ശ്രീ നാഗരുദ്ര ? ???? – ഒന്നാം ഭാഗം – [Santhosh Nair] 1055

“രുദ്ര, കുട്ടിയെന്താണ് പറയുന്നത്? നമ്മൾ തമ്മിൽ ഇതിനു മുൻപു കണ്ടിട്ടുപോലും ഇല്ലല്ലോ.” തെല്ലു ആശ്ചര്യത്തോടെ ശ്രീകുമാർ പറഞ്ഞു.

“അറിയില്ലെനിയ്ക്കു, പക്ഷെ ഏട്ടനെ എനിയ്ക്കു എവിടെയോ എപ്പോഴോ അറിയാവുന്നതുപോലെ തോന്നുന്നു. വരൂ, സമയം വൈകി. ഉറങ്ങണ്ടേ?”

അവന്റെ കൈ പിടിച്ചുകൊണ്ടു അവൾ മുകളിലത്തെ നിലയിലേക്കുള്ള ഗോവണി കയറി. ഏതോ ഒരു സ്വപ്നത്തിലെന്നോണം അവൻ അവളെ പിന്തുടർന്നു. എന്തോ അവളാണ് അവനെ ഇപ്പോൾ നയിയ്ക്കുന്നതെന്ന പോലെ.

മുറിയുടെ മുൻപിൽ എത്തിയ അവൾ വാതിൽ തുറന്നു അവനെ മുറിയിലേയ്ക്കാനയിച്ചു. അവൻ അകത്തു കയറിയ ഉടനെ അവൾ ആ വാതിൽ അടച്ചു. ആ കട്ടിലിനടുത്തേയ്ക്കു അവൾ അവനെ ക്ഷണിച്ചു, അല്ല അവൻ യാന്ത്രികമായി അവനെ പിന്തുടരുകയായിരുന്നു.

കട്ടിലിനരികിൽ എത്തിയപ്പോൾ പെട്ടെന്നു തിരിഞ്ഞു അവനെ ദൃഢമായി ആലിംഗനം ചെയ്തു, അവളുടെ മൃദുവായ അധരങ്ങൾ അവന്റെ അധരങ്ങളിൽ അമർന്നു. ആ അനുഭൂതിയിൽ അവനും അവളെ ചേർത്തണച്ചു. അവരുടേതായ ഒരു ലോകം, അതിനിടയിൽ ഒരു താമരനൂൽ പോലും കടന്നു വരരുതെന്നപോലെ അവരുടെ ശരീരങ്ങൾ ചേർന്നു നിന്നു. ശക്തമായ, അനുഭൂതികൾ നിറഞ്ഞ ചുംബന രസത്തിൽ അവർ അലിഞ്ഞു ചേർന്നു. ആ മുറിയിലെ വിളക്കിലെ തിരി ആരോ കുറച്ചതുപോലെ തീരെ ഇറങ്ങി കത്താൻ തുടങ്ങി, അവരുടെ ആദ്യ സംഗമത്തിനു അനുവാദമെന്നോണം .

കുറച്ചു നിമിഷങ്ങൾക്കുള്ളിൽ തന്നെ അവരുടെ ശരീരത്തിനിടയിൽ ഒരു മറയായി നിന്നിരുന്ന വസ്ത്രങ്ങൾ അകന്നു, ശരീരം കൊണ്ടും ഒന്നാകാൻ അവർ ഒരുങ്ങി. അവളുടെ മനോഹാരിതയ്ക്കും അഴകിനും അവനും അവന്റെ കരുതിനും അഴകിനും അവളും അടിപ്പെടുകയായിരുന്നോ?

കട്ടിലിൽ കിടന്നതുകൊണ്ടു അവനെ മാടിവിളിയ്ക്കുന്ന അവളിലേക്ക്‌ അലിഞ്ഞു ചേരാൻ അവൻ തുടങ്ങുമ്പോൾ മുറിയുടെ വാതിൽ മലർക്കെ തുറക്കപ്പെട്ടു, ഒരു കുഞ്ഞിന്റെ “അമ്മേ” എന്നുള്ള വിളിയും കരച്ചിലും ഉയർന്നു.

തലപൊക്കി നോക്കിയ അവൻ വാതിൽക്കൽ നിൽക്കുന്ന മൂന്നു വയസ്സുള്ള ഒരു പെൺകുഞ്ഞിനെ കണ്ടു. അമ്മേ എന്ന വിളിയോടെ ആ കുട്ടി അവരുടെ കട്ടിലിനരികിലേയ്ക്ക് നടന്നു വന്നു.

—————–