ശ്രീ നാഗരുദ്ര ? ???? പതിമൂന്നാം ഭാഗം – [Santhosh Nair] 285

വഴി താരതമ്യേന ക്ലിയർ ആയിരുന്നതിനാൽ സാമാന്യം വേഗതയിൽ തന്നെ പോകാൻ കഴിഞ്ഞു. ഇടയ്ക്കെങ്ങും നിർത്താതെ സാമാന്യം വേഗത്തിൽ പോയതിനാൽ ആറുമണിയ്ക്കു തന്നെ അവർ ഹൊസൂർ താണ്ടി. പിന്നീട് അല്പം തിരക്കുള്ള ട്രാഫിക് ആയതിനാൽ കുറച്ചു പതുക്കെയാണ് പോയത്. എങ്കിലും ഏഴരമണിയോടെ അവർ വീട്ടിലെത്തി. നല്ല ഉറക്കത്തിലായിരുന്ന തമ്പിയെ ഉണർത്തിയപ്പോൾ അവൻ “അണ്ണാ കാപ്പികുടിയ്ക്കണും” എന്നു പറഞ്ഞു.

“ഓക്കേ വീട്ടിൽ വന്നല്ലോ, ഇനി കാപ്പി കുടിയ്ക്കാം” എന്ന് പൊട്ടിച്ചിരിച്ചുകൊണ്ട് അവൻ പറഞ്ഞു. യാത്രയിലുടനീളം നല്ല ഉറക്കത്തിലായിരുന്നതിനാൽ തമ്പി വീട്ടിൽ വന്നതുപോലും അറിഞ്ഞില്ല.

തെല്ലു ജാള്യതയോടെ തല ചൊറിഞ്ഞുകൊണ്ടു ശ്രീകുമാറിനെ നോക്കി അവൻ പറഞ്ഞു “യാറുക്കിട്ടെയും സൊല്ലാതീങ്കണ്ണാ ഹി ഹി”.

അവർ വണ്ടി പാർക്കിങ്ങിൽ നിർത്തി അവർ മുകളിലേയ്ക്കു ചെന്നു. അക്കാ കഴിയ്ക്കാൻ ചപ്പാത്തിയും ഉരുളക്കിഴങ്ങു കറിയും തയാറാക്കിയിരുന്നു. കൂടെ ചെറിയ എരിവുള്ള തുളസി കരുപ്പട്ടി കാപ്പിയും. നേരെ ഭക്ഷണ മേശയിലേയ്ക്ക് ഒരാക്രമണത്തിനായി പോയ തമ്പിയെ വഴക്കു പറഞ്ഞു കുളിച്ചിട്ടു വരാനായി പറഞ്ഞയച്ച ശേഷം ശ്രീകുമാറും കുളിയ്ക്കാൻ കയറി. അവൻ കുളിച്ചു വസ്ത്രം മാറി തൊഴുതു ഭസ്മം ധരിച്ചു വന്നപ്പോഴേയ്ക്കും തമ്പി ചപ്പാത്തികളുടെ മേൽ വൻ ആക്രമണം നടത്തിത്തുടങ്ങിയിരുന്നു.

പൊട്ടിചിരിച്ചുകൊണ്ടു വന്നു ഇരുന്ന ശ്രീകുമാറിനെ നോക്കി ചിരിച്ചുക്കൊണ്ടു അക്കാ അവനുള്ള ഭക്ഷണം എടുത്തുവെച്ചു.
“അക്കാ ഉക്കാറുങ്ക, നീങ്കളും ശാപ്പിടുങ്ക” എന്നു പറഞ്ഞുകൊണ്ട് അവൻ നിർബന്ധിച്ചപ്പോൾ അവരും ചുറ്റുപാടുകളിൽ ശ്രദ്ധിയ്ക്കാതെ വൻ ചപ്പാത്തി ആക്രമണം അഴിച്ചുവിട്ടുകൊണ്ടിരുന്ന തമ്പിയെ നോക്കി ചിരിയടക്കിക്കൊണ്ടു ശ്രീകുമാറിനെതിരിൽ ഇരുന്നു ഭക്ഷണം കഴിയ്ക്കാൻ തുടങ്ങി.

അങ്ങോട്ടുമിങ്ങോട്ടും ചെറുതായി സംസാരിച്ചുകൊണ്ടു അവർ ഭക്ഷണം കഴിച്ചു. പിന്നീട് തമ്പി മുകളിലേയ്ക്കു പോയി. അക്കാ കിച്ചൻ ജോലികളിൽ മുഴുകി.

“അക്കാ ലൈറ്റ് അണച്ചു ഡോർ അടച്ചിട്ടു പൊയ്ക്കോളൂ, എനിക്ക് കുറെ ജോലിയുണ്ട് – good night” എന്നു പറഞ്ഞുകൊണ്ടു ശ്രീകുമാർ റൂമിലേയ്ക്കു പോയി. കുറെ മെയിലുകൾ നോക്കാറുണ്ട് – ഭയങ്കര തിരക്കു കാരണം ഇന്നത്തെ ദിവസം ഒന്നും ശ്രദ്ധിച്ചില്ല.

തിരക്കെല്ലാമൊഴിഞ്ഞ ശേഷം അവൻ ഉറങ്ങാൻ കിടന്നു. ഇനിയുള്ള ദിവസങ്ങൾ തിരക്കിന്റേതാണ്.