പേടി തോന്നില്ല… പക്ഷെ ഹാണ്ടർ അവൻ പേടിക്കാൻ തുടങ്ങി…. മാസങ്ങൾ നീണ്ട യാത്രക്കു ഒടുവിൽ അവർ ഹിൽസ്മൌണ്ടിൽ എത്തി….ഇടിഞ്ഞു വീഴാറായ കവാടം കടന്നു അവർ തെക്കേ അറ്റത്തു എത്തി….അധികം താമസിക്കാതെ അവർ അഹ് പെട്ടി കണ്ടുപിടിച്ചു….

“ഇത് പഴയപ്പെട്ടി അല്ലേ… പക്ഷേ ഇത് ദ്രവിച്ചിട്ടില്ലാലോ ”

“ചിലപ്പോൾ തടിയുടെ ഗുണം ആകും… ” മിക്കി പറഞ്ഞു…

“നല്ല കനം ഉണ്ട് ഇതിന്റെ അകത്തു ശവമല്ലേ ഇത്രെയും വർഷമായില്ലേ അസ്ഥികൂടം ആയി കാണുമാലോ… തുറന്നു നോക്കിയാലോ??”