ആ സ്വപ്നം തന്നെ ആയിരുന്നു കൃഷ്ണയുടെ മനസ്സ് മുഴുവൻ.. കമ്പനിയിലേക്ക് വരുമ്പോഴും വഴിയിൽ കണ്ട പനിനീർ പൂവിനെ കണ്ട് ആസ്വദിച്ചു. പക്ഷേ അതേ പനിനീർ പൂവ് കൊണ്ട് തന്നെ അന്ന് അവൾക്ക് പ്രോപോസൽ വരും എന്ന് മാത്രം കൃഷ്ണ അറിഞ്ഞില്ല… കമ്പനിയിൽ നേരത്തേ തന്നെ എത്തിയ കൃഷ്ണ തൻ്റെ രാവിലത്തെ സ്വപ്നത്തെ ഓർത്ത് ഒരു പാൽ പുഞ്ചിരിയുമായി ഇരിക്കുകയായിരുന്നു. അപ്പോഴാണ് തൻ്റെ പ്രിയതമനും കൂട്ടുകാരനും കൂടെ അവിടേക്ക് വരുന്നത് കണ്ടതു. കൃഷ്ണ അവരെ കണ്ടതും ചാടി എഴുന്നേറ്റു നിന്നു..

തുടരുന്നു…

വിചാരണ 2

Author: മിഥുൻ

[Previous parts]

കോടതി
———–

“ഡാ… ഇറങ്ങടാ… കോടതി എത്തിയെടാ… അവൻ്റെ വിധി ആണ് ഇന്ന്… എന്നിട്ടും അവൻ്റെ സ്വപ്നം കാണലിന് ഒരു കുറവും ഇല്ല…” കോണ്‍സ്റ്റബിള്‍ കൃഷ്ണന്‍ അവനെ തട്ടി എഴുന്നേൽപ്പിച്ചു കൊണ്ട് പറഞ്ഞു..

“അവനൊരു പാവമാടോ… വെറുതെ അവൻ്റെ മേലേക്ക് കേറണ്ടാ… എനിക്കിപ്പോഴും തോന്നുന്നത് അവൻ പെട്ടുപോയതാണെന്നാ…” എസ്ഐ വിവേക് കൃഷ്ണനോട് പറഞ്ഞു.

“അതെന്നാ സാറേ അങ്ങനെ?”

“അത് നമ്മുടെ സിഐ സാറിന്‍റെ കേസാ. അങ്ങേര്‍ക്കെന്തോ പേര്‍സണല്‍ ഇഷ്യൂ ഉള്ളത് പോലെ ആണ് ഇവനോട് പെരുമാറുന്നത്. ആ കേസില്‍ മുകളില്‍ നിന്നും എന്തൊക്കെയോ ഇഷ്യൂ ആയതാ. ഇതിലെ അവരുടെ ഒക്കെ പങ്ക് കണ്ടു പിടിച്ചാൽ തന്നെ ഇവനെ രക്ഷപെടുത്താൻ കഴിയും. എനിക്കും ഇതിനെ പറ്റി കാര്യമായി ഒന്നും അറിയില്ല. നിനക്ക് ആ സിഐ സാറിനെ അറിയാമോടാ.”