ശ്രീ നാഗരുദ്ര ? ???? പതിമൂന്നാം ഭാഗം – [Santhosh Nair] 285

അവിടെ ദർശനം നടത്തി ഇറങ്ങിയ ശേഷം അയ്യരെ വിളിച്ചു. ട്രെയിൻ സമയത്തു തന്നെയാണ്. പത്തു മണിയ്ക്ക് സ്റ്റേഷനിലെത്തും എന്നു തോന്നുന്നതായി അദ്ദേഹം പറഞ്ഞു. ഇടയ്ക്കു ചെയ്യാനുള്ള മറ്റു ചില ജോലികൾ ചെയ്തശേഷം സ്റ്റേഷനിലെത്തി പിക് ചെയ്യാം എന്നു അവൻ പറഞ്ഞു. മറ്റു ചില കാര്യങ്ങൾ കൂടി സംസാരിച്ച ശേഷം അവൻ ഫോൺ കട് ചെയ്തു.

കാർ ക്ഷേത്രത്തിന്റെ പാർക്കിങ്ങിൽ തന്നെ വിട്ട ശേഷം അവർ അടുത്തുള്ള അഗ്രഹാരത്തിലേയ്ക്ക് നടന്നു.
അവിടെ കണ്ട ആ വലിയ വീടിന്റെ മുകളിലത്തെ നിലയിൽ ഐശ്വര്യവും ഗാംഭീര്യവും നിറഞ്ഞ മുഖമുള്ള ഒരു മധ്യവയസ്‌കൻ അവരെ പ്രതീക്ഷിച്ചെന്നോണം നിൽപ്പുണ്ടായിരുന്നു. മുകളിലേയ്ക്കു വരൂ എന്ന് അദ്ദേഹം മുഖം നിറഞ്ഞ പുഞ്ചിരിയോടെ ആംഗ്യം കാട്ടി വിളിച്ചു. ഗേറ്റിലെ ബോർഡിൽ തമിഴിലും ഇംഗ്ലീഷിലും എഴുതിയിരുന്നു – അഡ്വ – സിഎ – രാമാനുജ ശ്രീനിവാസ അയ്യങ്കാർ എംഎ എംഎൽ സീനിയർ അഡ്വക്കറ്റ് ആൻഡ് കൺസൾട്ടന്റ്

തമ്പി സിറ്റ് ആവുട്ടിൽ ഉള്ള കസേരയിൽ ഇരുന്നു. ശ്രീകുമാർ പടികയറി മുകളിലേയ്ക്കു പോയി.

നല്ല എണ്ണക്കറുപ്പുള്ള ശരീരത്തിൽ വൈഷ്ണവ ചിഹ്നങ്ങൾ അണിഞ്ഞ അദ്ദേഹം ഒരു തികഞ്ഞ സാത്വികനെപ്പോലെ കാണപ്പെട്ടു. അദ്ദേഹത്തിന്റെ കാൽ തൊട്ടു അനുഗ്രഹിച്ച ശ്രീകുമാറിനെ അദ്ദേഹം മാറോടണച്ചു. പണ്ടു മുതലേ അറിയാവുന്നതുപോലെ ഒരു ബന്ധം അവനു അദ്ദേഹത്തോടു തോന്നി.

കൊണ്ടുവന്ന ഡോക്യൂമെന്റസ് എല്ലാം അദ്ദേഹത്തിന്റെ കയ്യിൽ കൊടുത്ത ശേഷം അവൻ ചില സംശയങ്ങൾക്കു നിവാരണം നടത്തി. രുദ്രയുടെ മാതാപിതാക്കളുടെ സ്വത്തുക്കൾ എല്ലാം ഒരു ട്രസ്ടിന്റെ കീഴിലാണ്. അതെല്ലാം അവന്റെ പേരിലേക്ക് മാറ്റാനുള്ള ചില ഫോര്മാലിറ്റീസ് ചെയ്യണം. അതിനെന്തൊക്കെ നടപടിക്രമങ്ങളാണ് വേണ്ടത് എന്ന് അദ്ദേഹം പറഞ്ഞു അവനെ മനസ്സിലാക്കി.