സ്ത്രീജന്മം [ഭദ്ര] 277

എടാ ദ്രോഹീ നീ…..

*********************

കണ്ണുകൾ ഇറുക്കിയടച്ചു. കാലിലൂടെ ആ കരങ്ങൾ ഇഴഞ്ഞു കയറുന്നത് ഞാനറിയുന്നുണ്ട്… അപ്രതീക്ഷിതമായി ആരോ എന്റെ ദേഹത്തേക്കമർന്നു!

ദൈവമേ…. സുധ പറഞ്ഞതുപോലെ… ഇവനൊരു തെമ്മാടിയായിരുന്നുവോ! പിടഞ്ഞെണീറ്റു….

അമ്മേ……മാപ്പ്…മാപ്പ്… അതിനോടകം പാദങ്ങൾ കണ്ണീരിനാൽ കഴുകപ്പട്ടിരുന്നു…

ക.. ക.. കണ്ണാ… നീ..നീ…
വാക്കുകൾ തൊണ്ടക്കുഴിയിലക്ക് ആണ്ടു പോണു.

അതെ അമ്മേ… അമ്മയുടെ മകൻ തെമ്മാടിയാ…. പക്ഷേ ഒരിക്കൽപോലും പൊന്നിനോ പണത്തിനോ മറ്റു സുഖങ്ങൾക്കൊന്നിനുവേണ്ടിയും ഞാനാരെയും ഇന്നേവരെ ഉപദ്രവിച്ചിട്ടില്ല. എനിക്ക് ചുറ്റും കണ്ടിരുന്നത് അമ്മയുടെ ദയനീയ മുഖമായിരുന്നു… കേട്ടതു മുഴുവൻ ആ നിലവിളിയായിരുന്നു….എല്ലാവരും എനിക്ക് അമ്മയായിരുന്നു… അവർക്കു മുകളിൽ അനാവശ്യമായി പടർന്നുപന്തലിച്ച ചില്ലകൾ മാത്രമേ ഞാൻ അരിഞ്ഞു വീഴ്ത്തിയിട്ടുള്ളൂ….. അന്ന് അമ്മയുടുള്ള അന്ധമായ സ്നേഹത്തിന്റെ പുറത്ത് അപക്വമായ പ്രായത്തിൽ അച്ഛനെ കുത്തിമലർത്തി. ഒടുക്കം അമ്മ തള്ളി പറഞ്ഞപ്പോൾ ചുറ്റും ഇരുട്ടായിപ്പോയി…. തമസ്സൊഴിഞ്ഞു യാഥാർത്ഥ്യത്തിലേക്ക് ഇറങ്ങി വന്നപ്പോഴേക്കും ഒരുപാട് വൈകിപ്പോയി…. മാപ്പ്… എല്ലാത്തിനും മാപ്പ്…

കണ്ണാ… മാപ്പ് അത് ഞാനല്ലേടാ പറയേണ്ടത്… നിന്നെ ഇങ്ങനെ ആക്കിയത് ഞങ്ങളല്ലേടാ… അതിന്റെ പാപം ഏത് ഗംഗയിൽ മുങ്ങിയാലാടാ തീരുക?

ന്റെ കുട്ടിയെ അന്നാട്ടിയിറക്കുമ്പോഴും പകരം ജയിലിൽ പോകുമ്പോഴും ന്റെ കുഞ്ഞിന്റെ കയ്യിൽ ഒരിക്കലും പാപത്തിന്റെ ചോരക്കറ പുരളരുതെന്നു മാത്രമേ ഞാനാഗ്രഹിച്ചുള്ളു.. പിന്നെ നാളിതുവരെ കണ്ണീരോടെ കാത്തിരിക്കുകയായിരുന്നു.. കണ്ണടയും മുമ്പ് ഈ മുഖമൊന്നു കാട്ടിത്തരണേന്നുമാത്രമാണ് സർവ്വ ഈശ്വരന്മാരെയും വിളിച്ചു പ്രാർഥിച്ചത്.

കണ്ണാ.. മോനേ..

ഈ പാപികളോട് പൊറുക്കു മോനേ.. ഒരു നല്ല മനുഷ്യനെ വാർത്തെടുക്കേണ്ടത് അവന്റെ കുടുംബമാണ്… അതിലൂടെ ഒരു നല്ല സമൂഹത്തെയും..
അപ്പോൾ ഞങ്ങൾ ഒരു സമൂഹത്തെ തന്നെയല്ലേ നശിപ്പിച്ചത്?

ഭദ്ര