ശ്രീ നാഗരുദ്ര ? ???? രണ്ടാം ഭാഗം – [Santhosh Nair] 1047

ഞങ്ങൾ വിദ്യാഭ്യാസം ചെയ്തതും പാലക്കാടിൽ നിന്നാണ്. അവിടെ വെച്ചാണ് ഭദ്ര ഒരാളുമായി പ്രണയത്തിലായത്‌. പാലക്കാടുള്ള ഒരു അഗ്രഹാരത്തിലെ ദേവദത്തൻ അയ്യർ. വലിയ പണക്കാരനാണെങ്കിലും അതിന്റെ അഹങ്കാരം തെല്ലും തീണ്ടാത്ത മനുഷ്യൻ. ഞങ്ങൾ ഡിഗ്രി ചെയ്യുമ്പോൾ അദ്ദേഹം കോയമ്പത്തൂരിൽ എസിപി ആയി ജോയിൻ ചെയ്തത്.

ഒരു പ്രാവശ്യം ഞങ്ങളുടെ കോളേജിൽ നടന്ന യുവജനോത്സവം അദ്ദേഹമാണ് ഉദ്‌ഘാടനം ചെയ്തത്. അന്ന് കലാതിലകമായി തിരഞ്ഞെടുക്കപ്പെട്ടത് ഭദ്ര ആയിരുന്നു. അദ്ദേഹത്തിന്റെ കയ്യിൽ നിന്നും സമ്മാനം വാങ്ങിയത് അവളുടെ ജീവിതത്തിൽ – അല്ല അവരുടെ ജീവിതത്തിലെ തന്നെ ഒരു വഴിത്തിരിവായി.

പിന്നീട് അടിയ്ക്കടി അവർ തമ്മിൽ കാണാൻ തുടങ്ങി. ഒരു വർഷത്തിനുള്ളിൽ അവരുടെ കല്യാണവും കഴിഞ്ഞു. പിന്നീട് ഭദ്ര കോയമ്പത്തൂരിലേയ്ക്ക് താമസം മാറ്റി.

മൂന്നു വര്ഷം മുമ്പാണ് മോൾ ഉണ്ടായത്. പക്ഷെ അതിനിടയിൽ കോയമ്പത്തൂരിലെ ഒരു വാണിഭ റാക്കറ്റിനെ ദേവേട്ടൻ അറസ്റ്റ് ചെയ്തു. അവർക്കു മനുഷ്യക്കടത്തൽ, മയക്കമരുന്നു കടത്തൽ കൂടാതെ സ്വർണം കടത്തലും ഒക്കെ ഉണ്ടായിരുന്നു.  ഏതാണ്ട് ഇരുനൂറ്റി അമ്പതു കോടി രൂപയോളം കള്ളക്കടത്തു വസ്തുക്കൾ പിടിച്ചെടുത്തിരുന്നു.

മംഗലാപുരത്തുള്ള ഒരു അലിയാർ ആയിരുന്നു അവരുടെ നേതാവ്.  അയാൾ പോലീസ് സ്റ്റേഷനിൽ കയറിച്ചെന്നു പൊലീസുകാരെ വെടിവെച്ചു ആൾക്കാരെ ഇറക്കി. പക്ഷെ അതിനിടയിൽ അവിടെ ചെന്ന ചേട്ടൻ അലിയാരെയും അയാളുടെ വലം കൈയായിരുന്ന ഹക്കീമിനെയും വെടിവെച്ചു കൊന്നു.

അതിനിടയിൽ മറ്റൊന്ന് നടന്നു. ആ സമയത്തു മോളും ഭദ്രയും ഇവിടെയായിരുന്നു. പാലക്കാടുള്ള അവരുടെ കുടുംബക്ഷേത്രത്തിന്റെ ഉത്സവ സമയമായിരുന്നു. അതിൽ പങ്കെടുക്കാൻ ഇവിടെ നിന്നും അപ്പൂപ്പനും അമ്മുമ്മയും ഭദ്രയും അച്ഛനും അമ്മയും പോയിരുന്നു.

ഉത്സവത്തിന്റെ പിറ്റേന്നാൾ ആ കള്ളക്കടത്തു സംഘം പ്രതികാരം ചെയ്തു. അവർ ഒരേ സമയത്തു ഇവിടെയും പാലക്കാട്ടിലും ആക്രമണം നടത്തി. പാലക്കാട് ഉള്ള വീട് ബോംബ് വെച്ചു തകർത്തു, ഇവിടെ വന്ന ഒരു ഗ്രൂപ് വീടിനു തീ വെച്ചു. കന്നുകാലികളെ വെട്ടിക്കൊന്നു. കൃഷികൾ നശിപ്പിച്ചു.