സൈക്കോ 2[MI] 59

ഞാന്‍ മുകളിലേക്ക് നടന്നു എന്‍റെ റൂമിന് എതിര്‍വശമുള്ള റൂമില്‍ നിന്നും അമ്മ ഇറങ്ങി വരുന്നു

“ അമ്മ എന്താ കാണിച്ചേ അവനെ, അവനെ എന്തിനാ ഇവിടെ കൊണ്ട് വന്നത് ,അവന്‍ നിങ്ങളുടെ ആരാ ? ഇത് അനാഥാലയം ഒന്നുമല്ലല്ലോ  അവനെ ഇപ്പോള്‍ പറഞ്ഞു വിട്ടോണം അല്ലെങ്കില്‍ ഞാന്‍ ഇറങ്ങി പോകും ”

അവന്‍റെ മാതാപിതാക്കള്‍ ജീവിചിരിപ്പില്ലയെന്നു അമേല്യ പറഞ്ഞതിലൂടെ ഒക്കെ എനിക്ക് അറിയാമായിരുന്നു.

അവന്‍ ഇത് കേട്ടുകൊണ്ട് ഇറങ്ങി പോകുന്നുവെങ്കില്‍ പോകെട്ടെ എന്ന് കരുതി സാമാന്യം ശബ്ധത്തില്‍ തന്നെയാണ് പറഞ്ഞത്, അപ്പോഴേക്കും അമ്മ എന്നെ പിടിച്ചു വലിച്ചു താഴേക്ക് എത്തിയിരുന്നു.

നിനക്ക് എന്താ അറിയേണ്ടേ അവന്‍ ആരാണെന്നല്ലേ?

അവന്‍ എനിക്ക് ഏറ്റവും കൂടുതല്‍  വേണ്ടപെട്ട ഒരുവന്‍ തന്നെയാണ് ഇപ്പോള്‍ നീ ഇത്രയും അറിഞ്ഞാല്‍ മതി പിന്നെ ഒരുകാര്യം അവന്‍ ഇനി ഇവടെ കാണും ഒരു പ്രശ്നവും ഉണ്ടാക്കരുത്” ഇത്രയും പറഞ്ഞു അമ്മ വീണ്ടും മുകളിലെക്കുപോയി.

ഇനി എന്ത് ചെയ്യും” ഞാന്‍ ആന്‍റിയോട് ചോദിച്ചു

“അവന്‍ ആരായാലും അതികനാള്‍ ഇവിടെ കാണില്ല നിന്‍റെ അമ്മ തന്നെ അവനെ പറഞ്ഞു വിടും നോക്കിക്കോ” ആന്‍റി പറഞ്ഞു ചിരിക്കാന്‍ തുടങ്ങി.

രാത്രി ഭക്ഷണം കഴിക്കാന്‍ നേരം അമ്മ റിഷഭിനെയും കൂടെ കൂട്ടിയാണ് കഴിക്കാന്‍ ഇരുന്നത്.അവനെ കണ്ടതും ഞാന്‍  എഴുനേറ്റു പോകാന്‍ ഒരുങ്ങി.

“ആന്‍റി  വരുന്നുണ്ടോ” ഞാന്‍ ചോദിച്ചു

“നീ ഇതെന്താ കാണിക്കുന്നേ ഇരുന്നു കഴിക്കാന്‍ നോക്ക്” അമ്മയാണ് എനിക്ക് മറുപടി നല്‍കിയത്.

“എനിക്ക് വലിഞ്ഞു കയറി വന്നവന്‍റെ കൂടെ ഇരുന്നു കഴിക്കാന്‍ താല്പര്യം ഇല്ല” അവനോടുള്ള അമര്‍ഷം മറച്ചുവക്കാതെ തന്നെ പറഞ്ഞു.

“ആന്‍റി ഞാന്‍ അപ്പോഴേ പറഞ്ഞതല്ലേ ഇതൊക്കെ വേണ്ടന്ന്”