വിവാഹം 5 (ക്ലൈമാക്സ്)[മിഥുൻ] 238

ഹൃദയാഘാതം…. വളരെ സീരിയസ് കണ്ടിഷനിൽ ആയിരുന്നു മോളുടെ അവസ്ഥ…

ഇതറിഞ്ഞ് ലിൻസ് ആശുപത്രിയിലേക്ക് ഓടി വന്നു… ഒരു ആശുപത്രി ആണെന്ന് പോലും ചിന്തിക്കാതെ ഞാൻ ലിൻസിനെ ആശുപത്രിയിൽ വച്ച് തല്ലി..

“ചേട്ടാ ഞാൻ ഒന്നും ചെയ്തിട്ടില്ല..” ഇതല്ലാതെ ലിൻസിൻ്റെ വായിൽ നിന്നും ഒന്നും വന്നില്ല…. പക്ഷേ ഞാൻ അവനെ കൊറേ അടിച്ചു.

അവൻ്റെ ചുണ്ടുകൾ മുറിഞ്ഞു… കവിളുകൾ നീര് കൊണ്ടു…

എങ്കിലും ലിൻസിനെ വായിൽ നിന്നും മറ്റൊന്നും വന്നില്ല… പുറകെ ഓടി വന്ന ലിൻസിൻ്റെ ചേട്ടൻ ഞങ്ങളെ പിടിച്ചു മാറ്റി…

അമ്മയെയും അച്ഛനെയും സഹോദരനെയും അവിടെനിന്നും ദേഷ്യപ്പെട്ടു പറഞ്ഞു വിട്ടു… എപ്പോൾ aa അമ്മയുടെ കണ്ണ് നിറഞ്ഞു കൊണ്ടുള്ള ഒരു ദയനീയമായ നോട്ടം എൻ്റെ മനസ്സിൽ ഒരു കുന്തം കുത്തിയ പോലെ തോന്നി..

എൻ്റെ മിലി മോളോടുള്ള സ്നേഹം അവരുടെ എല്ലാം വിഷമത്തേക്കാൾ മേലെ ആയതു കൊണ്ട് തന്നെ അവരുടെ വിഷമം കണ്ടിട്ട് പോലും അവരെ തിരിച്ചു വിളിക്കാൻ എൻ്റെ മനസ്സ് എന്നെ സമ്മതിച്ചില്ല…

കുറെ നേരത്തിനു ശേഷം അമ്മാവൻ ഇവിടെ നിന്നോ ഓടി വന്നത് പോലെ വന്നു…

“മോനേ മിഥുനേ… ലിൻസ്….”

“വേണ്ട അമ്മാവാ… അവനെ പറ്റിയുള്ള ഒന്നും എനിക്ക് കേൾക്കണ്ട… എന്നൊടൊന്നും പറയുകയും വേണ്ട… മനസ്സിലായോ….” ഞാൻ ദേഷ്യത്തിൽ തന്നെ പറഞ്ഞു…

വെൻ്റിലേറ്ററിൻ്റെ സഹായത്തോടെ മിലി മോളുടെ ജീവൻ വീണ്ടെടുത്തു… പക്ഷേ ആ കയ്‌കളും കാലുകളും തളർന്നു…

കണ്ണുകൾ കൊണ്ട് മാത്രം സംസാരിക്കുന്ന ഒരു ജീവശവം ആയി എൻ്റെ മിലി മോൾ മാറി…

അതേ അവസ്ഥയിൽ എൻ്റെ മിലി മോൾ 4 മാസത്തോളം വെൻ്റിലേറ്ററിൽ കിടന്നു…