ശ്രീ നാഗരുദ്ര ? ???? രണ്ടാം ഭാഗം – [Santhosh Nair] 1047

ആ മനോഹരമായ താരാട്ടു കേട്ടു കുഞ്ഞു പെട്ടെന്നു തന്നെ ഉറങ്ങിപ്പോയി.

ഒരു പുതപ്പു വലിച്ചു അവളെ പുതപ്പിച്ച ശേഷം രുദ്ര ശ്രീകുമാറിനെ ഉറ്റുനോക്കി “എന്തെ” എന്നൊരു ചോദ്യചിഹ്നം അവന്റെ മുഖത്ത് അവൾ കണ്ടു.

വീണ്ടും അവന്റെ അടുത്തെത്തിയ അവൾ അവന്റെ കൈ കവർന്നു കൊണ്ടു പറഞ്ഞു:

“നിന്നെപ്പോലെ ആരെയും ഞാൻ ഇതുവരെ കണ്ടിട്ടില്ല. നിന്റെ കണ്ണുകളിൽ എന്നോടുള്ള സ്നേഹമാണ്, സ്ത്രീകളുടെ മനോഹരമായ ഈ ശരീരത്തിൽ കാമത്തോടെ നോക്കുന്നവരെ കണ്ടിട്ടുണ്ട്, എന്റെ കണ്ണുകളിലേയ്ക്ക് സ്നേഹത്തോടെ, പ്രേമത്തോടെ നോക്കുന്ന രണ്ടാമത്തെ ആളാണ് നീ.”

അവൾ പറയുന്നത് അവൻ ശ്രദ്ധയോടെ കേട്ടു നിന്നു.

“നിനക്കു – സോറി – ഏട്ടന് എന്നോടെന്തെങ്കിലും ചോദിയ്ക്കാനുണ്ടോ?”

“ഇല്ല രുദ്ര, താങ്കൾക്കെന്നോടെന്തെങ്കിലും പറയാനുണ്ടെങ്കിൽ – അതും എന്നോട് വിശ്വാസമുണ്ടെങ്കിൽ പറയാം. പക്ഷെ എന്റെ ജീവിതത്തിലെ ആദ്യത്തെ പെണ്ണാണു നീ – ഇതു വരെ മറ്റൊരു പെണ്ണിനും ഞാനെന്റെ ശരീരമോ മനസ്സോ കൊടുത്തിട്ടില്ല.”

“ഞാൻ ഒരു ബിസിനസ്സ്മാൻ ആണ്. മറ്റുള്ളവരുടെ രഹസ്യങ്ങൾ ഒരിയ്ക്കലും ചികഞ്ഞു ചോദിയ്ക്കുന്ന സ്വഭാവം എനിയ്ക്കില്ല. പറഞ്ഞോളൂ.”

അവൾ പുഞ്ചിരിയോടെ അവന്റെ താടി പിടിച്ചുയർത്തിക്കൊണ്ടു ആ നെറ്റിയിൽ ചുണ്ടുകളാൽ മുദ്ര അർപ്പിച്ചു. മൂക്കിലും, പിന്നെ ചുണ്ടിലും.

ഒരു ഏങ്ങളോടെ ആ മാറിലേയ്ക്ക് ചാഞ്ഞു.

ഞങ്ങളുടെ കുടുംബം ഈ നാട്ടിലെ ജന്മികൾ ആണ്. മുന്നൂറു ഏക്കറോളം ഭൂമിയുണ്ട്, നൂറോളം പണിക്കാരും പശുക്കളും ആടുകളും എരുമകളും നെൽ കൃഷിയും ഒക്കെ ഉണ്ടായിരുന്നു. ഈ ഗ്രാമം ഏറെക്കുറെ ഞങ്ങളുടെ കുടുംബത്തെ ആശ്രയിച്ചാണ് ജീവിച്ചിരുന്നത്.

എന്റെ അപ്പുപ്പൻ പണ്ട് പാലക്കാടു നിന്നും ഇവിടെ കുടിയേറി പാർത്തതാണ്. അപ്പൂപ്പനും അച്ഛനും ഈ നാടിന്റെ ഒരു ചെറിയ നാടുവാഴികൾ പോലെ തന്നെ ആയിരുന്നു. അമ്മയുടെ നാടും കേരളം തന്നെ. ഞങ്ങൾ മക്കൾ രണ്ടു പേര് – രുദ്രയും ഭദ്രയും – ഇരട്ടകൾ.