ശ്രീ നാഗരുദ്ര ? ???? – ഒന്നാം ഭാഗം – [Santhosh Nair] 1055

കട്ടിലിൽ കിടന്ന ശ്രീകുമാർ പെട്ടെന്ന് ഉറങ്ങിപ്പോയി. കുറച്ചു കഴിഞ്ഞപ്പോൾ എന്തോ ശബ്ദം കേട്ടു കണ്ണു തുറന്ന അവൻ കാതോർത്തു. പതിഞ്ഞ ശബ്ദത്തിൽ ആരോ പാടുന്നു, അകമ്പടിയായി വീണാ നാദവും ഉണ്ട്.

അവൻ ചെവിയൊർത്തു, ശ്രിന്ഗാര രസപ്രധാനമായ ഇരയിമ്മൻ തമ്പി കൃതിയാണ് ഒഴുകി വരുന്നത്. വളരെ സ്ത്രൈണമായ, മനോഹരമായ, ലോലമായ ശബ്ദം.

“പ്രാണനാഥന്‍ എനിക്കു നൽകിയ പരമാനന്ദരസത്തെ പറവതിനെളുതാമോ ബാലേ”.

അവൻ പതുക്കെ എഴുനേറ്റു വാതിൽ പതുക്കെ തുറന്നു താഴേയ്ക്ക് നോക്കി. അവൾ മനം മറന്നു, ലോകം തന്നെ മറന്നു പാടുകയാണ്. അതിമനോഹരമായ ശബ്ദം, ആ പാട്ടിൽ ലയിച്ചു അവൻ മുൻപോട്ടു പതുക്കെ നടന്നു ഗോവണിയിറങ്ങി താഴെ ചെന്നു. കണ്ണടച്ചു പാട്ടിൽ ലയിച്ചിരിയ്ക്കുന്ന അവൾ അവനെക്കണ്ടില്ല.

ആ പാട്ടു കേട്ടുകൊണ്ട് അവൻ ഗോവണിയുടെ താഴത്തെ പടിയിൽ നിന്നു.

നേരത്തെ ഉടുത്തിരുന്ന വസ്ത്രം മാറ്റി അവൾ ഒരു പുലിയിളക്കര നേര്യതു അണിഞ്ഞിരിയ്ക്കുന്നു. നെറ്റിയിൽ സിന്ദൂരം ഉണ്ട്, ഒരു ഗ്രാമീണ യുവതിയെപ്പോലെ സുന്ദരിയായി ഒരുങ്ങിയിരിയ്ക്കുന്നു.